સરકારી બેંકોમાં વિદેશી રોકાણની મર્યાદા વધારવા પર વિચારણા, કોન્સોલિડેશનની પણ શક્યતા

ભારત સરકાર નાણાકીય ક્ષેત્રમાં સુધારાના એક નવા તબક્કા પર વિચાર કરી રહી છે, જેનો મુખ્ય ઉદ્દેશ મજબૂત અને વધુ સ્પર્ધાત્મક સંસ્થાઓનું નિર્માણ કરવાનો છે. આ ઉપરાંત, કેન્દ્ર સરકાર જાહેર ક્ષેત્રની સામાન્ય વીમા કંપનીઓના વિલિનીકરણ પર પણ ચર્ચા કરી શકે છે. આ પગલાં દેશની ઝડપથી વિકસતી અર્થવ્યવસ્થાની ધિરાણ જરૂરિયાતોને પહોંચી વળવા માટે મોટા અને વધુ શક્તિશાળી સંસ્થાનો બનાવવાની દિશામાં એક મહત્ત્વપૂર્ણ કદમ હોઈ શકે છે.

FDI લિમિટ 20%થી વધારવાની શક્યતા

સૂત્રોના જણાવ્યા અનુસાર, સરકાર જાહેર ક્ષેત્રની બેંકોમાં વિદેશી પ્રત્યક્ષ રોકાણ (FDI)ની મર્યાદા 20%થી વધારવા પર વિચાર કરી શકે છે. આ વિચાર પાછળનો મુખ્ય હેતુ લાંબા ગાળાની મૂડી આકર્ષિત કરવાનો અને આ સંસ્થાઓમાં રોકાણકારોનો આધાર વધારવાનો છે. CNBC-આવાઝના અહેવાલ મુજબ, આ પગલું સરકારી બેંકોને વૈશ્વિક સ્તરે વધુ સ્પર્ધાત્મક બનાવવામાં મદદ કરશે.

સરકારી બેંકોમાં વધુ કોન્સોલિડેશનની સંભાવના

સરકારી વીમા કંપનીઓના વિલિનીકરણ પર પણ ચર્ચા

નાણાકીય ક્ષેત્રના સુધારાઓના ભાગરૂપે, કેન્દ્ર સરકાર જાહેર ક્ષેત્રની સામાન્ય વીમા કંપનીઓના વિલિનીકરણ પર પણ ચર્ચા કરી શકે છે. આનો મુખ્ય ઉદ્દેશ તેમની ઓપરેશનલ કાર્યક્ષમતામાં વધારો કરવો અને તેમની નાણાકીય સ્થિતિ સુધારવાનો છે. જોકે, રિપોર્ટમાં સ્પષ્ટપણે જણાવવામાં આવ્યું છે કે આ વિચારો હાલ માત્ર ચર્ચાના તબક્કામાં છે અને કોઈ નક્કર પ્રસ્તાવ હજુ સુધી રજૂ કરવામાં આવ્યો નથી.

નાણા મંત્રાલય અને RBI વચ્ચે ચર્ચાઓ

આ પહેલા બ્લૂમબર્ગના એક અહેવાલમાં જણાવાયું હતું કે નાણા મંત્રાલયના અધિકારીઓ અને ભારતીય રિઝર્વ બેંક (RBI) મોટા અને વધુ શક્તિશાળી બેંકો બનાવવા માટે પ્રારંભિક તબક્કાની ચર્ચાઓ કરી રહ્યા છે. આનો ઉદ્દેશ આગામી દાયકાઓમાં દેશની ઝડપી આર્થિક વૃદ્ધિને ટેકો આપવાનો છે. આ પ્રસ્તાવોમાં મોટી કંપનીઓને બેંકિંગ લાઇસન્સ માટે અરજી કરવાની મંજૂરી આપવી, નોન-બેંકિંગ ફાઇનાન્સિયલ કંપનીઓ (NBFC) ને સંપૂર્ણ બેંક બનવા માટે પ્રોત્સાહિત કરવી, અને વિદેશી રોકાણકારો માટે ભારતના સરકારી બેંકોમાં હિસ્સેદારી વધારવાનું સરળ બનાવવાનો સમાવેશ થાય છે.

આ પણ વાંચો-L&T Technology Share Price : પરિણામો પછી 2%થી વધુ ઉછળ્યો શેર, પરંતુ બ્રોકરેજીસના જુદા-જુદા મંતવ્યો