INDIA PMI DATA : 2 એપ્રિલના રોજ જાહેર થયેલા આંકડા મુજબ, માર્ચ મહિનામાં ભારતની મેન્યુફેક્ચરિંગ (ઉત્પાદન) ગતિવિધિ ધીમી પડી છે. ભારતનો મેન્યુફેક્ચરિંગ PMI માર્ચમાં ઘટીને 45 મહિનાના સૌથી નીચલા સ્તર 53.9 પર પહોંચી ગયો છે. અગાઉ ફેબ્રુઆરી મહિનામાં આ આંકડો 56.9 પર હતો.
INDIA PMI DATA : ભારતનો મેન્યુફેક્ચરિંગ PMI 4 વર્ષના તળિયે, ઘટીને 53.9 પર પહોંચ્યો
માર્ચ મહિનામાં ભારતની મેન્યુફેક્ચરિંગ ગતિવિધિ ધીમી પડી છે. PMI ઘટીને 53.9 પર પહોંચ્યો છે, જે છેલ્લા 4 વર્ષનું સૌથી નીચું સ્તર છે. જાણો ઈરાન યુદ્ધ અને અન્ય કયા કારણોથી આ ઘટાડો આવ્યો છે.
અપડેટેડ 02:02:50 PM Apr 02, 2026 પર
વધતી પડતર કિંમત અને બજારની અનિશ્ચિતતાને કારણે વર્ષ 2022 ના મધ્યભાગ પછી ફેક્ટરી ઉત્પાદન અને નવા ઓર્ડરમાં સૌથી ધીમી ગતિએ વધારો થયો છે.
આ સપ્ટેમ્બર 2021 પછીનો સૌથી નબળો આંકડો છે. નોંધનીય છે કે સપ્ટેમ્બર 2021 માં પીએમઆઇ 53.7 નોંધાયો હતો. માર્ચના આ ઘટાડાએ વર્ષની શરૂઆતમાં જોવા મળેલી તેજી પર બ્રેક લગાવી દીધી છે. ડિસેમ્બરમાં PMI 55 હતો, જે જાન્યુઆરીમાં વધીને 55.4 અને ફેબ્રુઆરીમાં 56.9 થયો હતો.
પીએમઆઇના ડેટા પર નજર કરીએ તો, વર્ષ 2024 અને 2025 દરમિયાન તે મોટાભાગે 55 થી 59 ની રેન્જમાં રહ્યો હતો. માર્ચ 2024 અને જુલાઈ 2025 માં તે 59.1 ના સ્તરે હતો, જ્યારે ઓગસ્ટ 2025 માં તે 59.3 ની ટોચે પહોંચ્યો હતો.
PMI માં આ મોટા ઘટાડા પાછળનું મુખ્ય કારણ શું છે?
માર્ચનો 53.9 નો આંકડો સ્પષ્ટપણે દર્શાવે છે કે મેન્યુફેક્ચરિંગની ગતિમાં નરમાશ આવી છે. આ પાછળના મુખ્ય કારણો નીચે મુજબ છે:
ઈરાન યુદ્ધ અને હોર્મુઝ સ્ટ્રેટ: હોર્મુઝ સ્ટ્રેટ બ્લોક થવાને કારણે સપ્લાય ચેન ખોરવાઈ છે. યુદ્ધ શરૂ થયા પહેલા ભારતમાં આવતો તેલ અને ગેસનો મોટો જથ્થો આ માર્ગેથી જ પસાર થતો હતો.
મધ્ય-પૂર્વનો સંઘર્ષ: મધ્ય-પૂર્વમાં ચાલી રહેલા તણાવને કારણે બજારમાં અનિશ્ચિતતા વધી છે.
વધતો ખર્ચ અને સ્પર્ધા: કાચા માલની કિંમતો વધવી અને બજારમાં ગળાકાપ સ્પર્ધા પણ એક મોટું કારણ છે.
ફેક્ટરી ઉત્પાદન અને નવા ઓર્ડર પર અસર
વધતી પડતર કિંમત અને બજારની અનિશ્ચિતતાને કારણે વર્ષ 2022 ના મધ્યભાગ પછી ફેક્ટરી ઉત્પાદન અને નવા ઓર્ડરમાં સૌથી ધીમી ગતિએ વધારો થયો છે. ઇનપુટ કોસ્ટ ઝડપથી વધીને 43 મહિનાના ઉચ્ચ સ્તરે પહોંચી ગયો છે. જોકે, રાહતની વાત એ છે કે કંપનીઓએ ફાઈનલ પ્રોડક્ટ્સના ભાવમાં બહુ મોટો વધારો કર્યો નથી. તેનો અર્થ એ છે કે કંપનીઓ વધેલા ખર્ચનો બોજ ગ્રાહકો પર નાખવાને બદલે જાતે જ સહન કરવાનો પ્રયાસ કરી રહી છે. આ ઉપરાંત, છેલ્લા 18 મહિનામાં પહેલીવાર કામના બેકલોગમાંઘટાડો જોવા મળ્યો છે. આમ છતાં, કંપનીઓ આખા વર્ષના ઉત્પાદન અંગે હજુ પણ પોઝિટિવ છે.
PMIમાં 50 ના આંકડાનું શું મહત્વ છે?
આટલા ઘટાડા પછી પણ બહુ ચિંતા કરવાની જરૂર નથી, કારણ કે PMI ઇન્ડેક્સ હજુ પણ 50 ના લેવલથી ઉપર છે. જ્યારે મેન્યુફેક્ચરિંગ PMI 50 થી ઉપર હોય, ત્યારે તેનો અર્થ એ છે કે સેક્ટરમાં ગ્રોથ ચાલુ છે. જો આ આંકડો 50 થી નીચે જાય, તો તેને સંકોચન અથવા મંદીનો સંકેત માનવામાં આવે છે. કમ્પોઝિટ પીએમઆઈમાં મેન્યુફેક્ચરિંગ અને સર્વિસ બંને સેક્ટરનો સમાવેશ થાય છે. આ આંકડો કોઈપણ દેશની આર્થિક સ્થિતિ અને બિઝનેસ એક્ટિવિટી માપવા માટેનો ખૂબ જ મહત્વનો ઇન્ડિકેટર ગણાય છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
