અમેરિકાના ભારે ટેરિફથી ચમક્યું ભારતનું રમકડાં ઉદ્યોગ, નિકાસકારો માટે સોનેરી તક

અમેરિકાએ ચીનના રમકડાં ઉત્પાદનો પર ભારે ટેરિફ લગાવતાં હવે ભારતના રમકડાં ઉદ્યોગ માટે સોનેરી તક ઉભી થઈ છે. અમેરિકા પોતાનો આયાત આધાર ધીરે-ધીરે ચીનમાંથી હટાવી રહ્યો છે અને વૈકલ્પિક બજારોની શોધમાં છે. આ બદલાવથી ભારતના નિકાસકારોમાં નવી ઊર્જા જોવા મળી છે.

અમેરિકાનો ખીલતો રમકડાં બજાર

ભારતનાં ઉત્પાદકો માટે મોકો

ભારતીય રમકડાં સંઘના પ્રમુખ અજય અગ્રવાલે જણાવ્યુ હતું કે, હાલમાં ભારતની અંદર લગભગ 20 કંપનીઓ અમેરિકામાં મોટા પાયે રમકડાં નિકાસ કરે છે. છેલ્લા એક મહિનામાં અમેરિકન ખરીદદારો તરફથી વધુ પૂછપરછ મળી છે. કેટલાક નિકાસકારોએ તો અમેરિકાના નિયમોને અનુરૂપ ઉત્પાદન કરતી કંપનીઓની યાદી પણ માગી છે. તેઓ ‘વ્હાઈટ લેબલિંગ’ અને ‘ઓરિજિનલ ઇક્વિપમેન્ટ મેન્યુફેક્ચરિંગ’ માટે યોગ્ય ભાગીદારોની શોધમાં છે.

40 નિકાસયોગ્ય કંપનીઓની ઓળખ

ભારતીય રમકડાં સંઘે જણાવ્યું કે, તેમણે લગભગ 40 એવી ભારતીય કંપનીઓની ઓળખ કરી છે જે અમેરિકા માટે જરૂરી પ્રમાણભૂતતાઓ અને ગુણવત્તા માપદંડોને પહોંચી વળે છે. આ કંપનીઓ હવે નિકાસ માટે આગળ વધવાની તજવીજ કરી રહી છે.

ભારત માટે વ્યાપાર વિસ્તરણની તકો

અજય અગ્રવાલે સ્પષ્ટ રીતે જણાવ્યું કે, “જો અમેરિકા ચીન પર વધુ ટેરિફ લાદે છે અને ભારત માટે સાવ ન્યૂનતમ દર રાખે છે, તો એ આપણાં માટે એક મોટો લાભકારક સંજોગ સાબિત થઈ શકે છે.” તેમણે ઉમેર્યું કે, “અમેરિકન બજાર વિશ્વનું સૌથી મોટું રમકડાં બજાર છે. જો ભારત યોગ્ય રીતે તેની અંદર પ્રવેશ મેળવે, તો નિકાસમાં બહુ મોટો વધારો જોઈ શકાય છે.”

ઉદ્યોગ માટે નવી દિશા

આ મોરચે, ભારતના નાના અને મધ્યમ ઉદ્યોગોને (MSMEs) નવી દિશા મળે તેવી શક્યતા છે. ગુણવત્તાવાળા, સલામત અને આંતરરાષ્ટ્રીય નિયમોને અનુરૂપ રમકડાં બનાવીને ભારતીય ઉત્પાદકો હવે વૈશ્વિક સ્તરે પોતાનું સ્થાન મજબૂત બનાવી શકે છે.

વિશ્લેષકો કહે છે કે, જો સરકાર યોગ્ય નીતિઓ અપનાવે અને નિકાસ પ્રોત્સાહન આપે તો આગામી વર્ષોમાં ભારત રમકડાં નિકાસ ક્ષેત્રમાં એક મહત્વપૂર્ણ ખેલાડી તરીકે ઉભરી શકે છે.

ચીન પર લાગેલા ટેરિફનો સીધો લાભ હવે ભારતને મળી રહ્યો છે. ભારતીય ઉત્પાદકો માટે આ સમય સાવ અનુકૂળ છે જ્યાં ગુણવત્તા, પ્રમાણભૂતતા અને સમયસર ડિલિવરીથી અમેરિકન બજાર પર કબ્જો મેળવી શકાય છે. યોગ્ય દિશામાં પ્રયત્નો કરવામાં આવે તો ભારતનું રમકડાં ઉદ્યોગ આર્થિક વિકાસના નવા શિખરો સર કરી શકે છે.

આ પણ વાંચો-Indian Coast Guard Career Guide: શું છે ઇન્ડિયન કોસ્ટ ગાર્ડ? સાહસિક કરિયરની શોધમાં છો તો જાણો કેવી રીતે મળે છે એન્ટ્રી