વેદાંતાના શેર ખરીદવા પડાપડી: ડીમર્જરની રેકોર્ડ ડેટ જાહેર થતા રોકાણકારો માલામાલ, જાણો તમને શું ફાયદો થશે?

Vedanta Demerger: માઈનિંગ ક્ષેત્રની દિગ્ગજ કંપની વેદાંતા લિમિટેડના રોકાણકારો માટે મોટા સમાચાર સામે આવ્યા છે. અનિલ અગ્રવાલની આગેવાની હેઠળની આ કંપનીએ તેના ડીમર્જર (કંપનીના ભાગલા) માટેની રેકોર્ડ ડેટ જાહેર કરી દીધી છે. આ જાહેરાત બાદ શેરબજારમાં વેદાંતાના શેર ખરીદવા માટે રોકાણકારોની પડાપડી જોવા મળી રહી છે, જેના કારણે શેર તેના એક વર્ષના નવા હાઈ લેવલ પર પહોંચી ગયો છે.

રેકોર્ડ ડેટ અને શેરબજારની પ્રતિક્રિયા

વેદાંતાએ એક્સચેન્જ ફાઈલિંગમાં જણાવ્યું છે કે ડીમર્જર માટે 1 મે 2026ની રેકોર્ડ ડેટ નક્કી કરવામાં આવી છે. આ સમાચારની પોઝિટિવ અસર આજે શેરબજાર ખુલતા જ જોવા મળી હતી. વેદાંતનો શેર શરૂઆતી કારોબારમાં જ 3% થી વધુ ઉછળ્યો હતો. જોકે, ઊંચા સ્તરે થોડો નફો બુક થવાને કારણે ભાવમાં સામાન્ય ઘટાડો જોવા મળ્યો હતો, પરંતુ તેમ છતાં તે મજબૂત સ્થિતિમાં છે. BSE પર શેર 794.90 ના સ્તરે પહોંચીને એક વર્ષની નવી ઊંચાઈ બનાવી હતી.

રોકાણકારોને શું ફાયદો થશે?

વેદાંતામાંથી અલગ થઈને કઈ 5 કંપનીઓ લિસ્ટ થશે?

કંપનીના જણાવ્યા અનુસાર, બિઝનેસ સ્ટ્રક્ચરને સરળ બનાવવા માટે વેદાંત 5 અલગ-અલગ હિસ્સામાં વહેંચાશે:

વેદાંતા એલ્યુમિનિયમ મેટલ (Vedanta Aluminium Metal)

વેદાંતા પાવર - તલવંડી સાબો પાવર (Vedanta Power)

વેદાંતા ઓઈલ એન્ડ ગેસ - માલ્કો એનર્જી (Vedanta Oil & Gas)

વેદાંતા આયર્ન એન્ડ સ્ટીલ (Vedanta Iron and Steel)

વેદાંતા લિમિટેડ (હાલની પેરેન્ટ કંપની જે લિસ્ટેડ જ રહેશે)

ક્યારે થશે નવી કંપનીઓનું લિસ્ટિંગ?

વેદાંતાના જણાવ્યા મુજબ, આ નવી કંપનીઓનું લિસ્ટિંગ રેકોર્ડ ડેટથી 4 થી 8 અઠવાડિયાની અંદર થઈ શકે છે. એટલે કે, રેકોર્ડ ડેટના બે મહિનાની અંદર રોકાણકારોના ડીમેટ ખાતામાં નવી કંપનીઓના શેર જોવા મળી શકે છે. આ બધું જરૂરી મંજૂરીઓ પર આધારિત રહેશે.

બ્રોકરેજ ફર્મનો શું છે અંદાજ?

દિગ્ગજ બ્રોકરેજ ફર્મ્સ વેદાંતના શેર પર પોઝિટિવ દેખાઈ રહી છે:

નુવામા (Nuvama): વેદાંતાના શેર માટે 899 રૂપિયાનો ટાર્ગેટ પ્રાઈસ નક્કી કર્યો છે.

કોટક ઇન્સ્ટિટ્યુશનલ ઇક્વિટીઝ: શેર માટે 915 રૂપિયાનો ટાર્ગેટ આપ્યો છે.

11 મહિનામાં પૈસા ડબલ!

વેદાંતાના શેરે છેલ્લા એક વર્ષમાં રોકાણકારોને માલામાલ કરી દીધા છે. 9 મે 2025 ના રોજ શેરનો ભાવ 398.85 રૂપિયા હતો, જે તેની એક વર્ષની નીચી સપાટી હતી. ત્યાંથી માત્ર 11 મહિનામાં જ શેર 99.30% ઉછળીને 21 એપ્રિલ 2026ના રોજ 794.90 રૂપિયા પર પહોંચી ગયો છે. આમ, રોકાણકારોની મૂડી લગભગ બમણી થઈ ગઈ છે.

વેદાંતાનું આ ડીમર્જર કંપનીના અલગ-અલગ બિઝનેસમાં પારદર્શિતા લાવવા અને વેલ્યુ અનલોક કરવા માટે કરવામાં આવી રહ્યું છે. રેકોર્ડ ડેટ ફિક્સ થવાથી રોકાણકારોમાં ઉત્સાહ છે, પરંતુ શેરબજારમાં રોકાણ કરતા પહેલા હંમેશા નાણાકીય સલાહકારની મદદ લેવી હિતાવહ છે.

આ પણ વાંચો- શેરબજારમાં કમાણીની સુવર્ણ તક: આજના ઇન્ટ્રાડે ટ્રેડિંગ માટે આ 20 સ્ટોક્સ પર રાખો નજર, મળી શકે છે બમ્પર વળતર

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.