કોમોડિટી લાઇવ: ક્રૂડ ઓઈલમાં ઉછાળો, બ્રેન્ટ 70 ડૉલરને પાર, મજબૂત ડૉલરથી સોના-ચાંદીમાં દબાણ

શરૂઆતી કારોબારમાં ડૉલર સામે રૂપિયો 15 પૈસા નબળો થઈ 85.70 પ્રતિ ડૉલરની સામે 85.85 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની આસપાસ કારોબાર જોવા મળી રહ્યો છે. ઉલ્લેખનિય છે કે ડૉલર ઇન્ડેક્સમાં રિકવરી અને ક્રૂડ ઓઈલમાં ઉછાળાના પગલે રૂપિયા પર દબાણ જોવા મળ્યું.

શરૂઆતી કારોબારમાં સ્થાનિક બજારમાં મેટલ્સ તરફથી મિશ્ર સંકેતો મળ્યા, જોકે વૈશ્વિક બજારમાં US કોપર ફ્યૂચર્સના ભાવ આશરે 10 ટકા વધતા દેખાયા, ઉલ્લેખનિય છે કે ટ્રમ્પ તરફથી કોપર પર 50% ટેરિફ લાગી શકે તેવા નિવેદન બાદ કિંમતોમાં ઉછાળો આવ્યો, તો ઓછી સપ્લાઈના આઉટલૂક સાથે એલ્યુમિનિયમમાં આશરે 3 મહિનાના ઉપલા સ્તરની પાસે કારોબાર જોવા મળ્યો હતો.

ટ્રમ્પે કોપર પર 50% ટેરિફ લાગી શકે છે. ટ્રમ્પના નિવેદન બાદ વાયદામાં કોપર 17% વધ્યું. એક દિવસમાં કોપરમાં આવી સૌથી મોટી તેજી છે. 74% કોપર માત્ર 3 દેશોથી ઇમ્પોર્ટ કરે છે US.

સોનાની કિંમતોમાં ઉપલા સ્તરેથી આશરે 1 ટકા સુધીનો ઘટાડો આવતા COMEX પર ભાવ 3300 ડૉલરની નીચે આવ્યા, તો સ્થાનિક બજારમાં 97000ની નીચે કિંમતો પહોંચતી દેખાઈ, અહીં મજબૂત ડૉલર અને વધતી ટ્રેઝરી યીલ્ડના કારણે કિંમતો પર અસર જોવા મળી છે.

ચાંદીમાં પણ નરમાશ રહેતા વૈશ્વિક બજારમાં આશરે અડધા ટકાથી વધુની વેચવાલી સાથે 36 ડૉલરની પાસે કિંમતો પહોંચી, તો સ્થાનિક બજારમાં 1 લાખ 7 હજાર 800ના સ્તરની પાસે કારોબાર જોવા મળ્યો હતો.

ક્રૂડ ઓઈલમાં ઉછાળો આવતા, બ્રેન્ટના ભાવ 2 સપ્તાહના ઉપલા સ્તર એટલે કે 70 ડૉલરને પાર પહોંચતા દેખાયા, તો NYMEX ક્રૂડમાં 68 ડૉલરને પાર કારોબાર જોવા મળ્યો, અહીં RED SEAમાં હૂતી અટેક અને અમેરિકામાં ઓછા પ્રોડક્શનના અનુમાનના કારણે કિંમતોને સપોર્ટ મળતો દેખાઈ રહ્યો છે.

શરૂઆતી કારોબારમાં સ્થાનિક બજારમાં નેચરલ ગેસની કિંમતો ફ્લેટ રહેતા 286ના સ્તરની પાસે કારોબાર જોવા મળ્યો હતો.

ખાદ્ય તેલ પર નજર, મલેશિયા પામ ઓઈલના ભાવ વધી 3 મહિનાના ઉપલા સ્તરની પાસે પહોંચ્યા, શિકાગો સોયાતેલ અને ડેલિયન પામ તેલના વાયદામાં નરમાશથી સપોર્ટ મળ્યો.