કોમોડિટી લાઇવ: ક્રૂડના ભાવ ફરી નીચલા સ્તરેથી સુધર્યા, સોના-ચાંદીની ચમકમાં વધારો

શરૂઆતી કારોબારમાં ડૉલર સામે રૂપિયો 5 પૈસા મજબૂત થઈ 87.73 પ્રતિ ડૉલરની સામે 87.68 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની પાસે કારોબાર જોવા મળી રહ્યો છે. ઉલ્લેખનિય છે કે, ક્રૂડ ઓઈલમાં વેચવાલીના કારણે રૂપિયાને સપોર્ટ મળતો દેખાયો.

સોનાની ચમક યથાવત્ રહેતા અહીં COMEX પર ભાવ 3378 ડૉલરની ઉપર પહોંચતા જોવા મળ્યા હતા, જ્યારે સ્થાનિક બજારમાં 1 લાખની ઉપર કારોબાર સ્થિર રહેતો જોવા મળ્યો હતો. ઉલ્લેખનિય છે કે USએ ભારત પર વધુ ટેરિફ લગાવ્યા છેસ જેની અસર જેમ્સ એન્ડ જ્વેલરી સેક્ટર પર આવતી દેખાશે.

ભારત પર ટેરિફ વધતા જેમ્સ એન્ડ જ્વેલરી સેક્ટર પ્રભાવિત છે. 9-10 બિલિયન ડોલરની નિકાસ સાથે અમેરિકા સૌથી મોટું નિકાસ સ્થળ છે. 30% ભારતીય જ્વેલરી અમેરિકામાં નિકાસ થાય છે. 50% ટેરિફ પર નિકાસ વ્યવહારુ નથી.

ચાંદીમાં પણ પોઝિટીવિટી આગળ વધતા અહીં વૈશ્વિક બજારમાં ભાવ આશરે અડધા ટકાથી વધુ વધીને 38 ડૉલરની પાસેપ પહોંચ્યા, જ્યારે સ્થાનિક બજારમાં પણ ભાવ 1 લાખ 14 હજાર 130ના સ્તરની પાસે આવતા દેખાયા હતા.

શરૂઆતી કારોબારમાં સ્થાનિક બજારમાં બેઝ મેટલ્સ તરફથી પોઝિટીવ સંકેતો મળ્યા, જ્યાં કોપર સહિત તમામ મેટલ્સમાં મજબૂતી જોવા મળી હતી. ઉલ્લેખનિય છે કે, કોડેલ્કો માઈનમાં કામકાજ ફરી શરૂ થવાની આશાએ કોપરની કિંમતોને સપોર્ટ મળતો દેખાયો, જ્યારે ડૉલર ઇન્ડેક્સમાં મામુલી નરમાશના કારણે બાકી મેટલ્સને પણ સપોર્ટ મળી રહ્યો છે.

ગઈકાલના ઘટાડા બાદ ક્રૂડમાં ફરી નીચલા સ્તરેથી રિકવરી આવતા બ્રેન્ટમાં આશરે અડધા ટકાથી વધુની તેજી સાથે 67 ડૉલરને પાર કારોબાર નોંધાયો, તો nymex ક્રૂડમાં આશરે 1 ટકાની મજબૂતી જોવા મળી હતી. ઉલ્લેખનિય છે કે રશિયા તરફથી ઓઈલની ખરીદી કરવા પર USએ ભારત પર વધુ 25%ના ટેરિફ લગાવ્યા જે 27 ઓગસ્ટથી લાગૂ થશે, તો આમ હવે ભારત પર કુલ 50 ટકાના ટેરિફ લગાવવામાં આવ્યા છે, જેમાંથી પહેલાના 25 ટકા ટેરિફ આજથી લાગૂ થશે.

શરૂઆતી કારોબારમાં સ્થાનિક બજારમાં નેચરલ ગેસની કિંમતો આશરે અડધા ટકાથી વધુ વધીને 272ના સ્તરની પાસે પહોંચતી જોવા મળી હતી.