કોમોડિટી લાઇવ: સોના-ચાંદીની ચમક ઘટી, ક્રૂડમાં તેજી, બ્રેન્ટ $68ને પાર

શરૂઆતી કારોબારમાં ડૉલર સામે રૂપિયો 3 પૈસા મજબૂત થઈ 85.94 પ્રતિ ડૉલરની સામે 85.91 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની આસપાસ કારોબાર જોવા મળી રહ્યો છે.

ભારત સાથે ટ્રેડ ડીલની વાતચીત છેલ્લા તબક્કામાં છે, તેવા ટ્રમ્પના નિવેદન બાદ સોનાની કિંમતોમાં ઘટાડો આવતા COMEX પર ભાવ 3341 ડૉલરની પાસે પહોંચ્યા, તો સ્થાનિર બજારમાં 97,442ના સ્તરની પાસે આશરે પા ટકાથી વધુની વેચવાલી જોવા મળી હતી.

SEBIએ ETFs દ્વારા રાખવામાં આવેલા ફિઝીકલ સોના અને ચાંદીના મૂલ્યમાં મોટા પાયે ફેરફાર લાવવાનો પ્રસ્તાવ મૂક્યો છે.

SEBIએ સોના, ચાંદીના ETFના વેલ્યુએશન પદ્ધતિઓને પ્રમાણિત કરવાનો પ્રસ્તાવ મૂકયો. SEBIએ આ માટે કન્સલ્ટેશન પેપર બહાર પાડ્યું. ETFમાં સોના અને ચાંદીના મૂલ્યાંકનમાં ફેરફારનો પ્રસ્તાવ. આંતરરાષ્ટ્રીય ભાવોથી સ્થાનિક હાજર ભાવનો સમાવેશ. આ પ્રસ્તાવ 6 ઓગસ્ટ સુધી જાહેર ટિપ્પણી માટે ખુલ્લો. હાલ ETFનું સંચાલન કરતા MF બેન્ચમાર્ક તરીકે LBMAનો ભાવ વાપરે છે. ETFs સોના અને ચાંદી માટે MCXના ભાવના ઉપયોગની ભલામણ કરી.

શરૂઆતી કારોબારમાં સ્થાનિક બજારમાં બેઝ મેટલ્સ તરફથી મિશ્ર સંકેતો મળ્યા, જ્યાં કોપર અને લેડમાં મામુલી નરમાશ જોવા મળી હતી, પણ વૈશ્વિક બજારમાં કોપરની કિંમતોમાં વેચવાલી જોવા મળી, ટેરિફના કારણે USથી થતા શિપમેન્ટમાં ઘટાડો જોવા મળ્યો જેની અસર કિંમતો પર દેખાઈ રહી છે.

મુખ્ય એક્સચેન્જો પર કિંમતોમાં ઘટાડો થયો. 1 ઓગસ્ટના ટેરિફ પહેલા અમેરિકાથી શિપમેન્ટ ઘટ્યું. અમેરિકાની 90% કોપરની આયાત ચિલી, કેનેડા, પેરુથી થાય છે.

ક્રૂડ ઓઈલમાં રિકવરી યથાવત્ રહી, જ્યાં બ્રેન્ટના ભાવ 68 ડૉલરની ઉપર પહોંચ્યા, તો NYMEX ક્રૂડમાં આશરે અડધા ટકાથી વધુની ખરીદદારી સાથે 66 ડૉલરની ઉપર કામકાજ રહ્યું, અહીં મોટા ઓઈલ કન્ઝ્યુમર દેશોના આર્થિક આંકડા સુધરતા અને USની ઇન્વેન્ટરી ઘટતા કિંમતોને સપોર્ટ મળતો દેખાયો હતો. કિંમતોમાં મજબૂતી યથાવત્ છે. બ્રેન્ટના ભાવ 68 ડૉલરની ઉપર પહોંચ્યા. મુખ્ય તેલ ગ્રાહકો તરફથી મજબૂત આર્થિક ડેટાથી સપોર્ટ છે. EIAએ US ક્રૂડ ઇન્વેન્ટરી 3.9 મિલિયન બેરલ ઘટી 422.2 મિલિયન બેરલ થઈ. US-ચાઈના ટ્રેડ તણાવ ઓછો થતા કિંમતોને સપોર્ટ છે.

શરૂઆતી કારોબારમાં સ્થાનિક બજારમાં નેચરલ ગેસની કિંમતો આશરે અડધા ટકાથી વધારે વધીને 305ના સ્તરની પાસે પહોંચતી જોવા મળી હતી.

ઘટશે ખાદ્ય તેલની કિંમતો?

રિફાઈનર્સની આવક 2-3% ઘટવાની આશંકા છે. ક્રિસિલએ રિપોર્ટમાં આવક ઘટવાની આશંકા વ્યક્ત કરી. રિફાઈનર્સની આવક ₹2.6 લાખ કરોડ સંભવ છે. ખાદ્ય તેલની માગ ઘટવાથી આવક ઘટી શકે છે. સોયા, પામ અને સન ફ્લાવર ઓઈલના ભાવ ઘટી શકે છે.