કોમોડિટી લાઇવ: સોના-ચાંદીમાં નીચલા સ્તરેથી સુધારો, ક્રૂડ ઓઈલમાં ખરીદી યથાવત્

શરૂઆતી કારોબારમાં ડૉલર સામે રૂપિયો 7 પૈસા મજબૂત થઈ 95.96 પ્રતિ ડૉલરની સામે 95.89 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની પાસે કારોબાર જોવા મળી રહ્યો છે.

પશ્ચિમ એશિયામાં તણાવ વધતા અને સાઉદી દ્વારા સપ્ટેમ્બરની અમુક ડિલિવરી રદ્દ કરી હોવાથી બજારમાં ફરી સપ્લાયને લઈ ચિંતા વધતા ક્રૂડની કિંમતોને સપોર્ટ મળ્યો, જ્યાં બ્રેન્ટના ભાવ 108 ડૉલરને પાર પહોંચ્યા, તો NYMEX ક્રૂડમાં પણ ખરીદદારી જોવા મળી રહી છે.

રૉયટર્સે સાઉદી અરબે સપ્ટેમ્બરની અમુક ડિલિવરી રદ્દ કરી. યૂરોપના ગ્રાહકોની સપ્ટેમ્બરની ડિલિવરી રદ્દ કરી. સાઉદીએ ઈસ્ટ-વેસ્ટ પાઈપલાઈન બંધ કરી. હૂતિયોના હુમલામાં પાઈપલાઈનને નુકસાન થયું.

શરૂઆતી કારોબારમાં સ્થાનિક બજારમાં નેચરલ ગેસની કિંમતો વધીને 280ના સ્તરની પાસે જોવા મળી હતી.

સોનામાં નરમાશ બાદ નીચલા સ્તરેથી રિકવરી આવતા સ્થાનિક બજારમાં કિંમતો આશરે અડધા ટકાથી વધુ વધીને 1 લાખ 51 હજારને પાર પહોંચી, જ્યારે COMEX પર 4327 ડૉલરને પાર કારોબાર જોવા મળી રહ્યો છે. અહીં ફેડ દ્વારા વ્યાજ દરમાં વધારાની આશાએ કિંમતોને સપોર્ટ મળી રહ્યો છે.

સોનાને પગલે ચાંદીમાં પણ ખરીદદારી આવતા સ્થાનિક બજારમાં દોઢ ટકા જેટલી તેજી સાથે 2 લાખ 35 હજારને પાર કારોબાર નોંધાયો, જ્યારે વૈશ્વિક બજારમાં દોઢ ટકાથી વધુની ખરીદદારી સાથે કિંમતો 64 ડૉલરને પાર પહોંચતી દેખાઈ હતી.

શરૂઆતી કારોબારમાં સ્થાનિક બજારમાં નિકલ સિવાય તમામ મેટલ્સમાં સારી ખરીદદારી રહી, નિકલમાં આશરે 10 સપ્તાહના નીચલા સ્તરે કારોબાર નોંધાયો, જ્યારે કોપર ફ્યૂચર્સમાં પણ દબાણ આવતા 7 સપ્તાહના નીચલા સ્તરે કારોબાર જોવા મળ્યો હતો.

એગ્રી કૉમોડિટી પર નજર કરીએ તો, સોયાબીન પર ફોકસ, કિંમતોમાં આશરે 1.25 ટકા વધી, સ્થાનિક ભૌતિક પુરવઠો ઓછો અને સ્થિતિસ્થાપક માંગ ઓછી થતા કિંમતો પર અસર રહેશે.