કોમોડિટી લાઈવ: રેટ કટની આશાએ સોના-ચાંદીમાં તેજી, ક્રૂડ ઓઈલમાં ઉપલા સ્તરેથી આવી નફાવસુલી

ડૉલર સામે રૂપિયો 15 પૈસા નબળો થઈ 87.58 પ્રતિ ડૉલરની સામે 87.73 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની આસપાસ કારોબાર જોવા મળી રહ્યો છે.

સોનામાં મજબૂતી આગળ વધતા અહીં comex પર ભાવ 3370 ડૉલરની ઉપર પહોંચ્યા, તો સ્થાનિક બજારમાં 1 લાખની ઉપર કારોબાર યથાવત્ રહ્યો, અહીં ફેડ તરફથી રેટ કટની આશાએ કિંમતોને સપોર્ટ મળતો દેખાયો છે.

ચાંદીમાં કારોબારની વાત કરીએ તો કિંમતો વધીને વર્ષ 2011ના ઉપલા સ્તરની પાસે પહોંચી. ચીને મે મહિનામાં 93GWથી વધુ સોલાર ક્ષમતા ઇન્સ્ટોલ કરી. વર્ષ દર વર્ષના આધાર પર 93 ગીગાવોટ ક્ષમતા, રેકોર્ડ ઉચ્ચતમ સ્તર અને 300%નો વધારો થયો.

શરૂઆતી કારોબારમાં સ્થાનિક બજારમાં કોપર સહિત તમામ મેટલ્સમાં મજબૂતી જોવા મળી, જ્યાં વૈશ્વિક બજારમાં એલ્યુમિનિયમના ભાવ 4 સપ્તાહના ઉપલા સ્તરે પહોંચ્યા, તો કોપરમાં સતત ચોથા દિવસે ખરીદદારી જોવા મળી હતી.

એલ્યુમિનિયમમાં કારોબારની વાત કરીએ તો કિંમતો વધીને 4 સપ્તાહના ઉપલા સ્તરની પાસે પહોંચી. ડૉલર ઇન્ડેક્સમાં નાની રેન્જથી મળી રહ્યો છે સપોર્ટ. એલ્યુમિનિયમ સ્મેલ્ટર મોઝામ્બિકમાં એક પ્લાન્ટ બંધ કરશે. વીજળીની સમસ્યાને કારણે પ્લાન્ટ બંધ કરશે. આ વર્ષે ચીનનું ઉત્પાદન વાર્ષિક 45 મિલિયન ટનના રેકોર્ડ સ્તરે છે.

કોપરમાં કારોબારની વાત કરીએ કિંમતો સતત ચોથા દિવસે તેજી છે. સપ્ટેમ્બરથી USમાં વ્યાજ દર કાપની સાઈકલ શરૂ થઈ શકે. સપ્ટેમ્બરમાં 25bps રેટ ઘટાડાની 87% સંભાવના છે.

ક્રૂડ ઓઈલમાં ખરીદદારી આગળ વધતી દેખાઈ હતી, પણ ત્યાર બાદ ઉપલા સ્તરેથી વેચવાલી પણ જોઈ.. જ્યાં બ્રેન્ટના ભાવ 69 ડૉલરની નીચે આવ્યા, તો nymex ક્રૂડમાં શરૂઆતી કારોબાર આશરે અડધા ટકાના ઘટાડા સાથેનો રહેતો જોવા મળ્યો હતો...રશિયા-યુક્રેન યુદ્ધની અપડેટ પર બજારની નજર છે, જ્યારે ટ્રમેપ ટેરિફની ચિંતા પણ જોવા મળી રહી છે.

ક્રૂડ ઓઈલમાં કારોબારની વાત કરીએ તો કિંમતો 3 સપ્તાહના ઉપલા સ્તરે પહોંચ્યા બાદ ઘટી. બ્રેન્ટમાં 69 ડૉલરની નીચે આવ્યો કારોબાર. રશિયા-યુક્રેન યુદ્ધ અપડેટ પર બજારની નજર રહેશે. 2 સપ્તાહમાં શાંતિ કરાર નહીં થવા પર ટ્રમ્પ રશિયા પર વધુ ટેરિફ લગાવશે.

શરૂઆતી કારોબારમાં સ્થાનિક બજારમાં નેચરલ ગેસમાં આશરે એક ટકા જેટલી મજબૂતી આવતા ભાવ 1 ટકાની ઉપર પહોંચતા જોવા મળ્યા હતા.

એગ્રી કૉમોડિટી પર નજર કરીએ તો, મસાલા પેક તરફથી મિશ્ર સંકેતો, ગુવારગમમાં તેજી, તો મસાલા પેકમાં જીરા અને હળદરમાં નરમાશ, તો કપાસિયા ખોળમાં સૌથી વધુ નોંધાઈ વેચવાલી.