કોમોડિટી લાઇવ: સોના-ચાંદીમાં નફાવસુલીનું દબાણ, રશિયા પર પ્રતિબંધની આશંકાએ ક્રૂડમાં દબાણ

શરૂઆતી કારોબારમાં ડૉલર સામે રૂપિયો 2 પૈસા નબળો થઈ 85.99 પ્રતિ ડૉલરની સામે 85.97 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની પાસે કારોબાર જોવા મળી રહ્યો છે.

સોનામાં ગઈકાલના દબાણ બાદ કિંમતો ફરી નીચલા સ્તરેથી સુધરતી દેખાઈ, જ્યાં COMEX પર ભાવ 3355 ડૉલરની ઉપર જોવા મળ્યા, તો સ્થાનિક બજારમાં 97,925ના સ્તરની પાસે કારોબાર જોવા મળી રહ્યો છે.

આજે શરુઆતી કારોબારમાં સ્થાનિક બજારમાં કોપર સહિત તમામ મેટલ્સમાં નેગેટીવ કારોબાર જોવા મળ્યો, જ્યાં ઝિંકમાં સૌથી વધારે વેચવાલી રહી, તો વૈશ્વિક બજારમાં પણ કોપરની કિંમતોમાં ઉપલા સ્તરેથી આશરે 1 ટકાનો ઘટાડો નોંધાયો, અહીં વાતચીત દ્વારા ટેરિફમાં ઘટાડો થઈ શકે તેવી આશંકાએ કિંમતો પર દબાણ દેખાયું છે.

અમેરિકાએ રશિયાને યુદ્ધવિરામ માટે સંમત થવા માટે 50 દિવસનો સમય આપ્યો હોવાથી ક્રૂડ ઓઈલમાં ઉપલા સ્તરેથી આશરે 2 ટકાનો ઘટાડો નોંધાયો, જ્યાં બ્રેન્ટના ભાવ 69 ડૉલરની નીચે આવ્યા, તો NYMEX ક્રૂડમાં અડધા ટકાથી વધુની વેચવાલી સાથે 67 ડૉલરની નીચે કામકાજ જોવા મળ્યું હતું.

રાતોરાત કિંમતો આશરે 2 ટકા તૂટી. USએ રશિયાને યુદ્ધવિરામ માટે સંમત થવા માટે 50 દિવસનો સમય આપ્યો. USએ રશિયાને 100% સુધીના વધુ પ્રતિબંધોની ચેતવણી આપી. અમેરિકા ભાગીદાર દેશો પર વધારે ટેરિફ લાદે છે. EU રશિયા સામે પ્રતિબંધોના 18મા પેકેજની જાહેરાત કરી શકે છે. જૂનમાં રશિયન તેલ નિકાસ 9 મિલિયન ટન નજીક હતી. ભાગીદાર દેશો માટે અમેરિકાના ઊંચા ટેરિફ માંગને અસર કરી શકે.

શરૂઆતી કારોબારમાં સ્થાનિક બજારમાં નેચલ ગેસની કિંમતો આશરે 1 ટકાથી વધુ ઘટીને 295ના સ્તરની પાસે પહોંચતી દેખાઈ હતી.

રબર પર ફોકસ, કિંમતો વધીને 1 મહિનાના ઉપલા સ્તરે પહોંચી, ઉત્પાદક દેશોમાં હવામાનને લઈ ચિંતાઓ સામે ચાઈના તરફથી માગ સુધરવાની આશાએ કિંમતોને સપોર્ટ મળી રહ્યો છે.

રબરમાં કારોબારમાં કિંમતો વધીને 1 મહિનાના ઉપલા સ્તરે પહોંચી. ઉત્પાદક દેશોમાં હવામાનની ચિંતાએ કિંમતોને સપોર્ટ મળ્યો. ઓછા ઉત્પાદન સામે ચાઈના તરફથી માગ વધવાની આશા છે. જૂનમાં ચીનમાં કારના વેચાણમાં પાંચમા મહિને વધારો થયો. અમેરિકામાં ટાયર આયાત, ઓટો ઓર્ડર વધ્યા.