કમોડિટી લાઈવ- ટેરિફ અનિશ્ચિતતાએ સોના-ચાંદી વોલેટાઈલ, ક્રૂડમાં નીચલા સ્તરેથી રિકવરી, બ્રેન્ટ $65ને પાર

શરૂઆતી કારોબારમાં ડૉલર સામે રૂપિયો 5 પૈસા નબળો થઈ 85.84 પ્રતિ ડૉલરની સામે 85.89 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની પાસે કારોબાર જોવા મળ્યો હતો.

ટ્રેડ વૉર વધવાની આશંકાએ ડિમાન્ડ નબળી રહેવાના ડરથી ક્રૂડની કિંમતોમાં નીચલા સ્તરેથી ફરી રિકવરી જોવા મળી, જ્યાં બ્રેન્ટના ભાવ ફરી 65 ડૉલરની ઉપર પહોંચ્યા, તો nymex ક્રૂડમાં 61 ડૉલરની ઉપર કારોબાર જોવા મળી રહ્યો છે, સાથે જ સ્થાનિક બજારમાં પણ પોઝિટીવ કામકાજ નોંધાયું, ઉલ્લેખનિય છે કે ચાઈનાના 34% ટેરિફની વાત પર USએ જવાબ આપતા કહ્યું કે, ચાઈના જો ટેરિફ લગાવશે તો US ચાઈના પર 50%ના વધુ ટેરિફ આવતીકાલથી લાગૂ કરશે, જેના લીધે ટ્રેડ વૉર વધવાની સંભાવના વધી રહી છે.

રાતોરાત કિંમતોમાં નીચલા સ્તરેથી 1 ટકા વધી. 4 વર્ષના નીચલા સ્તરે પહોંચ્યા બાદ રિકવરી જોવા મળી. USએ 9 એપ્રિલથી ચાઈના પર 50% વધારાના ટેરિફની વાત કરી.

શરૂઆતી કારોબારમાં સ્થાનિક બજારમાં નેચરલ ગેસની કિંમતો એક ટકાથી વધુ ઘટીને 317ના સ્તરની આસપાસ કારોબાર જોવા મળી રહ્યો છે.

સોનામાં ઉપલા સ્તરેથી દબાણ આવતા COMEX પર ભાવ 3000 ડૉલરના સ્તરની નીચે આવતા દેખાયા, તો સ્થાનિક બજારમાં 87,500ના સ્તરની પાસે કારોબાર જોવા મળી રહ્યો છે. જેકો ટેરિફ વૉરની ચિંતાએ કિંમતોમાં ઘટાડો લિમીટેડ છે, ઉલ્લેખનિય છે કે US ડૉલર અને જાપનીસ યેન તરફ હવે સેફ હેવન ધ્યાન વધી રહ્યું છે, જેથી સોનાની કિંમતો પર અસર દેખાઈ રહી છે.

સોનામાં કારોબાર

રાતોરાત કિંમતો ઉપલા સ્તરેથી 2% ઘટી. COMEX પર ભાવ 3000 ડૉલર પ્રતિ ઔંસના સ્તરની નીચે છે. US ડૉલર અને જાપનીસ યેન તરફ સેફ હેવન ધ્યાન વધ્યું. COMEX ગોલ્ડનો સ્ટોક નવેમ્બર બાદથી રેકોર્ડ હાઈ પર પહોંચ્યો.

ચાંદીમાં પણ ઉપલા સ્તરેથી નરમાશ આવતા અહીં વૈશ્વિક બજારમાં ભાવ 30 ડૉલરના સ્તર સુધી પહોંચ્યા, જ્યારે સ્થાનિક બજારમાં 88,960ના સ્તરની પાસે કારોબાર જોવા મળ્યો હતો. રાતોરાત કિંમતો આશરે 0.5% વધી. 7 મહિનાના નીચલા સ્તરેથી કિંમતોમાં રિકવરી જોવા મળી.

શરૂઆતી કારોબારમાં સ્થાનિક બજારમાં બેઝ મેટલ્સ તરફથી મિશ્ર સંકેતો મળ્યા, જ્યાં કોપર અને લેડમાં પોઝિટીવ કારોબાર હતો, પણ એલ્યુમિનિયમ અને ઝિંકમાં દબાણ જોવા મળ્યું હતું. પણ વૈશ્વિક બજારમાં આજે પણ મેટલ્સના સેન્ટિમેન્ટ ખરાબ રહ્યા જ્યાં ચાઈના પર US ટેરિફ અને ગ્લોબલ પૉલિસી રિસ્પોન્સના કારણે કિંમતો પર વધારે અસર જોવા મળી છે.

મેટલ્સમાં કારોબાર

US ટેરિફ અને ગ્લોબલ પૉલિસી રિસ્પોન્સના કારણે અસર છે. BofA મુજબ કોપરના ભાવ 2025માં 6% ઘટવાનો અંદાજ છે. સિટીએ કોપર માટે $8,860/tના સરેરાશ ભાવનો અંદાજ આપ્યો.

એગ્રી કૉમોડિટીમાં તેજીની એક્શન, ગુવાર પેકમાં અડધા ટકાથી વધની મજબૂતી, તો મસાલા પેકમાં હળદરમાં વધુ તેજી, પણ કપાસિયા ખોળમાં અડધા ટકાથી વધુની વેચવાલી છે.