કોમોડિટી રિપોર્ટ: ગોલ્ડના આઉટલૂક પર ખાસ ચર્ચા, એક વર્ષમાં સોનાએ આપ્યા 32%ના રિટર્ન

ખાસ રજૂઆત 'ગોલ્ડનો ગ્લોડન રન'માં આપનું સ્વાગત છે, આપણે 2 નાણાકિય વર્ષથી જોઈ રહ્યા છીએ કે સોના-ચાંદીમાં ઘણા સારા રિટર્ન મળી રહ્યા છે. આ વર્ષમાં માત્ર માર્ચ મહિનાની વાત કરીએ તો આપણે સ્થાનિક અને વૈશ્વિક બન્ને બજારોમાં સોનામાં રેકોર્ડ સ્તરે કારોબાર જોયો છે. COMEX પર જ્યાં કિંમતો 3056 ડૉલરના સ્તર સુધી પહોંચી હતી, તે તેજી ભૌગોલિક તણાવની અસર રહેતા આગળ વધતી દેખાઈ શકે છે, સોનાને ઘણા બધા ફેક્ટર અસર કરી રહ્યા છે, પણ તેની સાથે સરકારે જે ગોલ્ડ મોનેટાઈઝેશનના 2 તબક્કા બંધ કર્યા છે તેની ઇન્વેસ્ટમેન્ટ ઓપ્શન્સ ઘટી ગયા છે, આવામાં આજે આપણે નિષ્ણાતો સાથે ચર્ચા કરીને સમજીએ કે હાલની સ્થિતીમાં સોનામાં શું કરવું? રોકાણ માટે ક્યાં ઇન્વેસ્ટમેન્ટ વિકલ્પો અવેલેબલ છે અને હવે કિંમતો પર શું આઉટલૂક બની રહ્યો છે.

સોનામાં તેજીના કારણો

ગોલ્ડ મોનેટાઈઝેશન સ્કીમ થઈ બંધ

કેન્દ્ર સરકારે મધ્યમગાળા અને લાંબાગાળાની સ્કીમ કરી બંધ. સ્કીમના પ્રદર્શન, બદલાતી બજાર પરિસ્થિતિઓના આધારે લેવાયો નિર્ણય. યોજના હેઠળ હાલના ડિપોઝીટ રિડેમ્પશન સુધી ચાલુ રહેશે. GMS 15 ડિસેમ્બર 2015એ શરૂ કરવામાં આવી હતી. સ્કીમનો ઉદ્દેશ સોનાની આયાત પર નિર્ભરતા ઓછી કરવાનો હતો.

કેટલું થયું મોનેટાઈઝેશન?

કિલો

નવેમ્બર 2024 સુધી 31,164

શોર્ટ ટર્મ ડિપોઝીટ 7,509

લોન્ગ ટર્મ ડિપોઝીટ 13,926

મિડ ટર્મ ડિપોઝીટ 9,728

ડિપોઝીટનો સમય

શોર્ટ ટર્મ 1-3 વર્ષ

મિડ ટર્મ 5-7 વર્ષ

લોન્ગ ટર્મ 12-15 વર્ષ

સ્કીમ બંધ કરવાના કારણો

નાણામંત્રીએ આર્થિક સ્થિતીઓને કારણરૂપ બતાવી. યોજનાનું પ્રદર્શન, આર્થિક સ્થિતી અને બજારમાં તેજીના કારણે નિર્ણય લીધો.

સ્કીમમાં પૈસા જમા છે તો શું કરશો?

ગભરાશો નહીં, હાલના ડિપોઝીટ રિડેમ્પશન સુધી ચાલુ રહેશે. પણ નવી ખરીદી આજથી બંધ થશે.