Crude oil price surge: શું ફરી મોંઘું થશે પેટ્રોલ-ડીઝલ? ક્રૂડ ઓઈલ $150ને પાર થવાની ભીતિ, જાણો તમારા ખિસ્સા પર શું થશે અસર

Crude oil price surge: જો તમે વાહન ચલાવો છો, તો આ સમાચાર તમારા માટે ખૂબ જ મહત્વના છે. આગામી દિવસોમાં પેટ્રોલ અને ડીઝલના ભાવ તમારા ખિસ્સા પર મોટો બોજ નાખી શકે છે. આંતરરાષ્ટ્રીય સ્તરે અમેરિકા અને ઈરાન વચ્ચે ફરી એકવાર યુદ્ધ જેવી સ્થિતિ સર્જાઈ રહી છે, જેના કારણે ક્રૂડ ઓઈલ (કાચું તેલ)ના ભાવ આસમાને પહોંચી શકે છે.

ક્રૂડ ઓઇલ $150 પ્રતિ બેરલ થવાની આશંકા

એક જાણીતી એજન્સીના લેટેસ્ટ રિપોર્ટ મુજબ, જો બંને દેશો વચ્ચે તણાવ આમ જ વધતો રહેશે તો ક્રૂડ ઓઈલના ભાવ પ્રતિ બેરલ $150 લગભગ 12,500 રૂપિયાથી વધુની સપાટીને સ્પર્શી શકે છે. એપ્રિલ મહિનામાં થયેલી શાંતિ સમજૂતી હવે તૂટવાની અણી પર છે. આ આંતરરાષ્ટ્રીય વિવાદના ડરથી અમેરિકા સહિત દુનિયાભરના શેરબજારોમાં મોટો કડાકો જોવા મળ્યો છે.

ઇતિહાસની સૌથી મોટી સપ્લાય કટોકટી

આંતરરાષ્ટ્રીય માર્કેટના લેટેસ્ટ ભાવ

આ કટોકટીની સીધી અસર બજારના ભાવો પર દેખાઈ રહી છે. ગુરુવારે આંતરરાષ્ટ્રીય માર્કેટમાં બેન્ચમાર્ક ગણાતું બ્રેન્ટ ક્રૂડ 2%ના ઉછાળા સાથે $95 ની આસપાસ ટ્રેડ થઈ રહ્યું હતું. જ્યારે અમેરિકન વેસ્ટ ટેક્સાસ ઇન્ટરમીડિએટ (WTI) ક્રૂડ 4%ના મોટા ઉછાળા સાથે $93.64 પ્રતિ બેરલ પર પહોંચી ગયું છે.

શું પરિસ્થિતિ સુધરવાની કોઈ આશા છે?

હાલમાં ચીન દ્વારા ક્રૂડ ઓઈલની ઓછી ખરીદી અને સાઉદી અરેબિયાના યાન્બુ એક્સપોર્ટ રૂટના કારણે બજારને થોડી રાહત મળી છે, પરંતુ તે પૂરતી નથી. નિષ્ણાતોના મતે, હવે રાજદ્વારી વાતચીતથી વિવાદ ઉકેલાવાની શક્યતા 40% કરતા પણ નીચે જતી રહી છે.

જો સમય રહેતા અમેરિકા અને ઈરાન વચ્ચેની મંત્રણાઓ સફળ નહીં થાય અને તણાવ લાંબો ચાલશે, તો સ્થિતિ બેકાબૂ બની શકે છે. ક્રૂડ ઓઈલની આ આગ સીધી સ્થાનિક પેટ્રોલ પંપ સુધી પહોંચશે, જેનાથી સામાન્ય માણસના ઘરનું બજેટ સંપૂર્ણપણે ખોરવાઈ જશે. આગામી થોડા દિવસો વૈશ્વિક અર્થતંત્ર અને ઇંધણ બજાર માટે ખૂબ જ નાજુક સાબિત થવાના છે.

આ પણ વાંચો- Sugar stocks today: સરકારના એક મોટા નિર્ણયથી Sugar Stocksમાં 5%નો તોફાની ઉછાળો, રોકાણકારો થયા માલામાલ!