વૈશ્વિક બજારમાં કાચા તેલના ભાવમાં ફરી એકવાર મોટો ઉછાળો જોવા મળ્યો છે. ગુરુવારે બ્રેન્ટ ક્રૂડ તેલની કિંમત $120 પ્રતિ બેરલની સપાટીની અત્યંત નજીક પહોંચી ગઈ છે. ઈરાન પર અમેરિકાના કડક વલણને કારણે તેલના પુરવઠામાં લાંબા સમય સુધી અવરોધ આવવાની આશંકા વધી છે, જેના કારણે તેલના ભાવ ભડકે બળી રહ્યા છે.
ક્રૂડ ઓઈલના ભાવમાં ભડકો: બ્રેન્ટ ક્રૂડ $120ની નજીક પહોંચ્યું, હોર્મુઝ સ્ટ્રેટમાં નાકેબંધીથી સપ્લાય ખોરવાઈ, જાણો ભારત પર અસર
આંતરરાષ્ટ્રીય બજારમાં કાચા તેલના ભાવમાં મોટો ઉછાળો જોવા મળ્યો છે. હોર્મુઝ સ્ટ્રેટમાં ચાલી રહેલી નાકેબંધી અને અમેરિકા-ઈરાન વચ્ચેના તણાવને કારણે બ્રેન્ટ ક્રૂડ $120 ની નજીક પહોંચ્યું છે. જાણો તમારા ખિસ્સા પર આની શું અસર થશે.
અપડેટેડ 08:53:37 AM Apr 30, 2026 પર
કાચા તેલના વધતા ભાવની સીધી અસર ભારતની ઓઈલ માર્કેટીંગ કંપનીઓ (OMCs), ફર્ટિલાઈઝર અને કેમિકલ સેક્ટર પર પડશે.
હોર્મુઝ સ્ટ્રેટમાં નાકેબંધી યથાવત
અમેરિકી રાષ્ટ્રપતિ ડોનાલ્ડ ટ્રમ્પના નિવેદન બાદ તેલના બજારમાં તેજી જોવા મળી છે. ટ્રમ્પે સ્પષ્ટ કર્યું છે કે જ્યાં સુધી ઈરાન સાથે ન્યૂક્લિયર ડીલ નહીં થાય ત્યાં સુધી હોર્મુઝ સ્ટ્રેટ (Hormuz Strait) પર નેવલ બ્લોકેડ એટલે કે નૌકાદળની નાકેબંધી ચાલુ રહેશે. આ સમાચાર આવતા જ આંતરરાષ્ટ્રીય બજારમાં તેલની કિંમતો વધી ગઈ છે:
બ્રેન્ટ ક્રૂડ: જૂન કોન્ટ્રાક્ટ 1.50% વધીને $119.80 પ્રતિ બેરલ પર ટ્રેડ કરી રહ્યો છે.
WTI ક્રૂડ: જૂન કોન્ટ્રાક્ટ 0.36% ના વધારા સાથે $107.26 પ્રતિ બેરલ પર પહોંચ્યો છે.
નિષ્ણાતોના મતે, હોર્મુઝ સ્ટ્રેટ એ પશ્ચિમ એશિયાથી વૈશ્વિક ઉર્જા પુરવઠા માટેનો સૌથી મહત્વનો રસ્તો છે. ફેબ્રુઆરીમાં ઈરાન પર થયેલા હુમલા બાદ તેહરાને આ રસ્તેથી થતી શિપિંગ પર મોટાપાયે પ્રતિબંધ મૂક્યો છે, જે દુનિયાનો અત્યાર સુધીનો સૌથી મોટો એનર્જી સપ્લાય અવરોધ માનવામાં આવે છે.
OPEC+ ની વ્યૂહરચના અને UAE નો નિર્ણય
સપ્લાયની બાજુએ જોઈએ તો, ઓપેક પ્લસ (OPEC+) દેશો રવિવારે તેલ ઉત્પાદનમાં પ્રતિ દિવસ 188,000 બેરલનો મામૂલી વધારો કરવા સંમત થઈ શકે છે. જોકે, એક મહત્વની ઘટના એ છે કે 1 મે થી સંયુક્ત આરબ અમીરાત (UAE) ઓપેક સંગઠનમાંથી બહાર નીકળી રહ્યું છે. આ નિર્ણયથી તેલના ભાવને નિયંત્રિત કરવાની સંગઠનની ક્ષમતાને મોટો ફટકો પડી શકે છે. જોકે, એનાલિસ્ટ્સનું માનવું છે કે હોર્મુઝ સ્ટ્રેટ બંધ હોવાને કારણે હાલમાં માર્કેટ પર આની ખાસ અસર નહીં થાય.
ભારત પર શું થશે અસર?
રેટિંગ એજન્સી ઈકરા (ICRA) ના જણાવ્યા અનુસાર, કાચા તેલના વધતા ભાવની સીધી અસર ભારતની ઓઈલ માર્કેટીંગ કંપનીઓ (OMCs), ફર્ટિલાઈઝર અને કેમિકલ સેક્ટર પર પડશે.
પેટ્રોલ-ડીઝલના ભાવ: જો દેશમાં પેટ્રોલ અને ડીઝલની રિટેલ કિંમતો નહીં બદલાય, તો ઓઈલ કંપનીઓના નફા પર માઠી અસર થશે.
નુકસાનનો અંદાજ: જો ક્રૂડના ભાવ $120-$125 પ્રતિ બેરલની આસપાસ રહે છે, તો પેટ્રોલ પર પ્રતિ લિટર 14 અને ડીઝલ પર પ્રતિ લિટર 18 નું નુકસાન (નેગેટિવ માર્જિન) થવાનો અંદાજ છે.
ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
