ડોનાલ્ડ ટ્રમ્પના ભાષણથી વૈશ્વિક શેરબજારમાં હાહાકાર! એશિયાથી અમેરિકા સુધી મોટો કડાકો, સોના-ચાંદીના ભાવ પણ ગગડ્યા

Global Markets crash: અમેરિકાના રાષ્ટ્રપતિ ડોનાલ્ડ ટ્રમ્પે તાજેતરમાં ઈરાન યુદ્ધ અંગે દેશને સંબોધન કર્યું હતું. તેમના આ ભાષણની અસર આખી દુનિયાના નાણાકીય બજારો પર પડી છે. ઓસ્ટ્રેલિયાથી લઈને જાપાન સુધીના શેરબજારોમાં મોટો કડાકો જોવા મળ્યો છે. મિડલ ઈસ્ટમાં ચાલી રહેલા સંઘર્ષ અને ભૌગોલિક રાજકીય અનિશ્ચિતતા વચ્ચે રોકાણકારોએ જોખમ લેવાનું ટાળ્યું છે અને બજારમાંથી પોતાના પૈસા પાછા ખેંચવાનું શરૂ કરી દીધું છે.

રોકાણકારોને નિરાશા કેમ મળી?

ખરેખર, રોકાણકારોને એવી આશા હતી કે ટ્રમ્પ પોતાના ભાષણમાં યુદ્ધ ખતમ કરવા અંગે કોઈ ચોક્કસ સંકેત આપશે. પરંતુ તેમને નિરાશા જ હાથ લાગી. કોઈ સ્પષ્ટ સંકેત ન મળવાને કારણે રોકાણકારોએ 'જોખમથી બચવાનો' રસ્તો અપનાવ્યો, જેના કારણે બજારમાં ભારે વેચવાલી (Sell-off) શરૂ થઈ ગઈ.

એશિયાઈ બજારોમાં ભારે કડાકો

સોના અને ચાંદીની ચમક પણ ફિક્કી પડી

સામાન્ય રીતે જ્યારે વિશ્વમાં કોઈ સંકટ આવે ત્યારે સુરક્ષિત રોકાણ તરીકે સોનાની માંગ વધતી હોય છે, પરંતુ આ વખતે બજારમાં કંઈક અલગ જ હલચલ જોવા મળી. સોનાનો ભાવ ઘટીને $4,700 પ્રતિ ઔંસની નીચે આવી ગયો, જ્યારે ચાંદી પણ $73 પ્રતિ ઔંસના લેવલથી નીચે ગગડી ગઈ. નિષ્ણાતોનું માનવું છે કે રોકાણકારો પોતાની પોઝિશનને નવેસરથી મેનેજ કરી રહ્યા છે, જેના કારણે આ ઘટાડો જોવા મળ્યો છે.

ટ્રમ્પના દાવા અને બજારની વાસ્તવિકતા

એક તરફ બજારમાં ભારે ઉથલપાથલ ચાલી રહી હતી, ત્યારે બીજી તરફ ડોનાલ્ડ ટ્રમ્પ પોતાની અર્થવ્યવસ્થાના વખાણ કરી રહ્યા હતા. તેમણે અમેરિકન ઈકોનોમીને દુનિયાની "સૌથી હોટ ઈકોનોમી" ગણાવી હતી. તેમણે દાવો કર્યો કે અમેરિકામાં કોઈ મોંઘવારી નથી અને રેકોર્ડ $18 ટ્રિલિયનનું રોકાણ આવી રહ્યું છે.

જોકે, તેમના આ દાવાઓ છતાં અમેરિકન બજારો ખૂલતા પહેલા જ ત્યાંના 'ફ્યુચર્સ' (Futures) ગગડવા લાગ્યા હતા. Nasdaq-100 ફ્યુચર્સમાં લગભગ 1.3% નો ઘટાડો થયો. આ સાથે જ Dow Jones અને S&P 500 ફ્યુચર્સ પણ લાલ નિશાનમાં જતા રહ્યા. આ પરિસ્થિતિ વચ્ચે, એન કૂલ્ટરે (Ann Coulter) વધતા ઓઈલના ભાવનો સ્ક્રીનશોટ શેર કરીને ટ્રમ્પના ભાષણ પર કટાક્ષ પણ કર્યો હતો.

શું કહે છે નિષ્ણાતો?

બજારના નિષ્ણાતો માને છે કે ટ્રમ્પના ભાષણે શાંતિની આશાઓ પર પાણી ફેરવી દીધું છે. SPI એસેટ મેનેજમેન્ટના સ્ટીફન ઈનેસના જણાવ્યા અનુસાર, "ભાષણમાં લક્ષ્યો પૂરા કરવાની વાત તો હતી, પરંતુ સમસ્યાના ઉકેલની કોઈ વાત નહોતી." તેમણે સ્પષ્ટ કહ્યું કે આ ‘અધૂરું કામ' બજારમાં અસ્થિરતા માટે ઓક્સિજનનું કામ કરી રહ્યું છે. બજારને એવું લાગી રહ્યું છે કે યુદ્ધ હજુ જલ્દી ખતમ થવાનું નથી, અને આ જ કારણસર ક્રૂડ ઓઈલના ભાવ સતત વધી રહ્યા છે.

આ પણ વાંચો - સ્ટોક્સ ટુ વોચ: ગિફ્ટ નિફ્ટીમાં 425 પોઈન્ટનો કડાકો, આજે Indigo, Ola અને V-Mart સહિત આ શેરો પર રહેશે ખાસ નજર