Gold Price Today: સળંગ બીજા દિવસે સોનું થયું સસ્તું, 5 દિવસની સ્થિરતા બાદ ચાંદીના ભાવ પણ ગગડ્યા

Gold Price Today: જો તમે સોના-ચાંદીના દાગીના ખરીદવાનું વિચારી રહ્યા છો, તો તમારા માટે સારા સમાચાર છે. આંતરરાષ્ટ્રીય બજારમાં કાચા તેલ (ક્રૂડ ઓઈલ) ના ભાવમાં આવેલા ઉછાળાની અસર ભારતીય બુલિયન માર્કેટ પર જોવા મળી રહી છે, જેના કારણે સોના અને ચાંદીની ચમક થોડી ફીકી પડી છે. સળંગ બીજા દિવસે સોનાના ભાવમાં ઘટાડો જોવા મળ્યો છે. જ્યારે ઇન્ડસ્ટ્રીઝ તરફથી માંગમાં અનિશ્ચિતતા હોવાના કારણે 5 દિવસની સ્થિરતા બાદ ચાંદી પણ સસ્તી થઈ છે.

બે દિવસમાં કેટલું સસ્તું થયું સોનું?

સોનાની વાત કરીએ તો, એક દિવસના ઉછાળા બાદ 27 મે ના રોજ સળંગ બીજા દિવસે ભાવમાં ઘટાડો નોંધાયો છે. છેલ્લા બે દિવસમાં 24 કેરેટ સોનું 10 ગ્રામ દીઠ 490 રૂપિયા અને 22 કેરેટ સોનું 460 રૂપિયા સસ્તું થયું છે.

આ અગાઉ એક દિવસની સ્થિરતા બાદ 25 મે ના રોજ 24 કેરેટ સોનામાં 320 રૂપિયા અને 22 કેરેટ સોનામાં 300 રૂપિયાનો (પ્રતિ 10 ગ્રામ) વધારો જોવા મળ્યો હતો. આજની વાત કરીએ તો, રાજધાની દિલ્હીમાં 24 કેરેટ અને 22 કેરેટ સોનાના ભાવમાં 10 રૂપિયાનો સામાન્ય ઘટાડો થયો છે.

ચાલો જાણીએ દિલ્હી, મુંબઈ, કોલકાતા અને અમદાવાદમાં 18, 22 અને 24 કેરેટ શુદ્ધતા વાળા સોનાનો શું ભાવ ચાલી રહ્યો છે

દિલ્હી: 24 કેરેટનો ભાવ 1,59,030 રૂપિયા, 22 કેરેટનો ભાવ 1,45,790 રૂપિયા અને 18 કેરેટનો ભાવ 1,19,310 રૂપિયા

મુંબઈ: 24 કેરેટનો ભાવ 1,58,880 રૂપિયા, 22 કેરેટનો ભાવ 1,45,640 રૂપિયા અને 18 કેરેટનો ભાવ 1,19,160 રૂપિયા

કોલકાતા: 24 કેરેટનો ભાવ 1,58,880 રૂપિયા, 22 કેરેટનો ભાવ 1,45,640 રૂપિયા અને 18 કેરેટનો ભાવ 1,19,160 રૂપિયા

અમદાવાદ: 24 કેરેટનો ભાવ 1,58,930 રૂપિયા, 22 કેરેટનો ભાવ 1,45,690 રૂપિયા અને 18 કેરેટનો ભાવ 1,19,210 રૂપિયા

ચાંદીના ભાવમાં પણ આવ્યો ઘટાડો

ચાંદીના રેટની વાત કરીએ તો, સળંગ 5 દિવસ સુધી ભાવ સ્થિર રહ્યા બાદ આજે ચાંદી ગગડી છે. આ અગાઉ 21 મે ના રોજ ચાંદીના ભાવમાં પ્રતિ કિલો 5,000 રૂપિયાનો મોટો ઉછાળો આવ્યો હતો.

આજે દિલ્હીમાં ચાંદી 100 રૂપિયા સસ્તી થઈને 2,84,900 રૂપિયા પ્રતિ કિલોના ભાવે વેચાઈ રહી છે. અન્ય મહાનગરોની વાત કરીએ તો, મુંબઈ અને કોલકાતામાં પણ ચાંદીનો આ જ ભાવ ચાલી રહ્યો છે. જોકે, ચેન્નાઈમાં એક કિલો ચાંદી સૌથી મોંઘી એટલે કે 2,94,900 રૂપિયાના ભાવે વેચાઈ રહી છે.

ખાસ નોંધ: ઉપર દર્શાવેલા સોના અને ચાંદીના ભાવ માત્ર સૂચક (Indicative) છે. આ ભાવમાં GST, TCS અને અન્ય લેવીઝ (ટેક્સ) સામેલ નથી. ઘરેણાં ખરીદતી વખતે ફાઈનલ ભાવમાં ફેરફાર હોઈ શકે છે. તમારા શહેરના ચોક્કસ અને સચોટ ભાવ જાણવા માટે તમારા નજીકના જ્વેલરનો સંપર્ક ચોક્કસ કરો.

આ પણ વાંચો-એશિયન બજારોમાં શાનદાર તેજી: નિક્કેઈ અને કોસ્પી રેકોર્ડ હાઈ પર, US-ઈરાન યુદ્ધ પર રોકાણકારોની નજર