Gold Price Today: આ અઠવાડિયે સોનાના ભાવમાં 5 ટકાથી વધુનો જંગી ઉછાળો જોવા મળ્યો છે. જો તમે પણ સોનું ખરીદવાનું વિચારી રહ્યા છો અથવા પહેલેથી જ રોકાણ કરેલું છે, તો આ લેટેસ્ટ માર્કેટ અપડેટ તમારા માટે જાણવું ખૂબ જ જરૂરી છે.
Gold Price Today: સોનાના ભાવમાં એક જ સપ્તાહમાં 5%નો તોતિંગ ઉછાળો, જાણો રોકાણકારો માટે શું છે એક્સપર્ટની સલાહ?
સોનાના ભાવમાં આ સપ્તાહે 5%નો ઉછાળો નોંધાયો છે. MCX પર સોનું 1,60,784 ની સપાટી પાર કરી ગયું છે. જાણો સોનામાં રોકાણ અંગે નિષ્ણાતોની લેટેસ્ટ સલાહ.
અપડેટેડ 04:57:10 PM Aug 21, 2026 પર
મોતીલાલ ઓસ્વાલ ફાઇનાન્સિયલ સર્વિસિસના કોમોડિટી એનાલિસ્ટ માનવ મોદીનું કહેવું છે કે, સોનાની કિંમતો હાલમાં 2.5 મહિનાની સૌથી ઊંચી સપાટીએ ટ્રેડ કરી રહી છે. અમેરિકામાં કુલ ફેડરલ દેવું 40 લાખ કરોડ ડોલરને પાર કરી ગયું છે.
આંતરરાષ્ટ્રીય અને ઘરેલુ બજારમાં સોનાની સ્થિતિ
કોમેક્સ પર શરૂઆતી કારોબારમાં સોનાની કિંમત 1.07 ટકા વધીને 4620.10 ડોલર પ્રતિ ઔંસ થઈ ગઈ છે. નોંધનીય છે કે, 14 મે, 2026 પછી આ સોનાનું સૌથી ઊંચું સ્તર છે. તે સમયે સોનાના ભાવ 4659 ડોલર પ્રતિ ઔંસની આસપાસ પહોંચ્યા હતા. વિદેશી બજારોની જેમ ભારતીય ઘરેલુ બજારમાં પણ ભારે તેજી જોવા મળી છે. MCX પર ઓક્ટોબર કોન્ટ્રાક્ટનો ગોલ્ડ વાયદો 0.85 ટકાના ઉછાળા સાથે 1,60,784 પ્રતિ 10 ગ્રામના રેકોર્ડ સ્તરે પહોંચી ગયો છે.
સોનાના ભાવમાં ભડકાનું મુખ્ય કારણ શું છે?
21 ઓગસ્ટના રોજ જાહેર થયેલા ઓગમોન્ટ બુલિયનના રિપોર્ટ અનુસાર, આ અઠવાડિયે કિંમતી ધાતુઓમાં 5 ટકાથી વધુનો વધારો થયો છે. આ પાછળનું મુખ્ય કારણ અમેરિકા છે. US ટ્રેઝરી ડિપાર્ટમેન્ટે દેવાની પડતર ઘટાડવા માટે પોતાના લોંગ-ટર્મ ડેટ બાયબેકને બમણો કરવાની યોજના જાહેર કરી છે. આ નિર્ણયને કારણે ટ્રેઝરી યીલ્ડ અને ડોલરના મૂલ્યમાં મોટો ઘટાડો આવ્યો છે, જેનાથી સોનાની ચમક વધુ વધી છે. રિપોર્ટમાં સ્પષ્ટ કહેવાયું છે કે, સોનાએ તેની 4340 થી 4440 ડોલર (1,53,000 થી 1,56,000) ની રેન્જ તોડીને 4500 ડોલર (1,58,500) નો ટાર્ગેટ સફળતાપૂર્વક મેળવી લીધો છે. હવે સોનાનો આગામી ટાર્ગેટ 4600 ડોલર (1,62,000) છે.
સોનાને ક્યાંથી મળી રહ્યું છે બળ?
મોતીલાલ ઓસ્વાલ ફાઇનાન્સિયલ સર્વિસિસના કોમોડિટી એનાલિસ્ટ માનવ મોદીનું કહેવું છે કે, સોનાની કિંમતો હાલમાં 2.5 મહિનાની સૌથી ઊંચી સપાટીએ ટ્રેડ કરી રહી છે. અમેરિકામાં કુલ ફેડરલ દેવું 40 લાખ કરોડ ડોલરને પાર કરી ગયું છે. આના કારણે અમેરિકન સરકારની આર્થિક સ્થિતિ પર સવાલો ઊભા થયા છે અને 30 વર્ષના ટ્રેઝરી યીલ્ડમાં ફરી ઉછાળો આવ્યો છે. જ્યારે કરન્સીનું મૂલ્ય ઘટે છે અને સરકારી દેવાનું જોખમ વધે છે, ત્યારે રોકાણકારો સુરક્ષિત રોકાણ તરીકે સોના તરફ વળે છે.
હવે રોકાણકારોએ કઈ બાબતો પર નજર રાખવી?
આવનારા દિવસોમાં સોનાની ચાલ આ 3 મુખ્ય પરિબળો પર આધાર રાખશે,,અમેરિકન મધ્યસ્થ બેંક વ્યાજ દરો અંગે શું નિર્ણય લે છે, તેની સીધી અસર સોના પર પડશે. જો આ બંને નબળા પડશે તો સોના-ચાંદીને ટેકો મળશે. પરંતુ જો તેમાં ઉછાળો આવશે, તો સોનામાં પ્રોફિટ-બુકિંગ જોવા મળી શકે છે. મિડલ ઈસ્ટમાંથી જો શાંતિના સમાચાર આવશે તો ક્રૂડ ઓઈલ સસ્તું થશે, જેથી મોંઘવારી ઘટશે. આવું થશે તો સોનાનું આકર્ષણ થોડું ઘટી શકે છે.
નવા અને જૂના રોકાણકારો માટે શું છે રણનીતિ?
VT માર્કેટ્સના એક્સપર્ટ રુચિત ઠાકુર રોકાણકારોને સાવચેત કરતા જણાવે છે કે, આટલા મોંઘા ભાવે દોડતા માર્કેટની પાછળ ભાગવું જોખમી સાબિત થઈ શકે છે.જેમની પાસે પહેલેથી જ સોનું છે, તેઓ પોતાની હોલ્ડિંગ જાળવી રાખી શકે છે. નવા રોકાણકારોએ અત્યારે આક્રમક રીતે મોટી ખરીદી કરવાનું ટાળવું જોઈએ. બજારમાં જ્યારે ઘટાડો આવે, ત્યારે ધીમે ધીમે હપ્તામાં ખરીદી કરવાની રણનીતિ અપનાવવી વધુ ફાયદાકારક રહેશે.
ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
