Gold-Silver Price Today: સોનાના ભાવમાં કડાકો તો ચાંદીમાં તેજીનો ચમકારો; જાણો આજના લેટેસ્ટ રેટ્સ

Gold and Silver Price Today, February 24: અઠવાડિયાના પહેલા દિવસે સોના અને ચાંદીના ભાવમાં મિશ્ર સંકેતો જોવા મળી રહ્યા છે. જો તમે આજે સોનું કે ચાંદી ખરીદવાનું વિચારી રહ્યા હોવ અથવા કોમોડિટી માર્કેટમાં રોકાણ કરતા હોવ, તો આ સમાચાર તમારા માટે મહત્વના છે. ઘરેલુ બજારમાં આજે સોનાના ભાવ દબાણ હેઠળ જોવા મળ્યા છે, જ્યારે ચાંદીમાં તેજીનો માહોલ છે.

મલ્ટી કોમોડિટી એક્સચેન્જ (MCX) પર આજે સોનાના વાયદાના ભાવ નરમાઈ સાથે ટ્રેડ થઈ રહ્યા છે. જ્યારે બીજી તરફ, ચાંદીના વાયદાના ભાવમાં મજબૂતી જોવા મળી છે. આંતરરાષ્ટ્રીય બજારમાં પણ સોનું નરમ અને ચાંદી તેજી સાથે આગળ વધી રહી છે.

MCX પર સોનાના ભાવમાં ઘટાડો

આજે બજાર ખુલતાની સાથે જ સોનાના ભાવમાં ઘટાડો જોવા મળ્યો હતો. MCX પર સોનાનો બેન્ચમાર્ક એપ્રિલ કોન્ટ્રાક્ટ આજે શરૂઆતમાં 829 રૂપિયા તૂટીને 1,60,769 રૂપિયાના સ્તરે ખુલ્યો હતો. નોંધનીય છે કે ગત સત્રમાં સોનું 1,61,598 રૂપિયા પર બંધ થયું હતું.

ચાંદીમાં તેજીનો કરંટ

સોનાથી વિપરીત, ચાંદીના ભાવમાં આજે શરૂઆતથી જ તેજી જોવા મળી હતી. MCX પર ચાંદીનો માર્ચ કોન્ટ્રાક્ટ આજે 1,888 રૂપિયાના ઉછાળા સાથે 2,67,221 રૂપિયા પર ખુલ્યો હતો. પાછલા સત્રમાં ચાંદીનો બંધ ભાવ 2,65,333 રૂપિયા હતો.

સમાચાર લખાઈ રહ્યા છે તે સમયે ચાંદીનો વાયદાનો ભાવ 672 રૂપિયાની તેજી સાથે 2,66,005 રૂપિયા પર ટ્રેડ કરી રહ્યો હતો. આજના દિવસ દરમિયાન ચાંદીમાં 2,67,500 રૂપિયાનો ઉચ્ચત્તમ અને 2,64,327 રૂપિયાનો નીચલો સ્તર જોવા મળ્યો છે. ચાંદીના ભાવે આ વર્ષે 4,20,048 રૂપિયા પ્રતિ કિલોનો રેકોર્ડ હાઈ પણ બનાવ્યો છે.

આંતરરાષ્ટ્રીય બજાર (Comex)ની સ્થિતિ

વૈશ્વિક બજારની વાત કરીએ તો, કોમેક્સ (Comex) પર સોના અને ચાંદી બંનેની શરૂઆત તેજી સાથે થઈ હતી, પરંતુ બાદમાં સોનામાં સુસ્તી જોવા મળી હતી.

સોનું: આજે Comex પર સોનું 5,247.50 ડોલર પ્રતિ ઔંસના ભાવે ખુલ્યું હતું. જોકે, બાદમાં તેમાં ઘટાડો નોંધાયો અને તે 35.20 ડોલરના ઘટાડા સાથે 5,190.40 ડોલર પર ટ્રેડ કરી રહ્યું હતું. આ વર્ષે સોનાએ 5,586.20 ડોલરનો હાઈ બનાવ્યો છે.

ચાંદી: ચાંદીના વાયદાના ભાવ 88.04 ડોલર પર ખુલ્યા હતા. અત્યારે તે 0.56 ડોલરની તેજી સાથે 87.13 ડોલર પ્રતિ ઔંસના ભાવે ટ્રેડ થઈ રહી છે. ચાંદીનો આ વર્ષનો ઉચ્ચત્તમ ભાવ 121.79 ડોલર રહ્યો છે.

આ પણ વાંચો- IDFC First Bank Share Price: 590 કરોડના ફ્રોડના ઝટકા બાદ શેરમાં રિકવરી, રોકાણકારો માટે બેંકે આપ્યું મોટું નિવેદન

(નોંધ: MCX પર સોનાના ભાવ રૂપિયા પ્રતિ 10 ગ્રામ અને ચાંદીના ભાવ રૂપિયા પ્રતિ કિલોમાં છે, જ્યારે કોમેક્સમાં ભાવ ડોલર પ્રતિ ઔંસમાં છે.)

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.