Gold Price Today: સોનાની ચમક સતત ઘટી, ચાંદીના ભાવમાં પણ 10,100નો જંગી કડાકો, જાણો લેટેસ્ટ રેટ

Gold Price Today: ભારતીય બજારમાં છેલ્લા થોડા દિવસોથી સોના અને ચાંદીના ભાવમાં સતત નરમાશ જોવા મળી રહી છે. એક દિવસની સ્થિરતા બાદ આજે ફરી સોનાની ચમક ફીકી પડી છે. રાજધાની દિલ્હીમાં આજે 24 કેરેટ અને 22 કેરેટ સોનાના ભાવમાં પ્રતિ 10 ગ્રામ 10 રૂપિયાનો ઘટાડો થયો છે. જોકે, આ પહેલા 20 એપ્રિલના રોજ સોનામાં મોટો ઘટાડો આવ્યો હતો, જેમાં 24 કેરેટ સોનું 490 રૂપિયા સસ્તું થયું હતું.

અમદાવાદ અને અન્ય શહેરોમાં સોનાનો ભાવ

આજે દેશના મુખ્ય શહેરોમાં સોનાના ભાવ પર નજર કરીએ તો સ્થિતિ કંઈક આ મુજબ છે.

અમદાવાદ: અહીં 24 કેરેટ સોનાનો ભાવ 1,55,330 રૂપિયા, 22 કેરેટનો ભાવ 1,42,390 રૂપિયા અને 18 કેરેટનો ભાવ 1,16,510 રૂપિયા નોંધાયો છે.

જયપુર: અહીં ભાવ થોડા ઊંચા છે, જેમાં 24 કેરેટ સોનાનો ભાવ 1,55,430 રૂપિયા છે.

ચાંદીમાં બે દિવસમાં 10,100 નો કડાકો

ચાંદી ખરીદનારાઓ માટે અત્યારે ખૂબ જ સારો સમય કહી શકાય. બે દિવસની સ્થિરતા બાદ આજે સતત બીજા દિવસે ચાંદીના ભાવમાં મોટો ઘટાડો જોવા મળ્યો છે. છેલ્લા બે દિવસમાં એક કિલો ચાંદીના ભાવમાં કુલ 10,100 રૂપિયાનો જંગી ઘટાડો થયો છે.

આજે દિલ્હીમાં ચાંદી 100 રૂપિયા સસ્તી થઈને પ્રતિ કિલો 2,64,900 રૂપિયાના ભાવે વેચાઈ રહી છે. મુંબઈ અને કોલકાતામાં પણ આ જ ભાવ છે. જોકે, ચેન્નાઈમાં હજુ પણ ચાંદી મોંઘી છે, જ્યાં એક કિલોનો ભાવ 2,74,900 રૂપિયા છે.

બજારમાં આગળ શું થશે?

નિષ્ણાતોના મતે, આંતરરાષ્ટ્રીય સ્તરે ચાલી રહેલી આર્થિક ગતિવિધિઓ અને ડોલરના મૂલ્યમાં ફેરફારને કારણે સોના-ચાંદીના ભાવમાં વધઘટ જોવા મળી રહી છે. અગાઉ અખાત્રીજના દિવસે ભાવ સ્થિર હતા, પરંતુ હવે માર્કેટમાં નરમાશનો ટ્રેન્ડ જોવા મળી રહ્યો છે. જો તમે પણ સોનું કે ચાંદી ખરીદવાનું વિચારી રહ્યા હોવ, તો અત્યારનો ઘટાડો તમારા માટે ફાયદાકારક સાબિત થઈ શકે છે.

આ પણ વાંચો-Market view : આજે કયા સેક્ટર્સ અને શેર્સમાં છે કમાણીનો મોકો? જાણો નિફ્ટી અને બેન્ક નિફ્ટી માટે શું છે નિષ્ણાતોની સલાહ