લ્યો બોલો, હવે ટામેટાની પણ થવા લાગી ચોરી, કોણ અને ક્યાંથી ચોરી ગયું મહામુલા લાખોના ટામેટા, જાણીને ચોંકી જશો

Karnataka: દેશમાં મોંઘવારીએ માજા મુકી છે. શાકભાજીથી લઈને દાળ સુધીના ભાવ આકાશે આંબી રહ્યા છે. તેમાં પણ હાલના દિવસોમાં સૌથી વધુ કોઈ ચર્ચામાં હોય તો તે છે ટામેટા. ખાસ કરીને ટામેટાના ભાવે તો રેકોર્ડ તોડી નાખ્યા છે. દેશભરમાં ટામેટાના ભાવ 150 રૂપિયા પ્રતિ કિલોને પાર પહોંચી ગયા છે. કેટલાય રાજ્યોમાં ટામેટા 150 રૂપિયા પ્રતિ કિલો સુધી પહોંચી ગયા છે. સ્થિતિ એવી છે કે સામાન્ય જનતા ટામેટા લેતા ડરી રહી છે. ટામેટા ઉપરાંત અન્ય શાકભાજીના ભાવે પણ સામાન્ય લોકોના રસોડું બજેટ ખરાબ કરી નાખ્યું છે.

ટામેટાના વધતા ભાવની વચ્ચે કર્ણાટકમાંથી ચોંકાવનારો કિસ્સો સામે આવ્યો છે. અત્યાર સુધીમાં આપે સોના-ચાંદી અથવા અન્ય કિંમતી સામાનની ચોરી થઈ હોય તેવું સાંભળ્યું હશે, પણ હાસન જિલ્લામાંથી અજીબોગરીબ કિસ્સો સામે આવ્યો છે. ચોરોએ અહીં કોઈના ઘર કે બંગલામાં નહીં પણ એક ખેડૂતના ખેતરમાં ધાડ પાડી હતી. આરોપ છે કે, ચોરોએ ખેડૂતના ખેતરમાંથી લાખો રૂપિયાના ટામેટા ઉપાડી ગયા છે.

Karnataka | Farmer alleges tomatoes worth Rs 2.5 lakhs were stolen from her farm in the Hassan district on the night of July 4. A woman farmer, Dharani who grew tomatoes on 2 acres of land said that they were planning to cut the crop and transport it to market as the price… pic.twitter.com/fTxcZIlcTr

— ANI (@ANI) July 6, 2023

અઢી લાખ રૂપિયાના ટામેટા ચોરી ગયા

ટામેટાની ચોરીનો કિસ્સો હજુ બે દિવસ પહેલાનો જ છે. ખેડૂત દંપતીનું કહેવું છે કે, તેમના ખેતરમાંથી ચોરોએ કેટલાય કિલો ટામેટાની ચોરી કરી છે. ટામેટાના ભાવ હાલની ગણતરી મુજબ અઢી લાખ રૂપિયા થાય છે. દંપતીએ જણાવ્યું કે, તેમણે બે એકર જમીનમાં ટામેટાની ખેતી કરી હતી. ટામેટાનો પાક લઈને તેને બજારમાં વેચવાનો પ્લાન હતો. પણ ચોરોએ ટામેટા પર હાથ સાફ કરી દીધો.

આ પણ વાંચો - International Kissing Day: નાના ભુલકાઓને વારંવાર કિસ કરવાની ટેવ પર રાખો કંટ્રોલ, બાળક થઈ શકે છે બિમાર