Adani Energy Q1 Results: અદાણી ગ્રુપની અગ્રણી કંપની અદાણી એનર્જી સોલ્યુશન્સએ જૂન ક્વાર્ટરના શાનદાર પરિણામો જાહેર કર્યા છે. કંપનીના નફા અને આવકમાં જબરદસ્ત ઉછાળો નોંધાયો છે. આ મજબૂત પરિણામોની સીધી અસર શેરબજારમાં પણ જોવા મળી હતી, જેના કારણે કંપનીનો શેર મંગળવારે નવા રેકોર્ડ હાઈ પર પહોંચી ગયો હતો.
Adani Energy Q1 Results: અદાણી ગ્રુપની આ કંપનીનો નફો 124% ઉછળ્યો, શાનદાર રિઝલ્ટ બાદ શેરે બનાવ્યો નવો રેકોર્ડ
અદાણી એનર્જી સોલ્યુશન્સના Q1 પરિણામો જાહેર. કંપનીનો નફો 124% વધીને 1149 કરોડ થયો. મજબૂત રિઝલ્ટ બાદ શેરમાં રેકોર્ડ બ્રેક તેજી જોવા મળી. જાણો સંપૂર્ણ ડિટેલ.
અપડેટેડ 04:13:25 PM Jul 21, 2026 પર
આ ક્વાર્ટરમાં કંપનીનો ઓપરેટિંગ નફો એટલે કે EBITDA 30% વધીને 3008 કરોડ રૂપિયા નોંધાયો છે, જે અગાઉ 2314.5 કરોડ રૂપિયા હતો. જોકે, આવક વધવા છતાં કંપનીનું EBITDA માર્જિન 33.9% થી ઘટીને 31% થઈ ગયું છે.
નફામાં 124% નો જંગી ઉછાળો
એપ્રિલથી જૂન ક્વાર્ટરમાં કંપનીનો કોન્સોલિડેટેડ ચોખ્ખો નફો 124% વધીને 1149 કરોડ રૂપિયા થઈ ગયો છે. અગાઉના વર્ષે આ જ સમયગાળામાં કંપનીને 513 કરોડ રૂપિયાનો નફો થયો હતો. આ ઉપરાંત, કંપનીની કામગીરીમાંથી થતી આવક પણ 42.4% વધીને 9711 કરોડ રૂપિયા પર પહોંચી ગઈ છે, જે એક વર્ષ પહેલા 6819 કરોડ રૂપિયા હતી. આ ક્વાર્ટરમાં કંપનીને 29 કરોડ રૂપિયાની રેગ્યુલેટરી ડિફરલ ઇન્કમ થઈ છે. જ્યારે અગાઉના વર્ષે આ જ મથાળા હેઠળ 504 કરોડ રૂપિયાનો ખર્ચ નોંધાયો હતો, જેના કારણે આ વખતે કંપનીના નફાને સારો સપોર્ટ મળ્યો છે.
EBITDA વધ્યો, પરંતુ માર્જિનમાં ઘટાડો
આ ક્વાર્ટરમાં કંપનીનો ઓપરેટિંગ નફો એટલે કે EBITDA 30% વધીને 3008 કરોડ રૂપિયા નોંધાયો છે, જે અગાઉ 2314.5 કરોડ રૂપિયા હતો. જોકે, આવક વધવા છતાં કંપનીનું EBITDA માર્જિન 33.9% થી ઘટીને 31% થઈ ગયું છે.
કયા બિઝનેસમાં જોવા મળી સૌથી વધુ તેજી?
અદાણી એનર્જી સોલ્યુશન્સના અલગ-અલગ સેગમેન્ટના પ્રદર્શન પર નજર કરીએ તો:
ટ્રાન્સમિશન બિઝનેસ: આ વિભાગની આવક 52.4% વધીને 3335.3 કરોડ રૂપિયા થઈ છે.
ડિસ્ટ્રિબ્યુશન બિઝનેસ: આ સેગમેન્ટની આવકમાં 5% નો સામાન્ય વધારો થયો છે અને તે 3520.4 કરોડ રૂપિયા રહી છે.
સ્માર્ટ મીટરિંગ બિઝનેસ: સૌથી ઝડપી વૃદ્ધિ આ વિભાગમાં જોવા મળી છે. તેની આવક 200% થી વધુ ઉછળીને 346.9 કરોડ રૂપિયા થઈ ગઈ છે.
એનર્જી સોલ્યુશન્સ પ્લેટફોર્મ: આ ક્વાર્ટરની સૌથી મોટી ખાસિયત એ રહી કે આ પ્લેટફોર્મની આવક 9 ગણી વધીને 1906.8 કરોડ રૂપિયા પર પહોંચી ગઈ છે.
શેરબજારમાં કંપનીના શેરે બનાવ્યો નવો રેકોર્ડ
આવા શાનદાર પરિણામો બાદ રોકાણકારોએ અદાણી એનર્જીના શેર પર ભારે ભરોસો દાખવ્યો હતો. મંગળવારે ટ્રેડિંગ દરમિયાન આ શેર લગભગ 3% ઉછળીને 1781.2 રૂપિયાના નવા રેકોર્ડ સ્તર પર પહોંચી ગયો હતો. જોકે, દિવસના અંતે બજારમાં થોડી નફાવસૂલી જોવા મળી હતી અને શેર 0.44% ના વધારા સાથે 1737 રૂપિયા પર બંધ થયો.
તમને જણાવી દઈએ કે, છેલ્લા એક જ મહિનામાં આ શેરમાં 13% નો વધારો નોંધાયો છે, જ્યારે આ વર્ષમાં અત્યાર સુધીમાં શેરે રોકાણકારોને 67% જેટલું શાનદાર રિટર્ન આપીને માલામાલ કર્યા છે.
ડિસ્ક્લેમર: આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
