Apple Event 2025: આજે લૉન્ચ થશે iPhone 17 સિરીઝ, જાણો ક્યાં અને કેવી રીતે જોવી લાઇવ

Apple Event 2025: એપલના ચાહકોની રાહ આજે પૂરી થવા જઈ રહી છે. એપલ આજે, 9 સપ્ટેમ્બર 2025ના રોજ, પોતાની વાર્ષિક ઇવેન્ટ 'Awe Dropping' યોજવા જઈ રહ્યું છે. આ ઇવેન્ટમાં કંપની iPhone 17 સિરીઝની સાથે નવી Apple Watch અને Watch Ultra સિરીઝ પણ લૉન્ચ કરશે. ગયા વર્ષે પણ એપલે 9 સપ્ટેમ્બરના રોજ iPhone 16 સિરીઝ લૉન્ચ કરી હતી, અને આ વર્ષે ફરી એકવાર ચાહકો નવી ટેકનોલોજીની રાહ જોઈ રહ્યા છે.

ક્યારે અને ક્યાં જોવી લાઇવ ઇવેન્ટ?

આ ઇવેન્ટ આજે રાત્રે 10:30 વાગ્યે શરૂ થશે. તમે એપલની ઓફિશિયલ વેબસાઇટ, સોશિયલ મીડિયા પ્લેટફોર્મ અને એપલના યૂટ્યૂબ ચેનલ પર લાઇવ સ્ટ્રીમ જોઈ શકો છો. આ ઇવેન્ટમાં iPhone 17 સિરીઝ ઉપરાંત Apple Watch, Watch Ultra અને iOS 26નું રોલઆઉટ પણ થઈ શકે છે.

iPhone 17 સિરીઝ: શું હશે નવું?

આ સિરીઝમાં 120Hz રિફ્રેશ રેટવાળું OLED ડિસ્પ્લે, બહેતર પ્રોસેસર અને અપગ્રેડેડ કેમેરા જોવા મળશે. ખાસ કરીને Pro મૉડલમાં 5100mAhની મોટી બેટરી આપવામાં આવી શકે છે, જે અત્યાર સુધીના તમામ આઈફોનમાં સૌથી મોટી હશે.

કિંમતમાં વધારો

લીક થયેલી માહિતી અનુસાર, iPhone 17 સિરીઝની કિંમત ગયા વર્ષની સરખામણીએ લગભગ 4000 રૂપિયા વધુ હોઈ શકે છે. અંદાજિત કિંમત આ મુજબ છે:

* iPhone 17: 84900 રૂપિયાથી શરૂ

* iPhone 17 Air: 109900 રૂપિયાથી શરૂ

* iPhone 17 Pro: 124900 રૂપિયાથી શરૂ

* iPhone 17 Pro Max: 164900 રૂપિયાથી શરૂ

શા માટે છે આ ઇવેન્ટ ખાસ?

આ વખતે એપલ 5 વર્ષ બાદ Pro મૉડલની ડિઝાઇનમાં ફેરફાર કરી શકે છે. નવું iPhone 17 Air, અપગ્રેડેડ ફીચર્સ અને iOS 26નું રોલઆઉટ આ ઇવેન્ટને ખાસ બનાવે છે. ટેક ચાહકો માટે આ ઇવેન્ટ નવી ટેકનોલોજી અને ઇનોવેશનનો અનુભવ લાવશે.

આ પણ વાંચો- Nepal Companies Global Brands: નેપાલની આ 5 કંપનીઓ વૈશ્વિક સ્તરે ફેમસ, નૂડલ્સની દરેક ઘરમાં માંગ!