Bajaj Auto Q4 Results: માર્ચ ક્વાર્ટરમાં નફો 10% ઘટ્યો, આવકમાં થયો વધારો; ₹210ના મજબૂત ડિવિડન્ડની જાહેરાત

Bajaj Auto Q4 Results: ટુ-વ્હીલર અને થ્રી-વ્હીલર ઉત્પાદક બજાજ ઓટોનો જાન્યુઆરી-માર્ચ 2025 ક્વાર્ટરમાં ચોખ્ખો એકીકૃત નફો વાર્ષિક ધોરણે 10.4 ટકા ઘટીને રુપિયા 1801.85 કરોડ થયો. એક વર્ષ પહેલાં નફો રુપિયા 2011.43 કરોડ હતો. કામગીરીમાંથી એકીકૃત આવક રુપિયા 12646.32 કરોડ હતી, જે માર્ચ 2024 ક્વાર્ટરમાં મેળવેલા રુપિયા 11554.95 કરોડની આવક કરતાં 9.4 ટકા વધુ છે. માર્ચ 2025 ક્વાર્ટરમાં કુલ ખર્ચ રુપિયા 10,219.14 કરોડ હતો જે એક વર્ષ અગાઉ રુપિ.યા 9,393.13 કરોડ હતો.

કંપનીએ શેરબજારોને જણાવ્યું છે કે, સંપૂર્ણ નાણાકીય વર્ષ 2024-25 દરમિયાન કામગીરીમાંથી એકીકૃત આવક રુપિયા 50,994.55 કરોડ હતી, જે એક વર્ષ અગાઉ રુપિયા 44,870.43 કરોડ હતી. ચોખ્ખો એકીકૃત નફો રુપિયા 7,324.73 કરોડ હતો, જે FY24 ના રુપિયા 7,708.24 કરોડના નફા કરતાં ઓછો હતો.

બજાજ ઓટોના બોર્ડે નાણાકીય વર્ષ 2025 માટે રુપિ.યા 210 પ્રતિ શેર ડિવિડન્ડની ભલામણ કરી છે. 6 ઓગસ્ટે યોજાનારી કંપનીની વાર્ષિક સામાન્ય સભામાં આ અંગે શેરધારકોની મંજૂરી લેવામાં આવશે. આ પછી, ડિવિડન્ડ 8 ઓગસ્ટ 2025 ના રોજ અથવા તેની આસપાસ ચૂકવવામાં આવશે. રેકોર્ડ ડેટ 20 જૂન છે. જે શેરધારકોના નામ કંપનીના સભ્યોના રજિસ્ટર અથવા ડિપોઝિટરીઝના રેકોર્ડમાં આ તારીખે શેરના લાભાર્થી માલિકો તરીકે દેખાય છે તેઓ ડિવિડન્ડ મેળવવા માટે હકદાર રહેશે.

આ પણ વાંચો-આયુષ્માન ભારત યોજનાનું નવું અપડેટ: હવે એપ દ્વારા કરો અરજી, મળશે 5 લાખનું મેડિકલ કવર