Anant Ambani રિલાયન્સ ઈંડસ્ટ્રીઝના એક્ઝીક્યૂટિવ ડાયરેક્ટર બન્યા, 1 મે થી સંભાળશે કાર્યભાર

Anant Ambani: રિલાયન્સ ઇન્ડસ્ટ્રીઝ લિમિટેડે અનંત અંબાણીને કંપનીના એક્ઝિક્યુટિવ ડિરેક્ટર તરીકે નિયુક્ત કર્યા છે. રિલાયન્સ ઇન્ડસ્ટ્રીઝના ચેરમેન મુકેશ અંબાણીના સૌથી નાના પુત્ર અનંત અંબાણીને 1 મે, 2025 થી શરૂ થતા પાંચ વર્ષના કાર્યકાળ માટે નિમણૂક માટે મંજૂરી આપવામાં આવી છે. માનવ સંસાધન, નામાંકન અને મહેનતાણું સમિતિની ભલામણ પર કાર્ય કરતા, બોર્ડે નિમણૂકને મંજૂરી આપી છે. કંપનીએ આ અંગે સ્ટોક એક્સચેન્જને જાણ કરી.

અનંત અંબાણી રિલાયન્સ ઇન્ડસ્ટ્રીઝ લિમિટેડના બોર્ડમાં નોન-એક્ઝિક્યુટિવ ડિરેક્ટર તરીકે સેવા આપી ચૂક્યા છે અને હવે તેઓ ભારતની સૌથી મૂલ્યવાન કંપનીમાં એક્ઝિક્યુટિવ ડિરેક્ટર તરીકેનો કાર્યભાર સંભાળશે. આ ઉપરાંત, અનંત અંબાણી જિયો પ્લેટફોર્મ્સ, રિલાયન્સ રિટેલ વેન્ચર્સ, રિલાયન્સ ન્યૂ એનર્જી અને રિલાયન્સ ન્યૂ સોલાર એનર્જીના બોર્ડમાં પણ સેવા આપે છે. અનંત અંબાણી સપ્ટેમ્બર 2022 થી રિલાયન્સ ફાઉન્ડેશનના બોર્ડના સભ્ય પણ છે.

Brown University માંથી ગ્રેજ્યુએટ થયા

અનંત અંબાણી પાસે અમેરિકાની બ્રાઉન યુનિવર્સિટીમાંથી ગ્રેજ્યુએટ ડિગ્રી છે, તેઓ પ્રાણી કલ્યાણ પ્રત્યે પણ ખૂબ જ ઉત્સાહી છે.

ડિસ્ક્લેમર: નેટવર્ક 18 મીડિયા એન્ડ ઈનવેસ્ટમેન્ટ લિમિટેડ પર ઈંડિપેંડેંટ મીડિયા ટ્રસ્ટનો માલિકીનો હક છે. તેની બેનફિશિયરી કંપની રિલાયંસ ઈન્ડસ્ટ્રીઝ છે.

Market trend: 53800 ની નજીક બેસ બન્યા પછી FMCG શેરોમાં વધારાની ઉમ્મીદ, ટૂંકા ગાળા માટે ઑટો શેરોમાં દબાણ