BPCL Q1 Results: મોંઘા ક્રૂડ ઓઈલે બગાડી રમત, સરકારી ઓઈલ કંપનીને થયો 3962 કરોડનો તોતિંગ ખોટ

BPCL Q1 Results: શેરબજારના રોકાણકારો માટે સરકારી ઓઇલ માર્કેટિંગ કંપની ભારત પેટ્રોલિયમ કોર્પોરેશન લિમિટેડ તરફથી મોટા અને નિરાશાજનક સમાચાર આવ્યા છે. કંપનીના એપ્રિલ-જૂન ક્વાર્ટરના પરિણામોમાં મોટો ફટકો પડ્યો છે. અમેરિકા અને ઈરાન વચ્ચે ચાલી રહેલા યુદ્ધની સીધી અસર કંપનીની બેલેન્સશીટ પર દેખાઈ રહી છે. આંતરરાષ્ટ્રીય બજારમાં કાચું તેલ મોંઘુ થતાં કંપની નફામાંથી સીધી તોતિંગ ખોટમાં જતી રહી છે.

Q1 રિઝલ્ટના મુખ્ય આંકડાઓ પર એક નજર

કંપનીના ફાઇનાન્સિયલ રિપોર્ટ મુજબ આ ક્વાર્ટર ખૂબ જ નબળું રહ્યું છે, એપ્રિલ-જૂન ક્વાર્ટરમાં BPCL ને 3,962 કરોડ રૂપિયાનો કન્સોલિડેટેડ ચોખ્ખો નુકસાન વેઠવો પડ્યો છે. આની સરખામણીમાં ગત માર્ચ ક્વાર્ટરમાં કંપનીએ 3,191 કરોડ રૂપિયાનો નફો કર્યો હતો. જોકે, નુકસાનની સામે કંપનીની આવકમાં સારો એવો વધારો જોવા મળ્યો છે. માર્ચ ક્વાર્ટરની સરખામણીમાં જૂન ક્વાર્ટરમાં કંપનીની આવક 27.5% વધીને 1.51 લાખ કરોડ રૂપિયા પર પહોંચી ગઈ છે. અગાઉના ક્વાર્ટરમાં તે 1.19 લાખ કરોડ રૂપિયા હતી. મોંઘા ક્રૂડનો સીધો ફટકો ઓપરેટિંગ કમાણી પર પડ્યો છે. જૂન ક્વાર્ટરમાં કંપનીનો EBITDA 4,077 કરોડ રૂપિયાના નુકસાનમાં રહ્યો છે. જ્યારે ગત માર્ચ ક્વાર્ટરમાં કંપનીએ 10,060 કરોડ રૂપિયાનો જંગી ઓપરેટિંગ પ્રોફિટ નોંધાવ્યો હતો.

BPCL ને આટલું મોટું નુકસાન કેમ ગયું?

ઓઈલ કંપનીઓને કેવી રીતે અસર થાય છે?

જ્યારે આંતરરાષ્ટ્રીય બજારમાં કાચું તેલ મોંઘુ થાય છે, ત્યારે BPCL જેવી ઓઈલ કંપનીઓનો ખરીદીનો ખર્ચ વધી જાય છે. પરંતુ જો તેની સામે દેશમાં રિટેલ માર્કેટમાં પેટ્રોલ અને ડીઝલના ભાવ ન વધારવામાં આવે, તો કંપનીઓનું માર્કેટિંગ માર્જિન ઘટી જાય છે, જે સીધી રીતે નફાને ખાઈ જાય છે.

આગામી સમયમાં ક્રૂડ ઓઈલના ભાવ વધુ ભડકવાની શક્યતા

જાણીતી ગ્લોબલ ઈન્વેસ્ટમેન્ટ બેંક Goldman Sachsના અંદાજ મુજબ, જો પશ્ચિમ એશિયામાં આ જ રીતે યુદ્ધનો માહોલ લાંબો સમય ચાલશે, તો આ વર્ષના ચોથા ક્વાર્ટર સુધીમાં કાચું તેલ ફરી એકવાર 120 ડોલર પ્રતિ બેરલની સપાટીને સ્પર્શી શકે છે. જો આવું થશે તો BPCL સહિતની તમામ ભારતીય ઓઈલ માર્કેટિંગ કંપનીઓ પર આર્થિક દબાણ વધુ વધશે.

શેરબજારમાં BPCL ના શેરની સ્થિતિ

ખરાબ રિઝલ્ટ અને ગ્લોબલ ટેન્શનની અસર શેરમાં પણ દેખાઈ રહી છે. આજના ટ્રેડિંગ સેશનમાં BPCL નો શેર 3.07% તૂટીને 309.55 રૂપિયા પર બંધ થયો છે. નોંધનીય છે કે, ચાલુ વર્ષ 2026 માં અત્યાર સુધીમાં આ શેરમાં 18.86% નો મોટો ઘટાડો નોંધાઈ ચૂક્યો છે. હાલમાં કંપનીનું કુલ માર્કેટ કેપિટલાઇઝેશન 68.02 હજાર કરોડ રૂપિયા છે.

ડિસ્ક્લેમર: આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.

આ પણ વાંચો-Market Outlook: સેન્સેક્સ-નિફ્ટીમાં મોટા કડાકા બાદ 23 જુલાઈએ કેવો રહેશે બજારનો મૂડ? જાણો ટ્રેડિંગ માટે નિષ્ણાતોની રણનીતિ