Jio Platforms Q2 Results: ભારતની બીજી સૌથી મૂલ્યવાન લિસ્ટેડ કંપની બની Jio, રેવન્યુમાં વાર્ષિક 11.3% વધારો

Jio Platforms Q2 Results: જિયો પ્લેટફોર્મ લિમિટેડ (Jio Platforms Limited (JPL) ભારતની બીજી સૌથી મૂલ્યવાન લિસ્ટેડ કંપની બની ગઈ છે. કંપનીએ નાણાકીય વર્ષ 2026-27ના બીજા ક્વાર્ટરમાં (Q2) સારો દેખાવ કર્યો છે. કંપનીની કુલ રેવન્યુ વાર્ષિક ધોરણે 11.3 ટકા વધીને ₹47,485 કરોડ થઈ છે. કંપનીના જણાવ્યા અનુસાર, સબ્સ્ક્રાઇબર્સની સંખ્યામાં વધારો, ઊંચો ARPU અને ડિજિટલ સેવાઓમાં સતત વધારોથી રેવન્યુને ટેકો મળ્યો છે.

કંપનીનું ગ્રોસ રેવન્યુ Q2માં ₹47,485 કરોડ રહ્યું હતું, જે અગાઉના ક્વાર્ટરમાં ₹45,961 કરોડ અને ગયા વર્ષના સમાન ક્વાર્ટરમાં ₹42,652 કરોડ હતું. જ્યારે ઓપરેટિંગ રેવન્યુ ₹40,475 કરોડ નોંધાયું હતું. તેની સરખામણીમાં Q1માં તે ₹39,173 કરોડ અને ગયા વર્ષના સમાન ક્વાર્ટરમાં ₹36,332 કરોડ હતું.

ARPU વધીને ₹218.80 થયો

કંપનીનો સરેરાશ રેવન્યુ પ્રતિ યુઝર એટલે કે ARPU પણ વધ્યો છે. Q2માં ARPU ₹218.80 રહ્યો હતો, જે અગાઉના ક્વાર્ટરમાં ₹215.60 અને ગયા વર્ષના સમાન ક્વાર્ટરમાં ₹211.40 હતો. કંપનીએ વાર્ષિક ધોરણે ARPUમાં 3.5 ટકાની વધારો નોંધાવ્યો છે.

કુલ સબ્સ્ક્રાઇબર્સની સંખ્યા 54.2 કરોડે પહોંચી

Jio Platformsના કુલ સબ્સ્ક્રાઇબર્સની સંખ્યા વધીને 542 મિલિયન એટલે કે 54.2 કરોડ થઈ છે. અગાઉના ક્વાર્ટરમાં આ આંકડો 533.3 મિલિયન એટલે કે 53.33 કરોડ અને ગયા વર્ષના સમાન ક્વાર્ટરમાં 506.4 મિલિયન એટલે કે 50.64 કરોડ હતો.

આ ઉપરાંત, કંપનીએ 5G અને બ્રોડબેન્ડ સેવાઓમાં પણ બે મહત્ત્વપૂર્ણ માઇલસ્ટોન હાંસલ કર્યા છે. Jioના 5G સબ્સ્ક્રાઇબર્સની સંખ્યા 30 કરોડને પાર થઈ છે, જ્યારે બ્રોડબેન્ડ સબ્સ્ક્રાઇબર્સની સંખ્યા પણ 3 કરોડને વટાવી ગઈ છે.

નોંધનીય છે કે Jio Platforms હવે ભારતની બીજી સૌથી મૂલ્યવાન લિસ્ટેડ કંપની બની ગઈ છે. કંપનીના નાણાકીય પ્રદર્શનમાં રેવન્યુ, EBITDA, ARPU અને સબ્સ્ક્રાઇબર્સની સંખ્યામાં થયેલી વધારો મહત્ત્વપૂર્ણ રહી છે.