Stocks to Watch: આજે આ 11 શેરો પર રાખો નજર, કરાવી શકે છે તગડી કમાણી

Stocks to watch today: શેરબજારમાં રોજ કોઈને કોઈ કંપનીને લગતા સમાચારો આવતા રહે છે, જેના કારણે તે કંપનીના શેર રોકાણકારોના રડાર પર આવી જાય છે. 6 માર્ચના ટ્રેડિંગ સેશનમાં પણ એવી 11 કંપનીઓ છે જેના શેરો પર ખાસ નજર રહેશે. આ કંપનીઓને લઈને નવા ઓર્ડર, રોકાણ અને બિઝનેસ અપડેટ્સ જેવા મોટા સમાચાર આવ્યા છે, જેની સીધી અસર તેમના શેરોના ભાવ પર પડી શકે છે. ચાલો જાણીએ આખી લિસ્ટ.

આજે આ 11 કંપનીઓના શેરો રહેશે ફોકસમાં:

1) Jio Financial Services

જિયો ફાઇનાન્સિયલ સર્વિસિસ દ્વારા તેની જોઈન્ટ વેન્ચર કંપની Allianz Jio Reinsuranceમાં 147.45 કરોડ રૂપિયાનું મોટું રોકાણ કરવામાં આવ્યું છે. કંપનીએ 14.75 કરોડ ઇક્વિટી શેર રોકડમાં પાર વેલ્યૂ પર ખરીદ્યા છે. આ રોકાણ જોઈન્ટ વેન્ચરના બિઝનેસને વધુ મજબૂત બનાવવા માટે કરવામાં આવ્યું છે.

ભારતની સૌથી મોટી આઈટી કંપની ટાટા કન્સલ્ટન્સી સર્વિસિસ (TCS) હવે ભારતમાં આર્ટિફિશિયલ ઈન્ટેલિજન્સ (AI) ડેટા સેન્ટરનું નેટવર્ક વધારવા જઈ રહી છે. કંપનીએ અગાઉ OpenAI સાથે 100 મેગાવોટથી 1 ગીગાવોટ ક્ષમતાના ડેટા સેન્ટર બનાવવા માટે કરાર કર્યો હતો અને હવે તે અન્ય ટેક કંપનીઓ સાથે પણ ચર્ચા કરી રહી છે.

3) Wipro

દિગ્ગજ આઈટી કંપની વિપ્રોએ પોતાના બોર્ડ ઓફ ડિરેક્ટર્સમાં લોરા મેરી મિલરની નિમણૂક કરી છે. કંપનીના જણાવ્યા અનુસાર, મિલર પાસે સંસ્થાઓના ટ્રાન્સફોર્મેશન, આધુનિકીકરણ અને કામગીરી સુધારવાનો બહોળો અનુભવ છે.

4) Bajaj Auto

બજાજ ઓટોની પેટાકંપની ‘Bajaj Auto International Holdings BV'ને KTM AG તરફથી 450 મિલિયન યુરોની સિક્યોર્ડ ટર્મ લોન પૂરેપૂરી પાછી મળી ગઈ છે. આ સાથે જ 5 માર્ચ 2026 ના રોજ આ સુવિધાને લગતો એગ્રીમેન્ટ પૂરો થઈ ગયો છે. આ ચુકવણી મે 2025 માં શરૂ થયેલી ફાઇનાન્સિયલ રિ-સ્ટ્રક્ચરિંગ પ્રક્રિયાનો જ એક ભાગ હતો.

5) Tata Elxsi

ટાટા ગ્રુપની આ કંપનીએ ‘DevStudio.ai' નામનું એક મલ્ટી-એજન્ટ જનરેટિવ AI પ્લેટફોર્મ લોન્ચ કર્યું છે. આ પ્લેટફોર્મ ખાસ કરીને ઓટોમોબાઇલ સોફ્ટવેર એન્જિનિયરિંગની પ્રક્રિયાને ઝડપી બનાવવા માટે તૈયાર કરવામાં આવ્યું છે, જે સોફ્ટવેર ડેવલપમેન્ટમાં એન્જિનિયરને મદદ કરશે.

6) DRL (Dr. Reddy's Laboratories)

ફાર્મા કંપની ડો. રેડ્ડીઝ લેબોરેટરીઝને આંધ્રપ્રદેશના શ્રીકાકુલમ ખાતે આવેલા તેના મેન્યુફેક્ચરિંગ પ્લાન્ટ માટે અમેરિકન રેગ્યુલેટર US FDA તરફથી એસ્ટાબ્લિશમેન્ટ ઇન્સ્પેક્શન રિપોર્ટ (EIR) મળી ગયો છે. કંપનીના જણાવ્યા પ્રમાણે, 4 માર્ચ 2026ના રોજ જાહેર થયેલા આ રિપોર્ટમાં તપાસને ‘Voluntary Action Indicated (VAI)' કેટેગરીમાં રાખીને હવે તપાસ સત્તાવાર રીતે બંધ કરી દેવામાં આવી છે.

7) Balmer Lawrie

આ કંપનીના બોર્ડ ઓફ ડિરેક્ટર્સે 10 રૂપિયાની ફેસ વેલ્યૂ વાળા દરેક ઇક્વિટી શેર પર 4.25 રૂપિયાનું વચગાળાનું ડિવિડન્ડ આપવાની જાહેરાત કરી છે. આ ડિવિડન્ડ માટે કંપનીએ 11 માર્ચ 2026 ની રેકોર્ડ ડેટ નક્કી કરી છે.

8) GRSE

સરકારી ડિફેન્સ કંપની ગાર્ડન રીચ શિપબિલ્ડર્સ એન્ડ એન્જિનિયર્સ (GRSE) એ મેરીટાઇમ ઇનોવેશન (દરિયાઈ સુરક્ષા અને ટેકનોલોજી) ને પ્રોત્સાહન આપવા માટે 'કળ્યાણી સ્ટ્રેટેજિક સિસ્ટમ્સ' સાથે એક મહત્વપૂર્ણ MOU પર હસ્તાક્ષર કર્યા છે.

9) DCX Systems

આ કંપનીને હિન્દુસ્તાન એરોનોટિક્સ લિમિટેડ (HAL) તરફથી 68 કરોડ રૂપિયાનો શાનદાર ઓર્ડર મળ્યો છે. આ ઓર્ડર અંતર્ગત કંપની એરબોર્ન એપ્લિકેશન માટેના ખાસ એન્ટેના અને પાવર સપ્લાય સિસ્ટમનું ઉત્પાદન કરીને તેની સપ્લાય કરશે.

10) Zaggle Prepaid Ocean

આ કંપનીએ બ્લુ સ્ટાર લિમિટેડ (Blue Star Limited) સાથે એક મોટી ડીલ કરી છે. આ કરાર હેઠળ કંપની પોતાના 'Zaggle Save' પ્લેટફોર્મ દ્વારા બ્લુ સ્ટારને એમ્પ્લોઈઝ એક્સપેન્સ મેનેજમેન્ટ અને બેનિફિટ્સ સોલ્યુશન્સ પૂરા પાડશે.

11) BMW Industries

બીએમડબલ્યુ ઇન્ડસ્ટ્રીઝે પાઇપ્ડ નેચરલ ગેસ (PNG) ના સપ્લાય માટે ઇન્ડિયન ઓઇલ કોર્પોરેશન (IOCL) સાથે એક મહત્વનો કરાર કર્યો છે.

શેરબજારમાં રોજ નવા ફેરફારો થતા હોય છે, ત્યારે આ 11 કંપનીઓના તાજા સમાચારો તેમના શેરોમાં તેજી કે મંદી લાવી શકે છે. જો તમે ટ્રેડિંગ કે રોકાણ કરવાનું વિચારી રહ્યા છો, તો આ શેરોની ચાલ પર નજર રાખવી ફાયદાકારક સાબિત થઈ શકે છે.

આ પણ વાંચો- Stock Markets: બજારમાં અત્યારે 'હીરો' બનવાની ભૂલ ન કરતા, જાણો આલ્ફા ગ્રેપના CEOએ આવું કેમ કહ્યું?

(Disclaimer: અહીં આપેલી માહિતી માત્ર જાણકારીના હેતુથી આપવામાં આવી છે. શેરબજારમાં રોકાણ કરવું એ બજારના જોખમોને આધીન છે. રોકાણકાર તરીકે કોઈપણ શેરમાં પૈસા લગાવતા પહેલા હંમેશા તમારા સર્ટિફાઈડ ફાઇનાન્સિયલ એક્સપર્ટની સલાહ ચોક્કસથી લો.)