શેરબજારમાં આજે થશે મોટી હલચલ: 7 કંપનીઓના 3400 કરોડના શેર થશે ફ્રી, જાણો કયા સ્ટોક પર થશે અસર?

Stock Market Lock-in: આજે તારીખ 26 ડિસેમ્બરના રોજ શેરબજારમાં એક મહત્વની ઘટના બનવા જઈ રહી છે, જેના પર રોકાણકારોની ખાસ નજર છે. આજના ટ્રેડિંગ સેશનમાં કુલ 7 કંપનીઓના શેરહોલ્ડરનો લોક-ઈન પીરિયડ પૂરો થઈ રહ્યો છે. આ લોક-ઈન પીરિયડ પૂરો થવાને કારણે બજારમાં આશરે 3400 કરોડની કિંમતના શેર ટ્રેડિંગ માટે મુક્ત થઈ જશે. આ 7 કંપનીઓમાંથી 5 કંપનીઓના શેર હાલમાં તેમની ઈશ્યુ પ્રાઈસ કરતા નીચે ટ્રેડ કરી રહ્યા છે, જે રોકાણકારો માટે ચિંતાનો વિષય હોઈ શકે છે. અહીં એ સમજવું ખૂબ જરૂરી છે કે લોક-ઈન પીરિયડ પૂરો થવાનો અર્થ એ નથી કે તમામ શેર તરત જ ઓપન માર્કેટમાં વેચાઈ જશે, પરંતુ તેનો અર્થ એ છે કે આ શેર હવે ટ્રેડિંગ માટે એલિજિબલ એટલે કે પાત્ર બની ગયા છે. ચાલો જાણીએ કે આ કઈ 7 કંપનીઓ છે અને તેમના આંકડા શું કહે છે.

Sanathan Textiles

સૌથી પહેલા વાત કરીએ Sanathan Textiles વિશે, તો નુવામા અલ્ટરનેટિવ એન્ડ ક્વોન્ટિટેટિવ રિસર્ચના ડેટા મુજબ, આ કંપનીનો એક વર્ષનો શેરહોલ્ડર લોક-ઈન પીરિયડ આજે પૂરો થઈ રહ્યો છે. જેના કારણે કંપનીની 58% હિસ્સેદારી એટલે કે 4.86 કરોડ શેર ટ્રેડિંગ માટે ફ્રી થઈ જશે. મુક્ત થઈ રહેલા આ શેરોની કુલ વેલ્યુ 2,094 કરોડ છે. રાહતની વાત એ છે કે આ સ્ટોક તેની IPO પ્રાઈસ 321 કરતાં 34% ઉપર ટ્રેડ કરી રહ્યો છે, જે રોકાણકારો માટે સકારાત્મક સંકેત છે.

Arisinfra Solutions

Concord Enviro Systems

તેવી જ રીતે Concord Enviro Systemsનો એક વર્ષનો શેરહોલ્ડર લોક-ઈન પણ આજે પૂરો થઈ રહ્યો છે. આ પછી કંપનીના 94 લાખ શેર, જે 46% હિસ્સેદારી બરાબર છે, તે ટ્રેડિંગ માટે ફ્રી થઈ જશે. આ શેરોની વેલ્યુ 420 કરોડ છે અને સ્ટોક તેની IPO પ્રાઈસ 701 કરતાં 36% નીચે ચાલી રહ્યો છે.

Solarworld Energy Solutions

Solarworld Energy Solutionsની વાત કરીએ તો, કંપનીનો ત્રણ મહિનાનો શેરહોલ્ડર લોક-ઈન પીરિયડ શુક્રવારે પૂરો થશે. જેના કારણે 31 લાખ શેર અથવા બાકી ઇક્વિટીનો 4% હિસ્સો ટ્રેડિંગ માટે મુક્ત થશે. બુધવારના ક્લોઝિંગ ભાવના આધારે આ શેરોની વેલ્યુ 84.6 કરોડ થાય છે. આ સ્ટોક પણ તેની ઈશ્યુ પ્રાઈસ 351 કરતાં 22% નીચે છે.

Seshaasai Technologies

Seshaasai Technologiesનો ત્રણ મહિનાનો લોક-ઈન પીરિયડ પણ 26 ડિસેમ્બરના રોજ પૂરો થઈ રહ્યો છે. જેના લીધે 29 લાખ શેર (2% હિસ્સેદારી) ટ્રેડિંગ માટે ફ્રી થશે, જેની વેલ્યુ 79.5 કરોડ છે. આ સ્ટોક તેની IPO પ્રાઈસ 423 કરતાં 35% નીચે ટ્રેડ કરી રહ્યો છે.

Anand Rathi Shares

સારા સમાચાર Anand Rathi Shares તરફથી છે, જેમનો 3 મહિનાનો લોક-ઈન પીરિયડ આજે પૂરો થઈ રહ્યો છે. આ સાથે 27 લાખ શેર અથવા કુલ આઉટસ્ટેન્ડિંગના 4% શેર ટ્રેડ માટે ફ્રી થશે. આ શેરોની વેલ્યુ 178 કરોડ છે અને સ્ટોક તેની IPO પ્રાઈસ 414 કરતાં લગભગ 60% ઉપર ટ્રેડ કરીને મજબૂતી દર્શાવી રહ્યો છે.

Jaro Institute

છેલ્લે, Jaro Instituteના 8 લાખ શેર અથવા 3% હિસ્સેદારી પણ ટ્રેડિંગ માટે ફ્રી થવા જઈ રહી છે કારણ કે તેમનો 3 મહિનાનો લોક-ઈન પૂરો થઈ રહ્યો છે. આ ફ્રી થઈ રહેલા શેરોની વેલ્યુ 43 કરોડ છે, પરંતુ સ્ટોક તેની IPO પ્રાઈસ 890 કરતાં 40% નીચે ટ્રેડ કરી રહ્યો છે.

આ પણ વાંચો - Global Market Update: ચાંદીમાં ઐતિહાસિક તેજી અને અમેરિકન શેરબજાર રેકોર્ડ હાઈ પર, જાણો 'સાન્તા ક્લોઝ રેલી'ની અસર

ડિસ્ક્લેમર: અહીં આપેલી માહિતી સ્ટોક પર્ફોમન્સ પર આધારિત છે. એ નોંધવું અગત્યનું છે કે બજારમાં રોકાણ બજારના જોખમોને આધીન છે. રોકાણકાર તરીકે, પૈસાનું રોકાણ કરતા પહેલા હંમેશા નિષ્ણાતની સલાહ લો. મનીકંટ્રોલ ક્યારેય કોઈને અહીં પૈસા રોકવાની સલાહ આપતું નથી.