જેમ જેમ નાણાકીય વર્ષની છેલ્લી તારીખ (31 માર્ચ) નજીક આવે છે તેમ તેમ ટેક્સ સેવિંગ્સ ઓપ્શનનું સર્ચ વધે છે. છેલ્લા 18 મહિનાથી વ્યાજ દરમાં વધારો થઈ રહ્યો છે. આ કારણે નેશનલ સેવિંગ્સ સર્ટિફિકેટ (NSC) અને ટેક્સ-સેવિંગ બેન્ક ફિક્સ્ડ ડિપોઝિટનું આકર્ષણ વધ્યું છે. જો તમે તમારા સારા વળતરની સાથે તમારા પૈસાની સિક્યોરિટી વિશે ખૂબ જ ચિંતિત છો, તો તમે આ બે ઓપ્શન વિશે વિચારી શકો છો. તમે તેનો ઉપયોગ ટેક્સ સેવિંગ્સ માટે કરી શકો છો.
છેલ્લી ઘડીની ટેક્સ બચત: શું તમારે NSC અને બેન્ક ટેક્સ સેવિંગ FDમાં રોકાણ કરવું જોઈએ?
જો અત્યાર સુધી તમે નાણાકીય વર્ષ 2022-23 માટે ટેક્સ-સેવિંગ્સ નથી કરી, તો તે જલ્દી કરવું વધુ સારું રહેશે. આ માટેની છેલ્લી તારીખ 31 માર્ચ છે. તે પછી કરવામાં આવેલ ટેક્સ સેવિંગ રોકાણો આગામી નાણાકીય વર્ષ માટે ટેક્સ બચતમાં મેળવી શકાય છે.
અપડેટેડ 03:55:59 PM Mar 16, 2023 પર
NSC અને ટેક્સ-સેવિંગ્સ બેન્ક FD શું છે?
NSC અને ટેક્સ-સેવિંગ્સ બેન્ક FD બંનેનો કાર્યકાળ 5 વર્ષનો છે. આનો અર્થ એ છે કે તમારા પૈસા 5 વર્ષમાં પરિપક્વ થાય છે. આમાં તમે રૂપિયા 1.5 લાખ (બંને સહિત)નું રોકાણ કરીને ટેક્સ કપાતનો દાવો કરી શકો છો. બંનેને પૂર્વ નિર્ધારિત વ્યાજ દર અનુસાર રિટર્ન મળે છે. આમાં સમય પહેલા ઉપાડની મંજૂરી નથી.
વ્યાજ દર કેટલો છે?
જ્યારે ઉદ્યોગના વ્યાજ દરો વધે છે ત્યારે નિશ્ચિત રિટર્ન ઓપ્શનમાં રોકાણ કરવું ફાયદાકારક છે. NSCનો વ્યાજ દર 7 ટકા છે. ટેક્સ-સેવિંગ ફિક્સ્ડ ડિપોઝિટનો વ્યાજ દર 6 થી 7.6 ટકા છે. વરિષ્ઠ નાગરિકોને FD પર વધુ વ્યાજ મળે છે. કોર્પોરેટ ટ્રેનર (ડેટ) જોયદીપ સેને જણાવ્યું હતું કે, "એનએસસી એક રીતે ગેરંટી છે. તેમાં ક્રેડિટ રિસ્ક નહિવત્ છે. જો કે, જો તમે નાની બેન્કની ટેક્સ-સેવિંગ એફડીમાં જમા કરી રહ્યા હોવ, તો તમારે ક્રેડિટ રિસ્ક જોવું જોઈએ. લેવી જોઈએ."
થોડા સમય પહેલા NSCનો વ્યાજ દર 6.8 ટકા હતો. તેમાં 20 બેસિસ પોઈન્ટનો વધારો કરવામાં આવ્યો છે. સેબીના રજિસ્ટર્ડ ઈન્વેસ્ટમેન્ટ એડવાઈઝર જીતેન્દ્ર સોલંકીએ જણાવ્યું હતું કે એનએસસી અને ટેક્સ સેવિંગ્સ એફડીના વર્તમાન વ્યાજ દરો આકર્ષક છે. જે ઇન્વેસ્ટર્સ જોખમ લઈ શકતા નથી તેઓ તેમાં રોકાણ કરીને ટેક્સ- બેનિફિટનો લાભ લઈ શકે છે. ખાસ વાત એ છે કે આ ઇન્વેસ્ટના સૌથી આસાન ઓપ્શન છે. આમાં ઇન્વેસ્ટ કર્યા પછી તમારે કોઈપણ પ્રકારના ફોલો-અપની જરૂર નથી.
ઇન્વેસ્ટ કેટલા સમય માટે કરવું પડશે?
તમારે પાંચ વર્ષ માટે ASC અને ટેક્સ-સેવિંગ FDમાં ઇન્વેસ્ટ કરવાની જરૂર છે. અન્ય ટેક્સ-સેવિંગ પ્રોડક્ટ્સની સરખામણીમાં આ સમય થોડો વધુ છે. મ્યુચ્યુઅલ ફંડ ટેક્સ સ્કીમ (ELSS)માં લોક-ઇન સમયગાળો માત્ર 3 વર્ષનો છે. NSC અને ટેક્સ-સેવિંગ FD પર મળતું વ્યાજ કરપાત્ર છે. તેથી, ઉચ્ચ આવકવેરાના સ્લેબમાં આવતા રોકાણકારો માટે, તેમાં રોકાણ કરવાનો કોઈ અર્થ નથી.
તમારે શું કરવું જોઈએ?
મુંબઈ સ્થિત મ્યુચ્યુઅલ ફંડ ડિસ્ટ્રીબ્યુટર અભય માથુરે જણાવ્યું હતું કે જે રોકાણકારો વધુ જોખમ લેવા માંગતા નથી તેમના માટે NSCમાં રોકાણ કરવું સારું છે. નાની બેન્કોની ટેક્સ-સેવિંગ્સ એફડીમાં રોકાણ કરવાનું ટાળવું જોઈએ કારણ કે તે હાઇ ક્રેડિટ જોખમ ધરાવે છે. તેમણે કહ્યું કે ELSS એ ટેક્સ-સેવિંગ્સ માટે વધુ સારો ઓપ્શન છે. પરંતુ તે તે લોકો માટે છે જેઓ થોડું જોખમ લઈ શકે છે. લાંબા ગાળામાં ELSS રિટર્ન ખૂબ સારું છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
