Gaudium IVF IPO Listing: ગ્રે માર્કેટના અંદાજને પછાડી 5% પ્રીમિયમ સાથે શેર માર્કેટમાં ધમાકેદાર એન્ટ્રી, જાણો લેટેસ્ટ ભાવ

Gaudium IVF IPO Listing: શેર બજારમાં રોકાણ કરતા લોકો માટે એક સારા સમાચાર છે. ફર્ટિલિટી અને વુમન હેલ્થ સેક્ટરની જાણીતી કંપની Gaudium IVFના શેરનું આજે માર્કેટમાં શાનદાર લિસ્ટિંગ થયું છે. 27 ફેબ્રુઆરીના રોજ આ શેર 5 ટકાના પ્રીમિયમ સાથે માર્કેટમાં એન્ટર થયો છે. કંપનીએ ગ્રે માર્કેટના તમામ અંદાજોને ખોટા પાડીને રોકાણકારોને શરૂઆતમાં જ સારો નફો કરાવ્યો છે.

લિસ્ટિંગ અને સબસ્ક્રિપ્શનની વિગતો

Gaudium IVFનો શેર નેશનલ સ્ટોક એક્સચેન્જ (NSE) અને બોમ્બે સ્ટોક એક્સચેન્જ (BSE) બંને પ્લેટફોર્મ પર 83 રૂપિયાના ભાવે લિસ્ટ થયો છે. કંપનીએ આ IPO માટે 75થી 79 રૂપિયાની પ્રાઇસ બેન્ડ નક્કી કરી હતી. જે રોકાણકારોને 79 રૂપિયાના અપર બેન્ડ પર શેર લાગ્યા હતા, તેમને સીધો 5.06 ટકાનો નફો મળ્યો છે.

આ 165 કરોડ રૂપિયાનો IPO પ્રાયમરી માર્કેટમાં 20 થી 24 ફેબ્રુઆરી વચ્ચે ખુલ્લો હતો. રોકાણકારોએ તેમાં ભારે રસ દાખવ્યો હતો, જેના કારણે ઇશ્યૂ 7.27 ગણો ભરાયો હતો. ખાસ વાત એ છે કે, શેર બજારમાં એન્ટ્રી કરનારી ફર્ટિલિટી કેર સેક્ટરની આ પહેલી કંપની બની ગઈ છે.

શેરબજારમાં લિસ્ટ થયા પછી કંપનીની કુલ માર્કેટ કેપિટલ (વેલ્યુએશન) 604.13 કરોડ રૂપિયા પર પહોંચી ગઈ છે. આ ફ્રેશ ઇશ્યૂ દ્વારા ભેગા કરેલા પૈસાનો ઉપયોગ કંપની પોતાના બિઝનેસને મોટો કરવા માટે કરશે.

* ભારતમાં 19 નવા IVF સેન્ટર શરૂ કરવામાં આવશે.

* કંપનીના જૂના દેવા ચૂકવવામાં આવશે.

* બાકીની રકમનો ઉપયોગ કંપનીના અન્ય કોર્પોરેટ કામકાજ માટે થશે.

ખન્ના દ્વારા શરૂ કરવામાં આવેલી આ કંપની ભારતમાં આસિસ્ટેડ રિપ્રોડક્ટિવ ટેકનોલોજી (ART) માં પાયોનિયર માનવામાં આવે છે. હાલમાં તે 'હબ-એન્ડ-સ્પોક' મોડલ પર કામ કરે છે, જેમાં અલગ-અલગ રાજ્યોમાં તેના 7 મુખ્ય હબ અને 28 સ્પોક્સ (બ્રાન્ચ) કાર્યરત છે.

નાણાકીય સ્થિતિ

કંપનીની નાણાકીય સ્થિતિ અને ગ્રોથ ખૂબ જ મજબૂત જોવા મળી રહ્યો છે. નાણાકીય વર્ષ 2024 માં કંપનીની કુલ આવક 47.89 કરોડ રૂપિયા અને ચોખ્ખો નફો (PAT) 10.31 કરોડ રૂપિયા હતો. જ્યારે 31 માર્ચ 2025 ના રોજ પૂરા થતા નાણાકીય વર્ષ માટે કંપનીની આવક વધીને 70.72 કરોડ રૂપિયા થઈ ગઈ છે અને ચોખ્ખો નફો પણ 19.13 કરોડ રૂપિયા નોંધાયો છે.

ફર્ટિલિટી સેક્ટરમાં આ પહેલો IPO હોવાથી માર્કેટમાં તેની ઘણી ચર્ચા છે. શાનદાર લિસ્ટિંગ અને મજબૂત ફાઇનાન્શિયલ ડેટા જોતા કંપનીનું ભવિષ્ય ઉજળું દેખાઈ રહ્યું છે.

આ પણ વાંચો- Top Stock Picks: ટેકનિકલ ચાર્ટ પર બ્રેકઆઉટની તૈયારીમાં આ શાનદાર શેર, કમાણીની આ સોનેરી તક ચૂકવા જેવી નથી!

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.