Manika Plastech IPO Listing: 29 ગણો ભરાયો ઈશ્યૂ, છતાં લિસ્ટિંગ પર રોકાણકારોને મોટો ઝટકો

Manika Plastech IPO Listing: મણિકા પ્લાસ્ટેકના શેરની આજે સ્થાનિક શેરબજારમાં ફ્લેટ એન્ટ્રી થઈ છે. IPOને 29 ગણાથી વધુ સબસ્ક્રિપ્શન મળ્યું હોવા છતાં IPO રોકાણકારોને લિસ્ટિંગ ગેન મળ્યો નથી. IPO હેઠળ શેરનો ઇશ્યૂ પ્રાઇસ ₹43 નક્કી કરવામાં આવ્યો હતો. આજે BSE અને NSE બંને પર શેર ₹43ના ભાવે લિસ્ટ થયો હતો.

જોકે, લિસ્ટિંગ બાદ શેરમાં ઘટાડો જોવા મળ્યો હતો. BSE પર શેર ઘટીને ₹42ના સ્તરે આવી ગયો હતો. આ રીતે IPO રોકાણકારોને 2.33 ટકાનું નુકસાન થયું હતું.

મણિકા પ્લાસ્ટેકનો ₹125 કરોડનો IPO 11થી 16 સપ્ટેમ્બર દરમિયાન સબસ્ક્રિપ્શન માટે ખુલ્યો હતો. IPOને તમામ કેટેગરીના રોકાણકારો તરફથી સારો પ્રતિસાદ મળ્યો હતો અને ઓવરઓલ ઈશ્યૂ 29.46 ગણો સબસ્ક્રાઇબ થયો હતો.

કેટેગરી પ્રમાણે વાત કરીએ તો, ક્વોલિફાઇડ ઇન્સ્ટિટ્યૂશનલ બાયર્સ (QIB) માટે અનામત હિસ્સો 11.22 ગણો, નોન-ઇન્સ્ટિટ્યૂશનલ ઇન્વેસ્ટર્સ (NII)નો હિસ્સો 66.58 ગણો અને રિટેલ રોકાણકારોનો હિસ્સો 23.98 ગણો સબસ્ક્રાઇબ થયો હતો.

IPOમાંથી મળેલા પૈસાનો ઉપયોગ ક્યાં થશે?

મણિકા પ્લાસ્ટેક IPO હેઠળ ₹92 કરોડના નવા શેર જારી કરવામાં આવ્યા છે. આ ઉપરાંત ₹2ની ફેસ વેલ્યુ ધરાવતા ₹33 કરોડના 76,74,418 શેરોની ઓફર ફોર સેલ (OFS) કરવામાં આવી હતી.

OFSમાંથી મળનારી રકમ શેર વેચનારા શેરહોલ્ડર્સને મળી છે. જ્યારે નવા શેર દ્વારા એકત્ર કરવામાં આવેલી રકમમાંથી:

₹54.93 કરોડ — પ્લાન્ટ અને મશીનરીની ખરીદી માટે

₹15 કરોડ — દેવું ઘટાડવા માટે

₹14.72 કરોડ — IPO સંબંધિત ખર્ચ માટે

₹11.71 કરોડ — અધિગ્રહણ અને સામાન્ય કોર્પોરેટ હેતુઓ માટે ખર્ચવામાં આવશે.

શું કામ કરે છે Manika Plastech?

મણિકા પ્લાસ્ટેક એવી મજબૂત પ્લાસ્ટિક પ્રોડક્ટ્સ બનાવે છે, જેનો ઉપયોગ અન્ય કંપનીઓ પોતાના ઉત્પાદનોના પેકેજિંગ અથવા સ્ટોરેજ માટે કરે છે. કંપનીના મુખ્ય ઉત્પાદનોમાં ઇન્વર્ટર અને ઓટોમોટિવ બેટરી માટે બેટરી કાસ્ટિંગ્સ, પેઇન્ટ, લ્યુબ્રિકન્ટ અને કેમિકલ્સ માટે મોટા પ્લાસ્ટિક કન્ટેનર્સ તથા ફૂડ અને ડેરી પ્રોડક્ટ્સ માટે થિન-વોલ કન્ટેનર્સનો સમાવેશ થાય છે.

કંપની જાપાન અને જર્મનીના ટેક્નિકલ સ્ટાન્ડર્ડ્સને ધ્યાનમાં રાખીને પણ પ્રોડક્ટ્સ તૈયાર કરે છે. આ ઉપરાંત કંપની ઓટોમોબાઇલ કમ્પોનન્ટ્સના પેઇન્ટિંગનું કામ પણ કરે છે. કંપની પાસે કુલ 7 ઓપરેટિંગ ફેસિલિટી છે, જેમાં 6 મેન્યુફેક્ચરિંગ અને 1 પેઇન્ટિંગ ફેસિલિટી છે.

નાણાકીય સ્થિતિ કેવી છે?

કંપનીના નાણાકીય પરિણામોમાં પણ વૃદ્ધિ જોવા મળી છે. નાણાકીય વર્ષ 2024થી 2026 દરમિયાન કંપનીનો ચોખ્ખો નફો 39 ટકાથી વધુના CAGRથી વધીને ₹22.40 કરોડ થયો હતો. આ સમયગાળા દરમિયાન કુલ આવક આશરે 9 ટકાના CAGRથી વધીને ₹437.26 કરોડ થઈ હતી.

ચાલુ નાણાકીય વર્ષ 2027ના એપ્રિલ-જૂન ક્વાર્ટરમાં કંપનીએ ₹13.07 કરોડનો ચોખ્ખો નફો અને ₹162.71 કરોડની કુલ આવક નોંધાવી હતી. જૂન 2026 ક્વાર્ટરના અંતે કંપની પર કુલ ₹92.46 કરોડનું દેવું હતું, જ્યારે તેના રિઝર્વ અને સરપ્લસ ₹136.97 કરોડ હતા.

Broker's Top Picks: એચડીએફસી બેન્ક, શૈલી એન્જિનિયરિંગ પ્લાસ્ટિક્સ, અલ્ટ્રાટેક સિમેન્ટ, ગ્રાસિમ, રેમ્કો સિમેન્ટ્સ, ટાટા પાવર, જેએસડબ્લ્યૂ એનર્જી, જેએસડબ્લ્યૂ ઈન્ફ્રા, એચએએલ છે બ્રોકરેજના રડાર પર