Om Power Transmission IPO Listing: લિસ્ટિંગ થતા જ શેરમાં લાગી 5%ની અપર સર્કિટ, રોકાણકારોને મળી સારી કમાણી; જાણો વિગતવાર માહિતી

Om Power Transmission IPO Listing: શેરબજારમાં આજે ફરી એકવાર નવા લિસ્ટિંગનો ધમધમાટ જોવા મળ્યો છે. પાવર ટ્રાન્સમિશન સેક્ટરની કંપની Om Power Transmissionના શેરનું 17 એપ્રિલના રોજ શેરબજારમાં શાનદાર લિસ્ટિંગ થયું છે. રોકાણકારો માટે ખુશીના સમાચાર એ છે કે લિસ્ટિંગ થયાની સાથે જ આ શેરમાં તેજી જોવા મળી હતી અને જોતજોતામાં અપર સર્કિટ હિટ થઈ ગઈ હતી.

કેવું રહ્યું લિસ્ટિંગ?

ઓમ પાવર ટ્રાન્સમિશનના શેરનું લિસ્ટિંગ BSE પર અંદાજે 3.5%ના પ્રીમિયમ સાથે 181.10 રૂપિયા પર થયું હતું. જ્યારે NSE પર આ શેર 6%ના પ્રીમિયમ સાથે 186 રૂપિયા પર લિસ્ટ થયો હતો. લિસ્ટિંગના થોડા જ સમયમાં BSE પર શેરમાં 5%નો ઉછાળો આવ્યો અને તે 190.15 રૂપિયાના સ્તરે પહોંચીને અપર સર્કિટ પર સ્થિર થયો હતો. નોંધનીય છે કે કંપનીએ IPO માટે 175 રૂપિયાની ઇશ્યૂ પ્રાઇસ નક્કી કરી હતી.

IPOને મળ્યો હતો સારો પ્રતિસાદ

* ક્વાલિફાઈડ ઈન્સ્ટિટ્યુશનલ બાયર્સ (QIB): 3.65 ગણો સબસ્ક્રાઇબ થયો.

* નોન-ઈન્સ્ટિટ્યુશનલ ઈન્વેસ્ટર્સ (NII): 7.06 ગણો સબસ્ક્રાઇબ થયો.

* રિટેલ ઈન્વેસ્ટર્સ: 1.54 ગણો સબસ્ક્રાઇબ થયો.

આ IPOમાં 132.56 કરોડ રૂપિયાના 76 લાખ નવા શેર બહાર પાડવામાં આવ્યા હતા, જ્યારે 17.50 કરોડ રૂપિયાના 10 લાખ શેર ‘ઓફર ફોર સેલ’ (OFS) હેઠળ વેચવામાં આવ્યા હતા.

શું કરે છે કંપની?

ઓમ પાવર ટ્રાન્સમિશન એક પાવર ટ્રાન્સમિશન ઇન્ફ્રાસ્ટ્રક્ચર એન્જિનિયરિંગ, પ્રોક્યોરમેન્ટ અને કન્સ્ટ્રક્શન (EPC) કંપની છે. આ કંપની હાઈ-વોલ્ટેજ અને એક્સ્ટ્રા-હાઈ વોલ્ટેજ ટ્રાન્સમિશન લાઈન્સ, સબ-સ્ટેશન અને અંડરગ્રાઉન્ડ કેબલિંગ પ્રોજેક્ટ્સના કામમાં નિષ્ણાત છે. કંપની ડિઝાઇનિંગથી લઈને ઇન્સ્ટોલેશન, ટેસ્ટિંગ અને મેન્ટેનન્સ સુધીની તમામ સેવાઓ પૂરી પાડે છે. કલ્પેશ ધનજીભાઈ પટેલ, કનુભાઈ પટેલ અને વસંતકુમાર નારાયણભાઈ પટેલ આ કંપનીના મુખ્ય પ્રમોટર્સ છે.

IPOના નાણાંનો ક્યાં થશે વપરાશ?

કંપની આ પબ્લિક ઈશ્યૂ દ્વારા એકત્ર કરેલા ભંડોળનો ઉપયોગ નીચે મુજબના કાર્યો માટે કરશે

* નવી મશીનરી અને ઇક્વિપમેન્ટ્સની ખરીદી કરવા માટે.

* કંપની પર રહેલા દેવાને ચૂકવવા અથવા આંશિક રીતે ઓછું કરવા માટે.

* વર્કિંગ કેપિટલની જરૂરિયાતો પૂરી કરવા માટે.

* સામાન્ય કોર્પોરેટ હેતુઓ માટે.

કંપનીનું નાણાકીય પ્રદર્શન

નાણાકીય વિગતો પર નજર કરીએ તો, એપ્રિલ-ડિસેમ્બર 2025 (ગાળા) દરમિયાન કંપનીની કુલ આવક 276.50 કરોડ રૂપિયા રહી હતી, જ્યારે તેનો ચોખ્ખો નફો 23.37 કરોડ રૂપિયા નોંધાયો હતો. આ સમયગાળા દરમિયાન કંપની પર 38.47 કરોડ રૂપિયાનું દેવું હતું. વધુમાં, નાણાકીય વર્ષ 2025 દરમિયાન કંપનીએ 281.65 કરોડની આવક અને 22 કરોડનો ચોખ્ખો નફો હાંસલ કર્યો હતો.

પાવર ઇન્ફ્રાસ્ટ્રક્ચર ક્ષેત્રમાં કામ કરતી ઓમ પાવર ટ્રાન્સમિશનનું લિસ્ટિંગ અપેક્ષા મુજબ પોઝિટિવ રહ્યું છે. લિસ્ટિંગ બાદ તરત જ અપર સર્કિટ લાગવી તે દર્શાવે છે કે રોકાણકારોને કંપનીના ભવિષ્ય અને ગ્રોથ પર પૂરો ભરોસો છે.

આ પણ વાંચો- Stock Market Today: શેરબજારમાં સપાટ ચાલ, નિફ્ટી અને બેંક નિફ્ટીમાં કયા લેવલ પર નજર રાખવી? જાણો એક્સપર્ટની ખાસ ટ્રેડિંગ સ્ટ્રેટેજી

ડિસ્ક્લેમર: અહીં આપેલી માહિતી સ્ટોક પર્ફોમન્સ પર આધારિત છે. એ નોંધવું અગત્યનું છે કે બજારમાં રોકાણ બજારના જોખમોને આધીન છે. રોકાણકાર તરીકે, પૈસાનું રોકાણ કરતા પહેલા હંમેશા નિષ્ણાતની સલાહ લો. મનીકંટ્રોલ ક્યારેય કોઈને અહીં પૈસા રોકવાની સલાહ આપતું નથી.