SBI Funds Management IPO Allotment: 42 ગણું સબસ્ક્રિપ્શન, આજે એલોટમેન્ટ! ઘરે બેઠા આ રીતે ચેક કરો તમને શેર મળ્યા કે નહીં

SBI Funds Management IPO Allotment: દેશની સૌથી મોટી એસેટ મેનેજમેન્ટ કંપની SBI ફંડ્સ મેનેજમેન્ટ (SBI Funds Management)ના IPOની આતુરતાથી રાહ જોઈ રહેલા રોકાણકારો માટે આજે અત્યંત મહત્વનો દિવસ છે. 9,812.91 કરોડનો આ મેગા IPO 41.73 ગણો (લગભગ 42 ગણો) છલકાયો છે.

આજે 17 જુલાઈના રોજ આ IPOનું એલોટમેન્ટ ફાઈનલ થવાની પૂરી શક્યતા છે. જે રોકાણકારોએ આ IPO માં પોતાના પૈસા લગાવ્યા છે, તેઓ હવે એ જાણવા ઉત્સુક છે કે તેમને શેર લાગ્યા છે કે નહીં. તમને જણાવી દઈએ કે, આગામી 21 જુલાઈના રોજ BSE અને NSE પર આ કંપનીના શેરનું લિસ્ટિંગ થશે.

ગ્રે માર્કેટમાં ધૂમ મચાવી રહ્યો છે શેર

શેર બજારના એક્સપર્ટ્સ અને ગ્રે માર્કેટના આંકડા પર નજર કરીએ તો, કંપનીના શેર તેની ફાઈનલ ઈશ્યૂ પ્રાઈસ 574 રૂપિયાથી 16.90% ના શાનદાર પ્રીમિયમ (GMP) પર ટ્રેડ થઈ રહ્યા છે. જે દર્શાવે છે કે લિસ્ટિંગના દિવસે રોકાણકારોને સારો નફો મળી શકે છે. જો તમે પણ આ IPO માં અરજી કરી છે, તો તમે રજિસ્ટ્રાર ‘Kfin Technologies' અથવા ‘BSE'ની ઓફિશિયલ વેબસાઈટ પર જઈને તમારું સ્ટેટસ ચેક કરી શકો છો. આવો જાણીએ તેની સરળ પ્રોસેસ.

* સૌથી પહેલા ઓફિશિયલ લિંક https://ipostatus.kfintech.com/ પર જાઓ.

* અહીં ડ્રોપડાઉન મેનુમાંથી 'SBI Funds Management' નામ સિલેક્ટ કરો.

* હવે તમારી પાસે 3 વિકલ્પ હશે - એપ્લિકેશન નંબર, PAN કાર્ડ નંબર અથવા ડીમેટ એકાઉન્ટ * (DPID/Client ID). આમાંથી કોઈપણ એક પસંદ કરીને તેની ડિટેલ્સ ભરો.

* છેલ્લે કેપ્ચા કોડ નાખીને ‘Submit' બટન પર ક્લિક કરો. તમારું સ્ટેટસ સ્ક્રીન પર દેખાશે.

BSEની વેબસાઈટ પરથી સ્ટેટસ જાણવાની રીત

* સૌપ્રથમ https://www.bseindia.com/investors/appli_check.aspx લિંક ઓપન કરો.

* ઈશ્યૂના પ્રકારમાં 'Equity' (ઈક્વિટી) પસંદ કરો.

* ત્યારબાદ ઈશ્યૂના નામમાં 'SBI Funds Management IPO' સિલેક્ટ કરો.

* તમારો એપ્લિકેશન નંબર અથવા PAN કાર્ડની વિગતો દાખલ કરો.

* 'I am not a robot' (કેપ્ચા) પર ટિક કરો અને 'Search' બટન પર ક્લિક કરો.

SBI ફંડ્સ મેનેજમેન્ટ IPO ની ખાસ વાતો

SBI ફંડ્સ મેનેજમેન્ટ માત્ર દેશની સૌથી મોટી જ નહીં, પરંતુ સૌથી જૂની એસેટ મેનેજમેન્ટ કંપની પણ છે. તે SBI મ્યુચ્યુઅલ ફંડ માટે ઈન્વેસ્ટમેન્ટ મેનેજર તરીકેનું કામ સંભાળે છે. આ કંપનીના મુખ્ય પ્રમોટર્સમાં સ્ટેટ બેંક ઓફ ઈન્ડિયા (SBI) અને અમુંડી ઈન્ડિયા હોલ્ડિંગ (Amundi India Holding) નો સમાવેશ થાય છે.

આ પબ્લિક ઈશ્યૂ સંપૂર્ણપણે 'ઓફર ફોર સેલ' (OFS) હતો. એટલે કે આમાં કોઈ નવા શેર બહાર પાડવામાં આવ્યા નથી. OFS દ્વારા કુલ 17.09 કરોડ શેર વેચાણ માટે મૂકવામાં આવ્યા હતા. જેમાં SBI એ પોતાના 9,95,01,649 શેર (4.8851% હિસ્સેદારી) અને અમુંડી ઈન્ડિયા હોલ્ડિંગે 7,14,54,982 શેર (3.5082% હિસ્સેદારી) વેચ્યા છે.

કોણે કેટલું રોકાણ કર્યું?

* આ IPOમાં રોકાણકારોનો જબરદસ્ત પ્રતિસાદ જોવા મળ્યો છે.

* ક્વોલિફાઈડ ઈન્સ્ટિટ્યુશનલ બાયર્સ (QIB) નો હિસ્સો: 140.11 ગણો ભરાયો.

* નોન-ઈન્સ્ટિટ્યુશનલ ઈન્વેસ્ટર્સ (NII) નો હિસ્સો: 22.51 ગણો ભરાયો.

* રિટેલ ઈન્વેસ્ટર્સ (સામાન્ય રોકાણકારો)નો હિસ્સો: 3.76 ગણો ભરાયો.

* કર્મચારીઓ માટે રિઝર્વ રાખેલો હિસ્સો: 4.65 ગણો ભરાયો.

ઉલ્લેખનીય છે કે, કંપનીએ પ્રી-IPO રાઉન્ડમાં જ 30 મોટા અને દિગ્ગજ રોકાણકારો પાસેથી 1880 કરોડ એકઠા કરી લીધા હતા. આ રાઉન્ડમાં કુલ 3.27 કરોડ શેર (1.6 ટકા હિસ્સેદારી) વેચવામાં આવી હતી.

SBI Funds Managementનો મજબૂત પાયો અને બજારમાં તેની લીડરશિપ જોતા આ IPO ને લાંબા ગાળાના રોકાણ માટે પણ સારો માનવામાં આવી રહ્યો છે. હવે જોવાનું એ રહે છે કે 21 જુલાઈએ શેર બજારમાં આ કંપની કેવી શાનદાર એન્ટ્રી કરે છે.

આ પણ વાંચો- Silver Price Today: ચાંદી ખરીદનારાઓ માટે ખુશખબર! 4 દિવસમાં ચાંદી 12,500 રૂપિયા સસ્તી થઈ, જાણો તમારા શહેરમાં આજનો લેટેસ્ટ ભાવ

ડિસ્ક્લેમર: (આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.)