SBI Funds Management IPO: પ્રી-IPO રાઉન્ડ પછી સાઈઝ ઘટીને 9813 કરોડ થઈ, જાણો પ્રાઇસ બેન્ડ અને ડિસ્કાઉન્ટની વિગતો

SBI Funds Management IPO: દેશની સૌથી જૂની અને સૌથી મોટી એસેટ મેનેજમેન્ટ કંપની, SBI ફંડ્સ મેનેજમેન્ટનો બહુપ્રતીક્ષિત IPO 14 જુલાઈએ રોકાણકારો માટે ખુલી રહ્યો છે. જો તમે પણ શેરબજારમાં રોકાણ કરીને સારો નફો કમાવવા માંગો છો, તો આ એક મોટી તક સાબિત થઈ શકે છે. આ કંપની SBI મ્યુચ્યુઅલ ફંડ માટે ઇન્વેસ્ટમેન્ટ મેનેજર તરીકે કામ કરે છે.

પ્રી-IPO રાઉન્ડ બાદ સાઈઝમાં ઘટાડો

IPO ખુલતા પહેલા જ કંપનીએ પ્રી-IPO રાઉન્ડમાં 30 મોટા રોકાણકારો પાસેથી 1880 કરોડ રૂપિયા એકઠા કર્યા છે. આ ભંડોળ એકઠું થવાથી હવે IPO ની કુલ સાઈઝ 11692.91 કરોડ રૂપિયાથી ઘટીને 9812.9 કરોડ રૂપિયા થઈ ગઈ છે.

આ રાઉન્ડમાં કુલ 3.27 કરોડ શેરો (લગભગ 1.6 ટકા હિસ્સો) વેચવામાં આવ્યા છે. સ્ટેટ બેન્ક ઓફ ઈન્ડિયાએ 1655 કરોડ રૂપિયામાં 2.88 કરોડ શેર વેચ્યા છે.જ્યારે અમુંડી ઈન્ડિયા હોલ્ડિંગએ 225 કરોડ રૂપિયામાં 39.19 લાખ શેર વેચ્યા છે.

પ્રી-IPO રાઉન્ડમાં જાણીતા રોકાણકારોએ મોટો રસ દાખવ્યો છે. અઝીમ પ્રેમજીના પીઆઈ ઓપોર્ચ્યુનિટીઝ ફંડ (PI Opportunities Fund) અને આકાશ માણેક ભણસાલી સૌથી મોટા ભાગીદાર રહ્યા છે. બંનેએ 200-200 કરોડ રૂપિયાના 34.84 લાખ શેરો ખરીદ્યા છે. જ્યારે પ્રશાંત જૈનના 3P ઈન્ડિયા ઈક્વિટી ફંડે 150 કરોડ રૂપિયાના 26.13 લાખ શેર ખરીદ્યા છે. આ ઉપરાંત વ્હાઇટઓક કેપિટલ, ટાટા AIG જનરલ ઈન્શ્યોરન્સ, માલાબાર ઈન્ડિયા ફંડ, અને 360 ONE જેવા મોટા નામો પણ આ લિસ્ટમાં સામેલ છે.

IPO ની મહત્વની તારીખો અને પ્રાઇસ બેન્ડ

ખુલવાની તારીખ: 14 જુલાઈ

બંધ થવાની તારીખ: 16 જુલાઈ

એન્કર રોકાણકારો: 13 જુલાઈએ બોલી લગાવી શકશે.

પ્રાઇસ બેન્ડ: 545 થી 574 રૂપિયા પ્રતિ શેર

લોટ સાઈઝ: 26 શેર

એલોટમેન્ટ: 17 જુલાઈ સુધીમાં ફાઈનલ થઈ શકે છે.

લિસ્ટિંગ: 21 જુલાઈએ BSE અને NSE પર લિસ્ટિંગ થવાની શક્યતા છે.

ઓફર ફોર સેલ અને પ્રમોટર્સનો હિસ્સો

આ IPO સંપૂર્ણપણે ઓફર ફોર સેલ છે, એટલે કે કંપની કોઈ નવા શેર બહાર પાડશે નહીં. IPO થી મળનારી રકમ સીધી શેર વેચનાર પ્રમોટર્સ પાસે જશે. પહેલા OFS માં 20.37 કરોડ શેર વેચવાનો પ્લાન હતો, પરંતુ હવે પ્રી-IPO બાદ 17.09 કરોડ શેર વેચાણ માટે મુકાશે. જેમાં SBI 9,95,01,649 શેર (4.8851 ટકા હિસ્સો) અને અમુંડી ઈન્ડિયા 7,14,54,982 શેર (3.5082 ટકા હિસ્સો) વેચશે. પ્રી-IPO રાઉન્ડ બાદ હવે આ કંપનીમાં SBI નો હિસ્સો 60.32 ટકા અને અમુંડીનો હિસ્સો 36.06 ટકા રહ્યો છે.

કર્મચારીઓ અને શેરહોલ્ડર્સ માટે ખાસ છૂટ

કંપનીએ પોતાના અને SBI ના કર્મચારીઓ માટે ખાસ અનામત રાખી છે. SBI ફંડ્સ મેનેજમેન્ટના કર્મચારીઓ માટે 2.7 લાખ શેર અને SBI ના કર્મચારીઓ માટે 29.87 લાખ શેર રિઝર્વ છે. આ કર્મચારીઓને ફાઈનલ ઓફર પ્રાઈસ પર શેરદીઠ 54 રૂપિયાનું ડિસ્કાઉન્ટ મળશે.SBI ના હાલના શેરહોલ્ડર્સ માટે 1.3 કરોડ શેર અનામત છે, જોકે તેમને કોઈ ડિસ્કાઉન્ટ મળશે નહીં. આ ઈશ્યુમાં 50 ટકા હિસ્સો QIB માટે, 35 ટકા હિસ્સો રિટેલ રોકાણકારો માટે અને 15 ટકા હિસ્સો NII (નોન-ઈન્સ્ટિટ્યુશનલ ઈન્વેસ્ટર્સ) માટે રિઝર્વ રાખવામાં આવ્યો છે.

ગ્રે માર્કેટ પ્રીમિયમમાં કેવો છે ટ્રેન્ડ?

અનઓફિશિયલ ગ્રે માર્કેટમાં આ IPO ને સારો રિસ્પોન્સ મળી રહ્યો છે. અત્યારે SBI ફંડ્સ મેનેજમેન્ટનો શેર તેના અપર પ્રાઇસ બેન્ડ (574 રૂપિયા) પર 15.33 ટકાના પ્રીમિયમ પર ટ્રેડ થઈ રહ્યો છે. જોકે, એક દિવસ પહેલા આ પ્રીમિયમ 17.42 ટકા સુધી હતું. ગ્રે માર્કેટના આંકડા દર્શાવે છે કે રોકાણકારોને લિસ્ટિંગના દિવસે સારો એવો લિસ્ટિંગ ગેઈન મળી શકે છે.

ડિસ્ક્લેમર: આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.