બાંગ્લાદેશમાં આર્મી વિમાન થયું ક્રેશ, ફાઇટર પ્લેન સ્કૂલમાં ઘુસી ગયું, અનેકના મોત

લડાકુ વિમાન દુર્ઘટનાની માહિતી મળ્યા બાદ, ફાયર વિભાગની એક ટીમને ઘટનાસ્થળે મોકલવામાં આવી છે. બાંગ્લાદેશ સેનાના સભ્યો અને ફાયર સર્વિસ અને સિવિલ ડિફેન્સના આઠ વાહનોને ઘટનાસ્થળે મોકલવામાં આવ્યા છે. હાલમાં, ઘટનાસ્થળે રાહત અને બચાવ કામગીરી શરૂ કરવામાં આવી છે. એક વિદ્યાર્થીએ જણાવ્યું કે ઉત્તરા 17 સ્થિત માઇલસ્ટોન કોલેજ કેમ્પસમાં બપોરે 1:30 વાગ્યે વિમાન ક્રેશ થયું હતું. તે જ સમયે, અન્ય એક પ્રત્યક્ષદર્શીએ જણાવ્યું કે વિમાન શાળાની ઇમારત સાથે અથડાયું હતું, ત્યારબાદ તેમાં આગ લાગી હતી. અકસ્માત બાદ નજીકમાં હાજર લોકો પણ દોડી આવ્યા હતા અને ઘાયલોને હોસ્પિટલ લઈ ગયા હતા.