ગુજરાતમાં મેઘાનો મિજાજ: 24 કલાકમાં 122 તાલુકામાં વરસાદ, સિદ્ધપુરમાં 2.8 ઈંચ!

Gujarat Weather Forecast: ગુજરાતમાં ચોમાસું પોતાનો રંગ બતાવી રહ્યું છે. બનાસકાંઠાથી લઈને વલસાડ સુધી, રાજ્યના અનેક વિસ્તારોમાં વરસાદે જોર પકડ્યું છે. સ્ટેટ ઈમરજન્સી ઓપરેશન સેન્ટર (SEOC), ગાંધીનગરના આંકડા મુજબ, 14 જુલાઈ 2025, સવારે 6 વાગ્યાથી 15 જુલાઈ 2025, સવારે 6 વાગ્યા સુધીના 24 કલાકમાં રાજ્યના 122 તાલુકામાં વરસાદ નોંધાયો. સૌથી વધુ વરસાદ પાટણ જિલ્લાના સિદ્ધપુર તાલુકામાં 2.8 ઈંચ નોંધાયો.

ક્યાં કેટલો વરસાદ?

છેલ્લા 24 કલાકમાં રાજ્યના 122 તાલુકામાં હળવાથી મધ્યમ વરસાદ નોંધાયો. આમાંથી 5 તાલુકામાં 2થી 3 ઈંચ વચ્ચે વરસાદ પડ્યો

આ ઉપરાંત, 23 તાલુકામાં 1થી 2 ઈંચ વચ્ચે વરસાદ નોંધાયો, જેમાં બનાસકાંઠા, વલસાડ અને અન્ય જિલ્લાઓના તાલુકાઓનો સમાવેશ થાય છે. બીજી તરફ, 22 તાલુકામાં નામમાત્ર વરસાદ (1-2 એમએમ) નોંધાયો, જ્યાં મેઘરાજાએ માત્ર હાજરી પુરાવી.

હવામાન વિભાગની આગાહી

હવામાન વિભાગે આજે, 15 જુલાઈ 2025ના રોજ, સાબરકાંઠા, અરવલ્લી અને મહિસાગર જિલ્લામાં ભારેથી અતિભારે વરસાદની આગાહી સાથે ઓરેન્જ એલર્ટ જાહેર કર્યું છે. આગામી દિવસોમાં પણ રાજ્યના અલગ-અલગ ભાગોમાં વરસાદનું જોર રહેવાની શક્યતા છે, ખાસ કરીને ઉત્તર અને મધ્ય ગુજરાતમાં.

ગુજરાતમાં ચોમાસું સંપૂર્ણ રીતે સક્રિય છે. આ વરસાદે ખેતી માટે રાહત આપી છે, પરંતુ કેટલાક વિસ્તારોમાં ભારે વરસાદને કારણે પાણી ભરાવાની સમસ્યા પણ સર્જાઈ છે. ખેડૂતો અને સ્થાનિક વહીવટી તંત્ર આગાહીને ધ્યાનમાં રાખીને તૈયારીઓ કરી રહ્યાં છે.

આ પણ વાંચો- ભારતમાં કઈ ખેતી મહત્તમ અને લાંબા ગાળાનો આપશે નફો! સરકાર પણ ખેતી માટે આપી રહી છે પૈસા