Delhi Blast :દિલ્હીમાં લાલ કિલ્લા મેટ્રો સ્ટેશન પાસે કાર બ્લાસ્ટ, 10 લોકોના મોત, 24 ઘાયલ

Delhi Blast : દિલ્હીના લાલ કિલ્લા મેટ્રો સ્ટેશન નજીક એક કારમાં જોરદાર વિસ્ફોટ થતાં ગભરાટ ફેલાઈ ગયો હતો. આ વિસ્ફોટમાં 10 લોકોના મોત થયા છે. વિસ્ફોટ બાદ કારમાં આગ લાગી હોવાનું કહેવાય છે. લાલ કિલ્લા મેટ્રો સ્ટેશનના ગેટ નંબર 1 પાસે વિસ્ફોટ થયો હતો. ઘટનાની માહિતી મળતાં, સાત ફાયર એન્જિન ઘટનાસ્થળે દોડી ગયા હતા. એવું જાણવા મળ્યું છે કે વિસ્ફોટમાં બે કે ત્રણ અન્ય પાર્ક કરેલા વાહનો પણ લપેટાઈ ગયા હતા. વિસ્ફોટનું કારણ હજુ સ્પષ્ટ થયું નથી. ફાયર બ્રિગેડના વાહનો અને પોલીસની ટીમો ઘટનાસ્થળે હાજર છે.

#WATCH | A call was received regarding an explosion in a car near Gate No. 1 of the Red Fort Metro Station, after which three to four vehicles also caught fire and sustained damage. A total of 7 fire tenders have reached the spot. A team from the Delhi Police Special Cell has… pic.twitter.com/F7jbepnb4F

— ANI (@ANI) November 10, 2025

અધિકારીઓના જણાવ્યા અનુસાર, સાંજે 6:55 વાગ્યાની આસપાસ વિસ્ફોટની જાણ કરવામાં આવી હતી અને સાત ફાયર એન્જિન ઘટનાસ્થળે પહોંચ્યા હતા. ફાયર બ્રિગેડની ટીમે ઝડપથી આગ પર કાબુ મેળવ્યો હતો. આ ઘટનામાં અનેક વાહનોને નુકસાન થયું હતું, પરંતુ અત્યાર સુધી કોઈ ઈજા કે જાનહાનિના અહેવાલ નથી. લાલ કિલ્લા પાસે થયેલા વિસ્ફોટ બાદ દિલ્હીમાં હાઇ એલર્ટ જારી કરવામાં આવ્યું છે.

વિસ્ફોટ અંગે વધુ માહિતી આપતાં, દિલ્હી પોલીસે જણાવ્યું હતું કે લાલ કિલ્લા મેટ્રો સ્ટેશનના ગેટ નંબર 1 પાસે એક કાર વિસ્ફોટની જાણ કરવામાં આવી હતી, જેના પગલે ત્રણ કે ચાર અન્ય વાહનોમાં પણ આગ લાગી હતી અને તેમને નુકસાન થયું હતું. કુલ સાત ફાયર એન્જિન ઘટનાસ્થળે પહોંચી ગયા છે. દિલ્હી પોલીસ સ્પેશિયલ સેલની એક ટીમ પણ ઘટનાસ્થળે પહોંચી ગઈ છે. વધુ માહિતીની રાહ જોવાઈ રહી છે.

દિલ્હી વિસ્ફોટ બાદ, મુંબઈ હાઈ એલર્ટ પર 

દિલ્હીમાં લાલ કિલ્લા પાસે થયેલા કાર બોમ્બ વિસ્ફોટ બાદ, દેશની આર્થિક રાજધાની મુંબઈમાં હાઈ એલર્ટ જારી કરવામાં આવ્યું છે.

પીએમ મોદીએ ગૃહમંત્રી સાથે વાત કરી

પ્રધાનમંત્રી નરેન્દ્ર મોદીએ દિલ્હી વિસ્ફોટો અંગે ગૃહમંત્રી અમિત શાહ સાથે વાત કરી. તેમને ઘટના અંગે સંપૂર્ણ માહિતી મળી. દિલ્હી પોલીસની એક ટીમ હાલમાં ઘટનાસ્થળે છે.