India-US: ભારત પાસે પૈસાની કમી નથી, અમેરિકા અબજો ડોલર શા માટે આપે, ડોનાલ્ડ ટ્રમ્પે ફંડમાં ઘટાડા પર કરી વાત

India-US: અમેરિકાના રાષ્ટ્રપતિ ડોનાલ્ડ ટ્રમ્પે બુધવારે ભારતને આપવામાં આવતી 1.8 અબજ ડોલરની નાણાકીય સહાય પર સવાલ ઉઠાવ્યા હતા. અમેરિકાએ તાજેતરમાં આ સહાય બંધ કરી દીધી છે. મતદાનની ટકાવારી વધારવા માટે ભારતને આ નાણાકીય સહાય આપવામાં આવી હતી. તેમણે પોતાની પુરોગામી સરકારના આ નિર્ણયની ટીકા કરી અને કહ્યું કે ભારત વિશ્વમાં સૌથી વધુ કરવેરા ધરાવતા દેશોમાંનો એક છે. ત્યાંના ટેરિફ એટલા ઊંચા છે કે આપણે ત્યાં ભાગ્યે જ બિઝનેસ કરી શકીએ છીએ.

પ્રેસ કોન્ફરન્સ દરમિયાન, ટ્રમ્પે વડા પ્રધાન નરેન્દ્ર મોદીની તાજેતરની બે દિવસીય યુએસ મુલાકાતનો ઉલ્લેખ કરતા કહ્યું, "અમે ભારતને 108 અબજ શા માટે આપી રહ્યા છીએ? તેમની પાસે પહેલાથી જ ઘણા પૈસા છે. તેઓ વિશ્વના સૌથી વધુ ટેક્સવાળા દેશોમાંના એક છે. અમે ત્યાં ભાગ્યે જ પ્રવેશી શકીએ છીએ કારણ કે તેમના ટેરિફ ખૂબ ઊંચા છે. મને ભારત અને તેમના વડા પ્રધાન માટે ઘણું સન્માન છે, પરંતુ ત્યાંની ચૂંટણીમાં ટકાવારી વધારવા કેમ પૈસા આપવા?"

આપને જણાવી દઈએ કે 16 ફેબ્રુઆરીના રોજ, એલોન મસ્કના નેતૃત્વ હેઠળના "ડિપાર્ટમેન્ટ ઓફ ગવર્નમેન્ટ એફિશિયન્સી" (DOGE)એ આ ફંડને રદ કરવાની જાહેરાત કરી હતી. આ નિર્ણય બાદ DOGEએ એક પોસ્ટ બહાર પાડી, જેમાં યુએસ કરદાતાઓ દ્વારા વિવિધ હેતુઓ માટે વિવિધ દેશોમાં ફાળવવામાં આવેલા ફંડની યાદી શેર કરવામાં આવી. તેમાં 21 મિલિયન ડોલરનો ઉલ્લેખ કરવામાં આવ્યો હતો, અને કહેવામાં આવ્યું હતું કે આ રકમ ભારતમાં મતદાન માટે રાખવામાં આવી હતી.

તમને જણાવી દઈએ કે ગયા મહિને, યુએસ રાષ્ટ્રપતિ ડોનાલ્ડ ટ્રમ્પે મસ્કને નવા સરકારી કાર્યક્ષમતા વિભાગના વડા તરીકે પસંદ કર્યા હતા. શાસન સુધારવા અને નકામા ખર્ચને રોકવા માટે વિભાગે શનિવારે X પર એક પોસ્ટમાં કાપની જાહેરાત કરી. વિભાગે કહ્યું, "અમેરિકન કરદાતાઓના પૈસા નીચેની વસ્તુઓ પર ખર્ચવાના હતા, જે બધા રદ કરવામાં આવ્યા છે."

આ પણ વાંચો - Champions Trophy 2025: હવે પાકિસ્તાનમાં લહેરાઇ રહ્યો છે ભારતીય તિરંગો, વિવાદ બાદ PCBએ સુધારી પોતાની ભૂલ