India-US Trade: ભારત-અમેરિકા વચ્ચે વેપાર સમજૂતી માટે ન્યૂયોર્ક જશે પીયૂષ ગોયલ

India-US Trade: કેન્દ્રીય વાણિજ્ય અને ઉદ્યોગ મંત્રી પીયૂષ ગોયલ 22 સપ્ટેમ્બર, 2025ના રોજ ભારત-અમેરિકા વચ્ચેની વેપાર વાટાઘાટોને આગળ વધારવા માટે ન્યૂયોર્ક જશે. વાણિજ્ય મંત્રાલયના જણાવ્યા અનુસાર, આ પ્રવાસનો હેતુ બંને દેશો વચ્ચે પરસ્પર લાભદાયી વેપાર સમજૂતી પર ચર્ચા કરવાનો છે. પીયૂષ ગોયલની સાથે વાણિજ્ય મંત્રાલયના વિશેષ સચિવ રાજેશ અગ્રવાલ અને અન્ય અધિકારીઓ પણ આ યાત્રામાં સામેલ થશે.

અમેરિકી પ્રતિનિધિમંડળની ભારત મુલાકાત

અગાઉ, 16 સપ્ટેમ્બર, 2025ના રોજ અમેરિકાના વેપાર પ્રતિનિધિ કાર્યાલયનું એક પ્રતિનિધિમંડળ ભારત આવ્યું હતું. આ મુલાકાત દરમિયાન વેપાર સમજૂતીના વિવિધ પાસાઓ પર સકારાત્મક ચર્ચા થઈ હતી. વાણિજ્ય મંત્રાલયે આ ચર્ચાને "સકારાત્મક અને દૂરદર્શી" ગણાવી હતી. ભારતીય પક્ષનું નેતૃત્વ રાજેશ અગ્રવાલે કર્યું હતું, જ્યારે અમેરિકી પ્રતિનિધિમંડળનું નેતૃત્વ સહાયક વેપાર પ્રતિનિધિ બ્રેન્ડન લિન્ચે કર્યું હતું. બંને પક્ષોએ વેપાર સમજૂતીને ઝડપથી આખરી ઓપ આપવા માટે પ્રયાસો તેજ કરવા સહમતિ દર્શાવી હતી.

5 રાઉન્ડની વાટાઘાટો થઈ ચૂકી

અમેરિકાનો 50% ટેરિફ

અમેરિકી રાષ્ટ્રપતિ ડોનાલ્ડ ટ્રમ્પે જુલાઈ 2025ના અંતમાં ભારતીય નિકાસ પર 25% ટેરિફ લગાવવાની જાહેરાત કરી હતી. આ ઉપરાંત, રશિયા પાસેથી ક્રૂડ ઓઈલની ખરીદીને લઈને ભારત પર વધારાના 25% ટેરિફનો દંડ પણ લગાવવામાં આવ્યો હતો. હાલમાં ભારતીય નિકાસ પર કુલ 50% ટેરિફ લાગુ છે, જે વેપાર વાટાઘાટોમાં મુખ્ય મુદ્દો રહેશે.

પીયૂષ ગોયલની આ યાત્રા ભારત-અમેરિકા વચ્ચેના વેપાર સંબંધોને મજબૂત કરવા અને ટેરિફના મુદ્દાને ઉકેલવા માટે નિર્ણાયક સાબિત થઈ શકે છે. આ વાટાઘાટો બંને દેશો માટે આર્થિક લાભોની નવી તકો ખોલી શકે છે.

આ પણ વાંચો- Amul price cut: અમૂલે ઘટાડ્યા માખણ, ઘી, પનીર અને આઈસ્ક્રીમના ભાવ, જાણો કેટલી થશે બચત