Microsoft: માઈક્રોસોફ્ટ સર્વર વિશ્વભરમાં ડાઉન, જાણો ભારતમાં કઈ વસ્તુઓને થઈ અસર

Microsoft: સમગ્ર વિશ્વમાં માઈક્રોસોફ્ટ સર્વિસ ડાઉન છે. જેના કારણે હવાઈ સેવા, રેલવે અને અન્ય સર્વિસ પણ ખોરવાઈ ગઈ છે. વિશ્વના ઘણા દેશો આનાથી પ્રભાવિત થયા છે. આઉટેજથી ભારત પણ પ્રભાવિત થયું છે. ગ્લોબલ ઈન્ટરનેટ આઉટેજને કારણે ભારતીય ઉપખંડ પર ખરાબ અસર પડી છે. ચાલો જાણીએ કે ભારતમાં આ આઉટેજની શું અસર પડી છે.

ઘણા એરપોર્ટ પર મેન્યુઅલ ચેક-ઇન

આ દરમિયાન દેશભરના મોટાભાગના એરપોર્ટ ચેક ઇન સર્વિસ ખોરવાઇ છે. તેમાંથી દિલ્હી, મુંબઈ, બેંગ્લોર, અમદાવાદ, ઉદયપુર જતી ફ્લાઈટ્સ માટે મેન્યુઅલ ચેક-ઈન કરવામાં આવી રહ્યું છે. મેન્યુઅલ ચેક-ઈનને કારણે એરપોર્ટ પર મુસાફરોની લાંબી કતારો લાગી ગઈ છે.

એરલાઈન્સને અસર થઈ

હોસ્પિટલો પર પણ મોટી અસર

આ બધા સિવાય, માઈક્રોસોફ્ટ સોફ્ટવેરમાં ટેક્નિકલ સમસ્યાઓના કારણે ભારતની ઘણી સરકારી અને ખાનગી હોસ્પિટલોમાં સર્વિસ પણ ખોરવાઈ ગઈ છે. ભારતની મોટી સરકારી અને ખાનગી હોસ્પિટલોમાં દર્દીઓને મેન્યુઅલ પ્રિસ્ક્રિપ્શન આપીને સારવાર આપવામાં આવે છે. ભારતમાં, ખાનગી અને સરકારી હોસ્પિટલોમાં પ્રિસ્ક્રિપ્શનથી લઈને મેડિકલ ટેસ્ટ સુધી બધું જ માઇક્રોસોફ્ટ સોફ્ટવેર દ્વારા કરવામાં આવે છે, જેના કારણે આ સર્વિસ ખોરવાઈ ગઈ છે.

અશ્વિની વૈષ્ણવે માહિતી આપી હતી

આ સમગ્ર મામલે ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રી અશ્વિની વૈષ્ણવે પોતાનું નિવેદન જાહેર કર્યું છે. ટ્વિટર પર એક પોસ્ટમાં, તેમણે લખ્યું કે 'મંત્રાલય ગ્લોબલ આઉટેજને લઈને માઇક્રોસોફ્ટ અને તેના ભાગીદારો સાથે સંપર્કમાં છે. આ આઉટેજનું કારણ ઓળખવામાં આવ્યું છે અને સમસ્યાને ઉકેલવા માટે અપડેટ્સ રિલીઝ કરવામાં આવ્યા છે. CERT ટેક્નિકલ એડવાઈઝરી જારી કરી રહ્યું છે. NIC નેટવર્ક અસરગ્રસ્ત નથી.

MEITY is in touch with Microsoft and its associates regarding the global outage. The reason for this outage has been identified and updates have been released to resolve the issue. CERT is issuing a technical advisory. NIC network is not affected.

— Ashwini Vaishnaw (@AshwiniVaishnaw) July 19, 2024