Indian Railways: રેલવે સ્ટેશનો પર ગંદકી ફેલાવનારાઓ સામે કડક કાર્યવાહી: ત્રણ મહિનામાં 31,576 લોકો પર દંડ, 32 લાખથી વધુની વસૂલાત

Indian Railways: જાહેર સ્થળો જેવા કે રેલવે સ્ટેશન, બસ સ્ટેન્ડ અને રોડ પર ગમે ત્યાં થૂંકવું કે ગંદકી ફેલાવવી એ ભારતમાં રોજિંદી સમસ્યા છે. આવા વર્તનથી માત્ર સ્વચ્છતા જ નહીં, પરંતુ મુસાફરોની સુવિધા અને આરોગ્ય પર પણ ખરાબ અસર પડે છે. આ સમસ્યાને નાથવા માટે ભારતીય રેલવેએ હવે કડક કાર્યવાહીનો રસ્તો અપનાવ્યો છે. ઇસ્ટર્ન રેલવેએ જાન્યુઆરી 2025થી માર્ચ 2025 સુધીના ત્રણ મહિનામાં 31,576 લોકોને રેલવે સ્ટેશનો પર ગંદકી ફેલાવવા બદલ પકડી પાડ્યા છે અને તેમની પાસેથી કુલ 32,31,740 રૂપિયાનો દંડ વસૂલ્યો છે.

શું છે નિયમો અને સજા?

ભારતીય રેલવે અધિનિયમ 1989ની કલમ 140 હેઠળ, જો કોઈ વ્યક્તિ રેલવે સ્ટેશન, પ્લેટફોર્મ, ફૂટ ઓવરબ્રિજ કે ટ્રેનની અંદર થૂંકે અથવા કચરો ફેંકે, તો તેના પર 500 રૂપિયા સુધીનો દંડ લગાવી શકાય છે. ગંભીર કેસમાં આવા વ્યક્તિ સામે ગુનો પણ નોંધાઈ શકે છે, જેનાથી સજાની શક્યતા રહે છે. જોકે, મોટાભાગના કેસમાં દંડ ફટકારીને કાર્યવાહી પૂર્ણ કરવામાં આવે છે.

ગંદકીથી મુસાફરોને હાલાકી

રેલવેની સતત કાર્યવાહી

ભારતીય રેલવે અને સ્થાનિક સરકારો દ્વારા સ્વચ્છ ભારત અભિયાન હેઠળ અનેક પ્રયાસો કરવામાં આવ્યા છે, પરંતુ કેટલાક લોકો હજુ પણ નિયમોનું પાલન કરવામાં ઉણપ દાખવે છે. આવા લોકો સામે રેલવે તંત્ર સમયાંતરે ઝુંબેશ ચલાવીને કાર્યવાહી કરે છે. પૂર્વ રેલવેના આ તાજેતરના આંકડા દર્શાવે છે કે રેલવે આ મુદ્દે ગંભીર છે અને ગંદકી ફેલાવનારાઓ સામે કડક વલણ અપનાવી રહી છે.

સામાજિક જાગૃતિની જરૂર

આવા દંડ અને કાર્યવાહીઓથી થોડી રાહત મળે છે, પરંતુ આ સમસ્યાનો કાયમી ઉકેલ લાવવા માટે સામાજિક જાગૃતિ ખૂબ જરૂરી છે. લોકોએ સ્વચ્છતા જાળવવાની જવાબદારી સમજવી જોઈએ અને જાહેર સ્થળોનો ઉપયોગ જવાબદારીપૂર્વક કરવો જોઈએ. રેલવે અધિકારીઓએ પણ જણાવ્યું કે, આવી કાર્યવાહીઓ ભવિષ્યમાં પણ ચાલુ રહેશે જેથી રેલવે સ્ટેશનો સ્વચ્છ અને સુરક્ષિત રહે.

આ પણ વાંચો- Gujarat monsoon: ગુજરાતમાં 22 મેથી પ્રી-મોન્સૂન એક્ટિવિટીનો થશે પ્રારંભ, સૌરાષ્ટ્ર અને દક્ષિણ ગુજરાતમાં ભારે વરસાદની આગાહી