શેરબજારમાં બુધવારે એક જબરદસ્ત હલચલ જોવા મળી. ગૌતમ અદાણીના નેતૃત્વવાળા અદાણી ગ્રુપની કંપની અદાણી પાવરએ એક મોટી ડીલની જાહેરાત કરી છે. અદાણી પાવરે જયપ્રકાશ પાવર વેન્ચર્સમાં મોટો હિસ્સો ખરીદવાનો નિર્ણય લીધો છે. આ સમાચાર માર્કેટમાં આવતાની સાથે જ રોકાણકારો આ શેર ખરીદવા માટે પડાપડી કરવા લાગ્યા હતા. પરિણામે, જેપી પાવરના શેરમાં સીધી 20% ની અપર સર્કિટ લાગી ગઈ હતી.
અદાણી પાવરની મોટી ડીલ: JP Power માં ખરીદ્યો 24% હિસ્સો, સમાચાર આવતા જ શેરમાં લાગી 20% ની અપર સર્કિટ
અદાણી ગ્રુપની મોટી ડીલ! અદાણી પાવરે જેપી પાવરમાં 24% હિસ્સો ખરીદ્યો. આ સમાચાર આવતા જ રોકાણકારો શેર ખરીદવા તૂટી પડ્યા અને શેરમાં 20% ની અપર સર્કિટ લાગી. જાણો સંપૂર્ણ વિગતો.
અપડેટેડ 03:30:31 PM May 27, 2026 પર
આ મેગા ડીલમાં પ્રયાગરાજ પાવર જનરેશન કંપની લિમિટેડમાં જયપ્રકાશ એસોસિએટ્સનો જે 11.49% હિસ્સો છે, તેનો પણ સમાવેશ થાય છે.
24% હિસ્સો ખરીદવા માટે થયો કરાર
અદાણી પાવરે શેરબજારને આપેલી સત્તાવાર માહિતી મુજબ, જયપ્રકાશ એસોસિએટ્સ લિમિટેડ (JAL) અને અદાણી પાવર લિમિટેડ (APL) વચ્ચે 'શેર સેલ એન્ડ પર્ચેઝ એગ્રીમેન્ટ' પર હસ્તાક્ષર કરવામાં આવ્યા છે. આ કરાર હેઠળ, JAL કંપની જયપ્રકાશ પાવર વેન્ચર્સમાં રહેલો પોતાનો 24% હિસ્સો અદાણી પાવરને વેચશે. આ 24% હિસ્સાની ખરીદી માટે લગભગ 2,993.60 કરોડ રૂપિયામાં સોદો નક્કી કરવામાં આવ્યો છે.
ડીલની કુલ કિંમત 4,193 કરોડ રૂપિયાથી વધુ
આ આખી ડીલ માત્ર 24% હિસ્સા પૂરતી સીમિત નથી. અગાઉ અદાણી પાવરે જણાવ્યું હતું કે, તેઓ 24% હિસ્સાની સાથે કેટલાક થર્મલ પાવર એસેટ્સ પણ ખરીદશે. આ સમગ્ર સોદાની કુલ કિંમત આશરે 4,193.59 કરોડ રૂપિયા છે.
24% હિસ્સા માટે: 2,993.60 કરોડ રૂપિયા ચૂકવાશે.
ચુરક સ્થિત 180 મેગાવોટનો થર્મલ પાવર પ્લાન્ટ અને તેની સાથે જોડાયેલી એસેટ્સ માટે 1,200 કરોડ રૂપિયા ચૂકવવામાં આવશે.
પ્રયાગરાજ પાવર જનરેશનમાં પણ મળશે હિસ્સો
આ મેગા ડીલમાં પ્રયાગરાજ પાવર જનરેશન કંપની લિમિટેડમાં જયપ્રકાશ એસોસિએટ્સનો જે 11.49% હિસ્સો છે, તેનો પણ સમાવેશ થાય છે. આ ડીલ પૂરી થતા આ હિસ્સો પણ હવે અદાણી પાવરને ટ્રાન્સફર કરી દેવામાં આવશે.
NCLT ના રિઝોલ્યુશન પ્લાનનો છે ભાગ
અદાણી પાવરે 19 માર્ચ 2026 ના રોજ શેરબજારને જાણ કરી હતી કે, તેણે NCLT દ્વારા મંજૂર કરાયેલા જયપ્રકાશ એસોસિએટ્સના રિઝોલ્યુશન પ્લાનમાં 'ઇમ્પ્લીમેન્ટિંગ એન્ટિટી' (કાર્યાન્વયન એકમ) તરીકે જોડાવા માટે સૈદ્ધાંતિક રસ દાખવ્યો છે. કંપનીના જણાવ્યા અનુસાર, આ અંતિમ કરાર એ જ મંજૂર કરાયેલા રિઝોલ્યુશન પ્લાનને લાગુ કરવાના ભાગરૂપે કરવામાં આવ્યા છે.
શું કામ કરે છે જયપ્રકાશ પાવર વેન્ચર્સ?
JP Power મુખ્યત્વે વીજળી ઉત્પાદન ક્ષેત્રે સક્રિય છે. કંપની થર્મલ અને હાઇડ્રો બંને પ્રકારના પાવર પ્રોજેક્ટ ચલાવે છે. હાલમાં કંપની પાસે કુલ 2,220 મેગાવોટની ક્ષમતાવાળા 3 વીજળી પ્લાન્ટ છે. આ ઉપરાંત કંપની વાર્ષિક 20 લાખ ટન ક્ષમતાનું સિમેન્ટ ગ્રાઇન્ડિંગ યુનિટ, વાર્ષિક 39.2 લાખ ટન ક્ષમતાની કોલસાની ખાણ અને રેતી ખનનના બિઝનેસ સાથે પણ સંકળાયેલી છે.
જેપી પાવરના શેરમાં આવ્યો ભારે ઉછાળો
આ ઐતિહાસિક ડીલના સમાચાર આવતા જ બુધવારે NSE પર જેપી પાવરનો શેર 20% ની અપર સર્કિટ સાથે 22.95 રૂપિયાની સપાટીએ પહોંચી ગયો હતો. રોકાણકારો માટે આ શેર ઘણો ફાયદાકારક સાબિત થયો છે.
છેલ્લા 6 મહિનાની વાત કરીએ તો આ શેરમાં 23.06% નો ઉછાળો આવ્યો છે. જ્યારે, છેલ્લા 1 વર્ષમાં રોકાણકારોને 51% નું શાનદાર રિટર્ન મળ્યું છે. આ શાનદાર તેજી સાથે કંપનીનું માર્કેટ કેપ (Market Cap) 15.73 હજાર કરોડ રૂપિયા પર પહોંચી ગયું છે.
ડિસ્ક્લેમર: (આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.)
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
