Asian Market : ટ્રમ્પની ચીન મુલાકાત પર આખી દુનિયાની નજર, અમેરિકી બજારમાં રેકોર્ડબ્રેક તેજી

Asian Market : ગુરુવારે એશિયા-પેસિફિક માર્કેટમાં મિશ્ર કારોબાર (Mixed Trade) જોવા મળ્યો છે. હાલમાં ગ્લોબલ માર્કેટના રોકાણકારોનું સંપૂર્ણ ધ્યાન બેઇજિંગમાં અમેરિકાના રાષ્ટ્રપતિ ડોનાલ્ડ ટ્રમ્પ અને ચીનના રાષ્ટ્રપતિ શી જિનપિંગ વચ્ચે યોજાનારી હાઈ-પ્રોફાઈલ મીટિંગ પર કેન્દ્રિત છે. બજારના નિષ્ણાતો બંને દેશો વચ્ચેના વ્યાપારી સંબંધો અને ગ્લોબલ ઈકોનોમી પર તેની શું અસર પડશે તેનો અંદાજ લગાવી રહ્યા છે.

ટ્રમ્પની ઐતિહાસિક ચીન મુલાકાત

ડોનાલ્ડ ટ્રમ્પ બુધવારે બેઇજિંગ પહોંચી ગયા છે. છેલ્લા 9 વર્ષમાં કોઈ અમેરિકી નેતાની આ પ્રથમ સત્તાવાર ચીન મુલાકાત છે. ગુરુવારે સવારે 'ગ્રેટ હોલ ઓફ ધ પીપલ' ખાતે તેઓ શી જિનપિંગ સાથે મુલાકાત કરવાના છે.

ખાસ વાત એ છે કે, ટ્રમ્પની સાથે ટેસ્લાના CEO ઈલોન મસ્ક અને એનવિડિયા (Nvidia) ના CEO જેન્સેન હુઆંગ સહિતના દિગ્ગજ બિઝનેસ લીડર્સ પણ ચીન પહોંચ્યા છે. ઈરાન વિવાદ અને વૈશ્વિક મોંઘવારીની ચિંતાઓ વચ્ચે આ મીટિંગ બંને દેશોના સંબંધોને સ્થિર કરવા માટે ખૂબ જ મહત્વપૂર્ણ માનવામાં આવે છે.

એશિયાના બજારોમાં શરૂઆતી કારોબારમાં ઉતાર-ચઢાવ જોવા મળ્યો હતો.

જાપાન: નિક્કેઈ 225 ઇન્ડેક્સ 0.27% વધ્યો, જ્યારે બ્રોડર ટોપિક્સ ઇન્ડેક્સમાં 0.23% નો ઘટાડો નોંધાયો.

સાઉથ કોરિયા: કોસ્પી ઇન્ડેક્સ 0.38% અને સ્મોલ-કેપ કોસ્ડેક 1.31% ઉછળ્યો.

ઓસ્ટ્રેલિયા: S&P/ASX 200 ઇન્ડેક્સમાં 0.16% નો ઘટાડો જોવા મળ્યો.

હોંગકોંગ: હેંગ સેંગ ઇન્ડેક્સ ફ્યુચર્સ 26799 પર ટ્રેડ થયો, જે અગાઉના 26388.44 ના ક્લોઝિંગ કરતા ઊંચો છે.

ચીન: ચીની ઇક્વિટીઝ 2021 પછીના સૌથી ઉચ્ચ સ્તરે ટ્રેડ થઈ રહી છે અને તેમાં હજુ વધુ તેજીની અપેક્ષા છે.

વોલ સ્ટ્રીટમાં તોફાની તેજી

અમેરિકી શેર બજારમાં ટેકનોલોજી શેરોના દમ પર ઐતિહાસિક તેજી જોવા મળી છે. મોંઘવારી અને વ્યાજદરોની ચિંતા પાછળ છોડીને ઇન્ડેક્સ નવા રેકોર્ડ બનાવી રહ્યા છે. મજબૂત કોર્પોરેટ અર્નિંગ્સ અને આર્ટિફિશિયલ ઇન્ટેલિજન્સ (AI) સેક્ટરમાં થઈ રહેલા જંગી ખર્ચના કારણે રોકાણકારો ઉત્સાહિત છે.

S&P 500: 0.58% ઉછળીને 7444.25 ના રેકોર્ડ સ્તરે બંધ થયો.

Nasdaq: 1.2% ના જોરદાર ઉછાળા સાથે 26402.34 ની ઓલ-ટાઇમ હાઈ સપાટીએ બંધ રહ્યો.

Dow Jones: 67.36 પોઈન્ટ (0.14%) ઘટીને 49693.20 પર બંધ થયો.

અમેરિકામાં મોંઘવારીના આંકડા

અમેરિકામાં એપ્રિલ મહિનામાં પ્રોડ્યુસર પ્રાઈસ ઈન્ડેક્સ (PPI) માં છેલ્લા 4 વર્ષનો સૌથી મોટો વધારો નોંધાયો છે. ફાઈનલ ડિમાન્ડ માટેનો PPI 1.4% વધ્યો છે, જે માર્ચ 2022 પછીનો સૌથી મોટો ઉછાળો છે (માર્ચમાં આ વધારો 0.7% હતો). એપ્રિલ સુધીના 12 મહિનામાં PPI 6.0% વધ્યો છે.

બોન્ડ યીલ્ડ અને ક્રૂડ ઓઈલના ભાવમાં ભડકો

US ટ્રેઝરી યીલ્ડ: અમેરિકામાં લાંબા ગાળાની યીલ્ડ મધ્ય-2025 પછીના સૌથી ઉચ્ચ સ્તરે પહોંચી છે. 10 વર્ષીય નોટ્સ પર યીલ્ડ 4.473% થઈ છે, જ્યારે 30 વર્ષીય યીલ્ડ 5% ની પાર નીકળી ગઈ છે.

જાપાની બોન્ડ યીલ્ડ: જાપાનની 10 વર્ષીય JGB યીલ્ડ વધીને 2.605% થઈ ગઈ છે, જે મે 1997 પછીનું સૌથી ઊંચું સ્તર છે.

ક્રૂડ ઓઈલ: અમેરિકા-ઈરાન વચ્ચે યુદ્ધની ભીતિ અને ટ્રમ્પ-શી મીટિંગ પહેલા કાચા તેલના ભાવ ઊંચકાયા છે. બ્રેન્ટ ક્રૂડ 0.12% વધીને $105.76 પ્રતિ બેરલ અને US WTI ફ્યુચર્સ $101.14 પર પહોંચી ગયું છે.

બજારનો હાલ

ટ્રેઝરી યીલ્ડ વધવાથી અમેરિકી ડોલર વધુ મજબૂત બન્યો છે. ડોલર ઇન્ડેક્સ 98.46 પર રહ્યો, જે આ સપ્તાહમાં 0.63% વધ્યો છે. યુરો $1.1716 અને પાઉન્ડ (સ્ટર્લિંગ) $1.3527 પર જોવા મળ્યો. જ્યારે ઓફશોર ચાઈનીઝ યુઆન 3 વર્ષના ઉચ્ચ સ્તરે (6.7860 પ્રતિ ડોલર) ટ્રેડ થઈ રહ્યો છે.

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.