Ather Energy Q1 Results: એથર એનર્જીની ખોટમાં જંગી ઘટાડો, આવક 89% વધી, 1 જ વર્ષમાં રોકાણકારોને મળ્યું 223% નું બમ્પર રિટર્ન

Ather Energy Q1 Results: ઇલેક્ટ્રિક ટુ-વ્હીલર માર્કેટમાં દબદબો ધરાવતી જાણીતી કંપની એથર એનર્જીએ જૂન ક્વાર્ટરના શાનદાર પરિણામો જાહેર કર્યા છે. કંપનીની આવકમાં મોટો ઉછાળો આવ્યો છે અને સાથે જ ખોટમાં જંગી ઘટાડો નોંધાયો છે. ભારતમાં ઇલેક્ટ્રિક વાહનોની વધતી માંગ વચ્ચે કંપનીનું આ શાનદાર પરફોર્મન્સ શેરબજારના રોકાણકારોનું ધ્યાન ખેંચી રહ્યું છે.

Q1 નાણાકીય પરિણામોની મુખ્ય હાઇલાઇટ્સ

જૂન ક્વાર્ટરમાં કંપનીએ દરેક મોરચે મજબૂત કામગીરી બતાવી છે. વાર્ષિક ધોરણે કંપનીની આવક 88.8% વધીને 1217 કરોડ રૂપિયાના આંકડા પર પહોંચી ગઈ છે. ગયા વર્ષે આ જ ક્વાર્ટરમાં કંપનીને 178.2 કરોડ રૂપિયાની ખોટ થઈ હતી, જે હવે સીધી ઘટીને માત્ર 51 કરોડ રૂપિયા રહી ગઈ છે. વેચાણ વધવાની સાથે જ કંપનીના ઓપરેટિંગ પરફોર્મન્સમાં જબરદસ્ત સુધારો જોવા મળ્યો છે. કંપનીની EBITDA ખોટ ગયા વર્ષના 134.3 કરોડ રૂપિયાથી ઘટીને હવે 33.4 કરોડ રૂપિયા થઈ ગઈ છે.

EV બજારમાં તેજી અને નવી તકો

નવા 'EL' સ્કૂટરનું થશે લોન્ચિંગ

કંપની ટૂંક સમયમાં પોતાનું નવું 'EL' સ્કૂટર માર્કેટમાં ઉતારવા જઈ રહી છે. જૂન ક્વાર્ટરમાં આ મોડલનું હોમોલોગેશન પૂરું થઈ ગયું છે અને તેના માસ પ્રોડક્શનના ટ્રાયલ પણ શરૂ કરી દેવાયા છે.આ નવું સ્કૂટર ઓગસ્ટ મહિનામાં યોજાનાર 'Ather Community Day' ઇવેન્ટ દરમિયાન લોન્ચ કરવામાં આવશે. હોસુર પ્લાન્ટમાં FY27 ના બીજા ક્વાર્ટરથી તેનું કોમર્શિયલ પ્રોડક્શન શરૂ કરવામાં આવશે.આગામી સમયમાં કંપની પોતાની ઉત્પાદન ક્ષમતા વધારીને દર મહિને 60000 વાહનો કરવાની તૈયારી કરી રહી છે.

ફંડિંગ અને નવું 'Pothole+ Alerts' ફીચર

બિઝનેસના વિસ્તરણ માટે એથર એનર્જીએ હાલમાં જ QIP (ક્વોલિફાઇડ ઇન્સ્ટિટ્યુશનલ પ્લેસમેન્ટ) દ્વારા 1300 કરોડ રૂપિયાનું ફંડ એકઠું કર્યું છે. આ અંતર્ગત કંપનીએ 1202 રૂપિયા પ્રતિ શેરના ભાવે 1.08 કરોડ ઇક્વિટી શેર ઇશ્યૂ કર્યા છે.

આ ઉપરાંત, કંપનીએ રાઇડિંગને સુરક્ષિત બનાવવા 'Pothole+ Alerts' નામનું એક નવું સોફ્ટવેર ફીચર લોન્ચ કર્યું છે. આ ફીચર રસ્તા પરના ખાડા, તૂટેલા રસ્તા અને સ્પીડ બ્રેકરની અગાઉથી જાણકારી આપે છે. આ લેટેસ્ટ ફીચર 450 Apex, 450X અને Rizta Z સહિતના Gen 2 અને તેના પછીના તમામ કનેક્ટેડ સ્કૂટર્સમાં મળશે.

શેરબજારમાં Ather Energy ની મજબૂત સ્થિતિ

સોમવારે કંપનીનો શેર 1.56% ના વધારા સાથે 1280 રૂપિયા પર બંધ થયો હતો. કંપનીની માર્કેટ કેપ હાલમાં 50.16 હજાર કરોડ રૂપિયા છે. રિટર્નની વાત કરીએ તો, આ શેરે છેલ્લા 6 મહિનામાં રોકાણકારોને 89.38% નો નફો કરાવ્યો છે. જ્યારે છેલ્લા 1 વર્ષમાં આ સ્ટોકે 223.27% નું બમ્પર રિટર્ન આપીને રોકાણકારોને માલામાલ કરી દીધા છે.

આ પણ વાંચો-MobiKwik Q1 Results: મોબીક્વિકે નોંધાવ્યો શાનદાર નફો, સતત ત્રીજા ક્વાર્ટરમાં નફાને પગલે શેરમાં 8%નો ઉછાળો

ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી