Share Market Today: ટ્રેડિંગ કરતા પહેલા જાણી લો બજારના સંકેતો, ગ્લોબલ માર્કેટ અને RBIના નિર્ણયોની જોવા મળશે અસર

Share Market Today : ભારતીય શેરબજાર5 જૂનના રોજ મામૂલી સુસ્તી સાથે ખૂલે તેવી પૂરી શક્યતા છે. ગિફ્ટ નિફ્ટી તરફથી મળી રહેલા શરૂઆતી સંકેતો પણ આ જ દિશામાં ઈશારો કરી રહ્યા છે. આજે કોઈ પણ ટ્રેડ લેતા પહેલા રોકાણકારોએ દેશ અને દુનિયાના એવા મહત્વના સમાચારો પર નજર નાખવી જરૂરી છે, જે આજના બજારની દિશા નક્કી કરી શકે છે.

માર્કેટ ઓવરવ્યૂ: ગત સત્રમાં બજાર કેમ સપાટ રહ્યું?

4 જૂનના રોજ ભારતીય શેરબજાર એકદમ સપાટ બંધ થયું હતું. આની પાછળનું મુખ્ય કારણ 5 જૂને આવનારા રિઝર્વ બેંક ઓફ ઈન્ડિયાની મોનેટરી પોલિસીના નિર્ણયો હતા, જેને લઈને રોકાણકારો સાવચેત જોવા મળ્યા હતા. આ ઉપરાંત અમેરિકા-ઈરાન વચ્ચે ચાલી રહેલી શાંતિ મંત્રણા અને ભારત-અમેરિકા ટ્રેડ એગ્રીમેન્ટની અનિશ્ચિતતાઓએ પણ બજારના સેન્ટિમેન્ટ પર અસર પાડી હતી. ગત સત્રમાં સેન્સેક્સ 13.84 પોઈન્ટ ધીને 74,360.01 પર અને નિફ્ટી 10.95 પોઈન્ટના મામૂલી વધારા સાથે 23,416.55 ના સ્તરે બંધ થયો હતો.

ગિફ્ટ નિફ્ટી અને એશિયન બજારોની સ્થિતિ

જાપાનનો નિક્કેઈ 1.37% તૂટ્યો છે. સ્ટ્રેટ ટાઈમ્સમાં 0.13% અને હેંગ સેંગમાં 0.61% નો ઘટાડો નોંધાયો છે. તાઈવાન માર્કેટ 0.54% નબળું પડ્યું છે, જ્યારે શાંઘાઈ કમ્પોઝિટ 0.27% ના વધારા સાથે ગ્રીન ઝોનમાં છે.

અમેરિકન બજારોમાં મિશ્ર પ્રતિસાદ

ગુરુવારે વોલ સ્ટ્રીટમાં તેજી જોવા મળી હતી. ઈરાન યુદ્ધ સમાપ્ત થવાની દિશામાં થયેલી પ્રગતિથી રોકાણકારોનો વિશ્વાસ વધ્યો છે. જોકે, બ્રોડકોમના ખરાબ પરિણામોને કારણે ચિપ બનાવતી કંપનીઓના શેરમાં ભારે વેચવાલી આવી, જેના લીધે નેસ્ડેક દબાણમાં રહ્યો. ડાઉ જોન્સ 874.86 પોઈન્ટ (1.73%) ઉછળીને 51,561.93 પર બંધ થયો. S&P 500 ઈન્ડેક્સ 30.63 પોઈન્ટ (0.41%) વધીને 7,584.31 પર પહોંચ્યો. નેસ્ડેક 23.02 પોઈન્ટ (0.09%) ઘટીને 26,830.96 ના સ્તરે બંધ થયો.

ડોલર ઇન્ડેક્સ અને US બોન્ડ યીલ્ડ

અન્ય કરન્સી સામે ડોલરની મજબૂતી દર્શાવતો ડોલર ઇન્ડેક્સ હાલમાં સપાટ 99.42 ના સ્તર પર છે. આ સપ્તાહે તેમાં 0.5% નો વધારો થવાની ધારણા છે. બીજી બાજુ, અમેરિકામાં 10-વર્ષ અને 2-વર્ષના ટ્રેઝરી બોન્ડની યીલ્ડમાં સામાન્ય ઘટાડો નોંધાયો છે, જે અનુક્રમે 4.46% અને 4.04% પર આવી ગઈ છે.

એશિયન કરન્સી: કોણ મજબૂત, કોણ નબળું?

અમેરિકન ડોલર સામે એશિયન કરન્સીમાં મિશ્ર ટ્રેન્ડ છે. ડોલર મજબૂત થતા મોટાભાગની એશિયન કરન્સી દબાણમાં છે. સાઉથ કોરિયન વૉન સૌથી વધુ 0.463% તૂટ્યો છે. ઇન્ડોનેશિયન રૂપિયામાં 0.454%, મલેશિયન રિંગિટમાં 0.328%, થાઈ બહતમાં 0.190% અને તાઈવાન ડોલરમાં 0.111% નો ઘટાડો જોવા મળ્યો છે. ફિલિપાઈન પેસો 0.109% મજબૂત થયો છે. જ્યારે ચાઈનીઝ રેનમિન્બી અને જાપાનીઝ યેનમાં પણ મામૂલી વધારો જોવા મળ્યો છે.

FII અને DII ના લેટેસ્ટ આંકડા

વિદેશી રોકાણકારોની વેચવાલી સતત ચાલુ છે. 4 જૂનના રોજ વિદેશી સંસ્થાકીય રોકાણકારોએ સળંગ સાતમા સેશનમાં 4,447 કરોડના શેર વેચ્યા હતા. તેની સામે ઘરેલુ સંસ્થાકીય રોકાણકારોએ બજારને સપોર્ટ આપતા સળંગ 13મા સેશનમાં 4,360 કરોડની ખરીદી કરી હતી.

આ પણ વાંચો-Stocks to Watch: RBI MPCના નિર્ણયનો દિવસ, Indigo, Groww અને CG Power સહિત આ શેરોમાં જોવા મળશે ભારે હલચલ