Closing Bell: શેરબજારમાં ભયંકર કડાકો, સેન્સેક્સ 1636 પોઈન્ટ તૂટ્યો, નિફ્ટીમાં 6 વર્ષનો સૌથી મોટો માસિક ઘટાડો નોંધાયો

Closing Bell: ભારતીય શેરબજારમાં આજે ભયંકર કડાકો જોવા મળ્યો છે. રોકાણકારો માટે આજનો દિવસ ભારે નિરાશાજનક રહ્યો હતો. માર્ચ સિરીઝની એક્સપાયરીના દિવસે બજારમાં ચારેબાજુ ભારે વેચવાલી જોવા મળી, જેને કારણે બજારના મુખ્ય ઈન્ડેક્સ સેન્સેક્સ અને નિફ્ટી 2% કરતાં પણ વધુ ગગડીને બંધ થયા છે.

કોવિડ મહામારી પછી બજારમાં આવો માહોલ ભાગ્યે જ જોવા મળ્યો છે. નિફ્ટી ઈન્ડેક્સમાં છેલ્લા 6 વર્ષનો આ સૌથી મોટો માસિક ઘટાડો નોંધાયો છે.

માર્કેટ ક્યાં બંધ થયું? આંકડાઓ પર એક નજર

આજના કારોબારના અંતે બજારની સ્થિતિ નીચે મુજબ રહી હતી. સેન્સેક્સ 1635.67 પોઈન્ટ એટલે કે 2.22% ના જંગી ઘટાડા સાથે 71,947.55 ના સ્તર પર બંધ થયો. નિફ્ટી 488.20 પોઈન્ટ એટલે કે 2.14% ના કડાકા સાથે 22,331.40 ના સ્તર પર બંધ થયો.

આજના કડાકામાં કોઈ પણ સેક્ટર બચી શક્યું ન હતું. માર્કેટના તમામ સેક્ટર આજે લાલ નિશાનમાં બંધ થયા છે. ઓટો (Auto), FMCG, કન્ઝ્યુમર ડ્યુરેબલ્સ, પ્રાઈવેટ બેંક અને PSU બેંક સેક્ટરના શેરોમાં 1% થી 2% નો ઘટાડો જોવા મળ્યો હતો. આ ઉપરાંત, બ્રોડર માર્કેટમાં પણ વેચવાલીનું દબાણ જોવા મળ્યું. નિફ્ટી મિડકેપ અને સ્મોલકેપ બંને ઈન્ડેક્સમાં 1.6% નો ઘટાડો નોંધાયો છે.

નિફ્ટીના ટોપ લૂઝર્સ

બજારના આ ભારે ઘટાડામાં કેટલીક મોટી કંપનીઓના શેર તૂટ્યા હતા. નિફ્ટીમાં સૌથી વધુ નુકસાન કરાવનાર શેરોમાં નીચેના નામ સામેલ છે:

બજાજ ફાઈનાન્સ

એક્સિસ બેંક

શ્રીરામ ફાઈનાન્સ

સ્ટેટ બેંક ઓફ ઇન્ડિયા

જિયો ફાઈનાન્શિયલ

નિફ્ટીના ટોપ ગેનર્સ

ચારેતરફ વેચવાલી હોવા છતાં, કેટલાક શેરો એવા હતા જેમાં રોકાણકારોને ફાયદો થયો અને તે લીલા નિશાનમાં બંધ થયા:

હિંડાલ્કો ઈન્ડસ્ટ્રીઝ

કોલ ઈન્ડિયા

ONGC

ભારત ઈલેક્ટ્રોનિક્સ

પાવર ગ્રીડ કોર્પ

આ પણ વાંચો-Share Market Crash: શેરબજારમાં ભૂચાલ, સેન્સેક્સ 1700 અંક તૂટ્યો, નિફ્ટી 22,400ની નીચે આવ્યો, જાણો 5 મુખ્ય કારણો