Castrol India Q1 Results: માર્ચ ક્વાર્ટરમાં નફામાં 4% નો વધારો, આવક પણ વધી; જાણો રોકાણકારો માટે ડિવિડન્ડની શું છે વિગત

Castrol India Q1 Results: દેશની અગ્રણી લુબ્રિકન્ટ ઉત્પાદક કંપની કેસ્ટ્રોલ ઈન્ડિયા (Castrol India) એ જાન્યુઆરી-માર્ચ 2026 ના પ્રથમ ત્રિમાસિક ગાળાના નાણાકીય પરિણામો જાહેર કર્યા છે. કંપનીએ વાર્ષિક ધોરણે તેના નફા અને આવક બંનેમાં સારી વૃદ્ધિ નોંધાવી છે. ઓટોમોટિવ અને ઇન્ડસ્ટ્રીયલ લુબ્રિકન્ટ સેક્ટરમાં મજબૂત માંગને કારણે કંપનીના આંકડા ઉત્સાહજનક રહ્યા છે.

નફા અને આવકમાં ઉછાળો

કેસ્ટ્રોલ ઈન્ડિયાએ શેરબજારને આપેલી માહિતી મુજબ, માર્ચ 2026 ના ક્વાર્ટરમાં કંપનીનો ચોખ્ખો નફો વાર્ષિક ધોરણે આશરે 4% વધીને 242.18 કરોડ રૂપિયા થયો છે. નોંધનીય છે કે ગયા વર્ષે સમાન ગાળામાં કંપનીનો નફો 233.46 કરોડ રૂપિયા રહ્યો હતો.

આવકની વાત કરીએ તો, ઓપરેશન્સ દ્વારા થતી આવક 8.6% ના વધારા સાથે 1545.24 કરોડ રૂપિયા પર પહોંચી ગઈ છે, જે ગયા વર્ષે માર્ચ ક્વાર્ટરમાં 1422 કરોડ રૂપિયા હતી. જોકે, કાચા માલ અને અન્ય ખર્ચમાં પણ વધારો જોવા મળ્યો છે. આ ક્વાર્ટરમાં કુલ ખર્ચ 1,245.47 કરોડ રૂપિયા નોંધાયો છે.

કેસ્ટ્રોલ ઈન્ડિયા તેના નાણાકીય વર્ષ તરીકે કેલેન્ડર વર્ષ (જાન્યુઆરી થી ડિસેમ્બર) ને અનુસરે છે. વર્ષ 2025 દરમિયાન કંપનીની કુલ આવક 5,721.50 કરોડ રૂપિયા અને ચોખ્ખો નફો 949.93 કરોડ રૂપિયા રહ્યો હતો. કંપનીમાં પ્રમોટર્સ 51% હિસ્સો ધરાવે છે, જે તેની મજબૂત પકડ દર્શાવે છે.

ડિવિડન્ડની જાહેરાત

રોકાણકારો માટે કંપનીએ અગાઉ જ ડિવિડન્ડની ભેટ જાહેર કરી દીધી છે. વર્ષ 2025 માટે કંપનીએ 5.25 રૂપિયા પ્રતિ શેર ના ફાઈનલ ડિવિડન્ડની જાહેરાત કરી હતી. આ માટેની રેકોર્ડ ડેટ 23 માર્ચ 2026 નક્કી કરવામાં આવી હતી. આ પહેલા કંપનીએ 2025 માં 3.50 રૂપિયાનું વચગાળાનું (Interim) ડિવિડન્ડ પણ આપ્યું હતું.

શેરબજારમાં સ્થિતિ અને બ્રોકરેજ વ્યુ

28 એપ્રિલે કેસ્ટ્રોલ ઈન્ડિયાનો શેર શેરબજારમાં સ્થિર (Flat) ટ્રેડ કરી રહ્યો હતો. કંપનીનું માર્કેટ કેપિટલાઇઝેશન 18200 કરોડ રૂપિયાથી વધુ છે. જોકે છેલ્લા એક વર્ષમાં શેરના ભાવમાં 12% નો ઘટાડો જોવા મળ્યો છે, પરંતુ બ્રોકરેજ હાઉસ હજુ પણ આ શેર પર પોઝિટિવ છે.

Motilal Oswal: જાણીતી બ્રોકરેજ ફર્મ મોતીલાલ ઓસવાલે આ શેર માટે 'Buy' રેટિંગ આપ્યું છે અને 250 રૂપિયા નો ટાર્ગેટ પ્રાઇસ નક્કી કર્યો છે.

આ પણ વાંચો-Heatwave Advisory: કાળઝાળ ગરમીમાં મજૂરો અને ફેક્ટરી વર્કરોને બચાવવા કેન્દ્ર સરકાર એક્શનમાં, રાજ્યો માટે ખાસ ગાઈડલાઈન્સ જાહેર