શેરબજારમાં ભૂકંપ: સેન્સેક્સ 999 પોઈન્ટ તૂટ્યો, નિફ્ટી 23,900ની નીચે સરક્યો; જાણો રોકાણકારોના પૈસા ડૂબવા પાછળના 5 મોટા કારણો

Share Market Crash: ભારતીય શેરબજારમાં આજે કાળા શુક્રવાર જેવો માહોલ જોવા મળ્યો છે. સતત ત્રણ દિવસના ઘટાડા બાદ આજે બજારમાં મોટો કડાકો બોલાઈ ગયો છે. સેન્સેક્સ અને નિફ્ટી બંને ઇન્ડેક્સમાં ભારે વેચવાલીને કારણે રોકાણકારોના કરોડો રૂપિયા ધોવાઈ ગયા છે. આ અઠવાડિયું શેરબજાર માટે ખૂબ જ ખરાબ સાબિત થયું છે, જેમાં સેન્સેક્સ અને નિફ્ટીમાં લગભગ 2-2 ટકાનો ઘટાડો નોંધાયો છે.

નિફ્ટી 23,900ની નીચે જતાં ચિંતા વધી

આજે દિવસના અંતે નિફ્ટી 23,900ના મહત્વના સ્તરની નીચે બંધ આવ્યો છે, જે બજારના નબળા સેન્ટિમેન્ટ તરફ ઈશારો કરે છે. છેલ્લા બે અઠવાડિયાથી બજારમાં જે તેજી જોવા મળી હતી, તેના પર હવે બ્રેક લાગી ગઈ છે. માત્ર મોટા શેરો જ નહીં, પરંતુ મિડકેપ અને સ્મોલકેપ ઈન્ડેક્સમાં પણ 1-1 ટકાનો ઘટાડો જોવા મળ્યો છે, જેના કારણે સામાન્ય રોકાણકારોને પણ મોટું નુકસાન થયું છે.

આઇટી શેરોમાં ભારે ધોવાણ: ઇન્ફોસિસ 7 ટકા તૂટ્યો

ક્રૂડ ઓઇલ અને નિષ્ણાતોનો મત

બજારના નિષ્ણાતોના મતે, બ્રેન્ટ ક્રૂડ ઓઇલના ભાવ વધીને 106 ડોલર પ્રતિ બેરલ પર પહોંચી ગયા છે. ક્રૂડના વધતા ભાવને કારણે ભારતીય રૂપિયો નબળો પડી રહ્યો છે અને તે કંપનીઓ માટે ખર્ચ વધી જશે જે ઉત્પાદનમાં ક્રૂડનો ઉપયોગ કરે છે. ટેકનિકલ રીતે જોવામાં આવે તો નિફ્ટી તેના 20-Day EMA સ્તરથી નીચે સરકી ગયો છે. હવે નિફ્ટી માટે 23,600-23,550 મહત્વનો સપોર્ટ છે, જો તે તૂટશે તો બજાર 23,150 સુધી પણ જઈ શકે છે.

બજારમાં ‘કોહરામ’ મચાવનાર 5 મુખ્ય કારણો:

અમેરિકા-ઈરાન વચ્ચે વધતો તણાવ: હોર્મુઝની ખાડીને લઈને અમેરિકા અને ઈરાન વચ્ચે તણાવ વધી રહ્યો છે. જો આ વિવાદ વધશે તો ક્રૂડ ઓઈલના સપ્લાય પર અસર પડશે, જેની સીધી અસર ભારતના અર્થતંત્ર પર પડી શકે છે.

ક્રૂડ ઓઇલના ભાવમાં ઉછાળો: મધ્ય પૂર્વમાં યુદ્ધના કારણે ક્રૂડ ફરી 100 ડોલરને પાર કરી ગયું છે. ભારત પોતાની જરૂરિયાતનું 90 ટકા ક્રૂડ આયાત કરે છે, તેથી મોંઘુ તેલ શેરબજાર માટે જોખમી સાબિત થઈ રહ્યું છે.

વિદેશી ફંડો (FII)ની વેચવાલી: વિદેશી સંસ્થાગત રોકાણકારો સતત ભારતીય બજારમાંથી પૈસા ખેંચી રહ્યા છે. એપ્રિલ મહિનામાં તેમણે મોટા પાયે વેચવાલી કરી છે, જેની અસર મોટા શેરો પર દેખાઈ રહી છે.

IT સેક્ટરનું નબળું પ્રદર્શન: ઇન્ફોસિસના પરિણામો અને ભવિષ્યની નબળી આગાહીએ આખા આઇટી સેક્ટરમાં ડરનો માહોલ પેદા કર્યો છે. પરિણામે, રોકાણકારો આઇટી શેરો વેચી રહ્યા છે.

ઈન્ડિયા VIX માં ઉછાળો: બજારમાં કેટલી અસ્થિરતા (Volatility) રહેશે તે દર્શાવતો ઇન્ડેક્સ 'ઈન્ડિયા VIX' 6 ટકા વધીને 19.7 પર પહોંચી ગયો છે. સામાન્ય રીતે 15 થી ઉપરનો VIX બજારમાં ગભરાટ અને અનિશ્ચિતતા સૂચવે છે.

હાલ પૂરતું શેરબજારમાં અનિશ્ચિતતાનો માહોલ છે. જો ક્રૂડ ઓઇલના ભાવમાં ઘટાડો નહીં થાય અને ભૂ-રાજકીય તણાવ ઓછો નહીં થાય, તો આગામી દિવસોમાં પણ બજાર પર દબાણ ચાલુ રહી શકે છે. રોકાણકારોએ અત્યારે સાવચેતીપૂર્વક કામ લેવું જોઈએ.

આ પણ વાંચો- Closing Bell: શેરબજાર માટે ‘બ્લેક ફ્રાઈડે’: સેન્સેક્સમાં 1000 પોઈન્ટનો કડાકો, રોકાણકારોના 4.76 લાખ કરોડ રૂપિયા ડૂબ્યા

Disclaimer: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.