US Stock Market: ભારતીય રિટેલ રોકાણકારો માટે અમેરિકન બજારમાં રોકાણ કરવું હવે એકદમ સરળ અને સસ્તું બની ગયું છે. જો તમે પણ Apple, Google અને Microsoft જેવી વિશ્વની દિગ્ગજ કંપનીઓમાં રોકાણ કરવાનું સપનું જોતા હોવ, તો તમારા માટે એક શાનદાર સમાચાર છે. પરાગ પરીખની ગિફ્ટ સિટી સ્થિત બ્રાન્ચ 'PPFAS GIFT' એ પોતાના બે લોકપ્રિય ઇન્ટરનેશનલ ફંડ્સમાં રોકાણની ન્યૂનતમ મર્યાદામાં 90% નો મોટો ઘટાડો કર્યો છે.
US Stocks માં રોકાણની સોનેરી તક, પરાગ પરીખે એન્ટ્રી ફીમાં 90%નો ઘટાડો કર્યો, જાણો હવે કેટલા રૂપિયાથી Apple-Googleના શેર ખરીદી શકાશે
ભારતીય રોકાણકારો માટે મોટી ખબર, PPFAS GIFT એ US માર્કેટમાં રોકાણની લિમિટ 90% ઘટાડીને $500 કરી. જાણો માત્ર 48,000 રૂપિયાથી Apple-Google માં રોકાણ કેવી રીતે કરવું.
અપડેટેડ 06:09:21 PM Aug 25, 2026 પર
અગાઉના નિયમ મુજબ, આ ફંડ્સમાં રોકાણ કરવા માટે ઓછામાં ઓછા 5000 ડોલરની જરૂર પડતી હતી. રૂપિયા અને ડોલરના એક્સચેન્જ રેટ મુજબ જોવા જઈએ તો, રોકાણકારોએ એકસાથે 4.79 લાખ રૂપિયા જેટલી મોટી રકમ રોકવી પડતી હતી.
આ નિર્ણયને કારણે હવે સામાન્ય રોકાણકાર પણ ખૂબ નાની રકમથી S&P 500 અને Nasdaq 100 જેવી અમેરિકન ઇન્ડેક્સ કંપનીઓમાં પોતાના પૈસા રોકી શકશે.
4.79 લાખ નહીં, હવે માત્ર 48,000 રૂપિયાથી કરો શરૂઆત
અગાઉના નિયમ મુજબ, આ ફંડ્સમાં રોકાણ કરવા માટે ઓછામાં ઓછા 5000 ડોલરની જરૂર પડતી હતી. રૂપિયા અને ડોલરના એક્સચેન્જ રેટ મુજબ જોવા જઈએ તો, રોકાણકારોએ એકસાથે 4.79 લાખ રૂપિયા જેટલી મોટી રકમ રોકવી પડતી હતી.
પરંતુ હવે, આ લિમિટ ઘટાડીને માત્ર 500 ડોલર કરી દેવામાં આવી છે. એટલે કે, હવે તમે માત્ર 48,000 રૂપિયાના પ્રારંભિક રોકાણથી અમેરિકન બજારમાં તમારો પોર્ટફોલિયો બનાવી શકો છો. PPFAS GIFT એ સોશિયલ મીડિયા પ્લેટફોર્મ 'X' પર આ અંગેની સત્તાવાર જાહેરાત કરતા જણાવ્યું હતું કે, આ પગલું નાના રોકાણકારો માટે ગ્લોબલ ઇન્વેસ્ટિંગના દરવાજા ખોલવાના હેતુથી લેવામાં આવ્યું છે.
કયા બે ફંડ્સમાં રોકાણની મર્યાદા ઘટાડાઈ?
આ નવો નિયમ PPFAS ઓલ્ટરનેટ એસેટ મેનેજર્સ IFSC દ્વારા ઑફર કરવામાં આવતા બે આઉટબાઉન્ડ પેસિવ ફંડ્સ પર લાગુ પડશે.
Parag Parikh IFSC S&P 500 Fund of Fund: આ ફંડ અમેરિકાની ટોચની 500 સૌથી મોટી લિસ્ટેડ કંપનીઓના ઇન્ડેક્સને ટ્રેક કરતા એક્યુમ્યુલેટિંગ ETFs માં રોકાણ કરે છે. આનાથી તમને અમેરિકન લાર્જ-કેપ માર્કેટનો સીધો લાભ મળે છે.
Parag Parikh IFSC Nasdaq 100 Fund of Fund: આ ફંડ Nasdaq 100 ઇન્ડેક્સમાં રોકાણ કરે છે. આ ઇન્ડેક્સમાં અમેરિકાની ટોપ 100 નોન-ફાઇનાન્સિયલ કંપનીઓ (જેમાં ટેકનોલોજી કંપનીઓનો દબદબો છે) નો સમાવેશ થાય છે.
Access global investing at a lower entry point. The minimum investment for our Outbound Passive Funds has been reduced from US$5,000 to US$500. Explore the Parag Parikh IFSC S&P 500 Fund of Fund & Parag Parikh IFSC Nasdaq 100 Fund of Fund. Invest Now - https://t.co/TgV8PxMyuJ pic.twitter.com/uTrB8SYAbg
— PPFAS GIFT (@ppfasgift) August 25, 2026
ગિફ્ટ સિટી દ્વારા કેવી રીતે થાય છે રોકાણ?
ગુજરાતમાં આવેલું ગિફ્ટ સિટી ભારતનું પહેલું ઇન્ટરનેશનલ ફાઇનાન્સિયલ સર્વિસ સેન્ટર છે. અહીં નાણાકીય સેવાઓ રૂપિયાના બદલે વિદેશી ચલણમાં પૂરી પાડવામાં આવે છે. ભારતીય નાગરિકો લિબરલાઈઝ્ડ રેમિટન્સ સ્કીમના નિયમો હેઠળ પોતાની બચતને આ ડોલર બેઝ્ડ ફંડ્સમાં કાયદેસર રીતે રોકી શકે છે. આનો સૌથી મોટો ફાયદો એ છે કે તમારે વિદેશી શેરો ખરીદવા માટે અલગથી કોઈ વિદેશી બ્રોકરેજ એકાઉન્ટ ખોલાવવાની માથાકૂટ રહેતી નથી.
સામાન્ય રોકાણકારો માટે આ નિર્ણય કેમ મહત્વનો છે?
જે લોકો પોતાના કુલ રોકાણના માત્ર 5% કે 10% હિસ્સાને જ વિદેશી બજારમાં રોકીને પોતાનો પોર્ટફોલિયો ડાયવર્સિફાય કરવા માંગતા હતા, તેમના માટે 4.8 લાખ રૂપિયા એકસાથે બ્લોક કરવા મુશ્કેલ હતા. હવે 48,000 રૂપિયાની નાની એન્ટ્રી ટિકિટના કારણે તેઓ પણ વૈશ્વિક માર્કેટની તેજીનો લાભ લઈ શકશે.
ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
