Closing Bell: શેરબજારમાં ભારે કડાકો, સેન્સેક્સ 715 પોઈન્ટ તૂટ્યો, નિફ્ટી 24000ની નીચે સરક્યો, રોકાણકારોના કરોડો રૂપિયા ડૂબ્યા

Closing Bell: ભારતીય શેરબજારમાં આજે ભારે વેચવાલી અને ગભરાહટનો માહોલ જોવા મળ્યો હતો. 22 જુલાઈના રોજ ટ્રેડિંગ સેશનના અંતે રોકાણકારોને મોટો ઝટકો લાગ્યો છે.

કારોબારના અંતે બોમ્બે સ્ટોક એક્સચેન્જનો મુખ્ય ઈન્ડેક્સ સેન્સેક્સ 715.06 પોઈન્ટ અથવા 0.92 ટકાના મોટા કડાકા સાથે 76,755.05 ના સ્તર પર બંધ થયો હતો. બીજી તરફ, નેશનલ સ્ટોક એક્સચેન્જનો ઈન્ડેક્સ નિફ્ટી 50 પણ 191.45 પોઈન્ટ અથવા 0.79 ટકા તૂટીને 23,996.25 ના સ્તરે આવી ગયો હતો. આ સાથે જ નિફ્ટીએ 24,000 ની અત્યંત મહત્વની સપાટી ગુમાવી દીધી છે.

માર્કેટ બ્રેડ્થ: વધવા કરતાં ઘટવાવાળા શેરોની સંખ્યા વધુ

બજારમાં આજે વેચવાલીનું દબાણ એટલું બધું હતું કે મોટાભાગના શેરો લાલ નિશાનમાં બંધ થયા છે. આજના આંકડા મુજબ,,1443 શેરોમાં તેજી જોવા મળી હતી.2616 શેરોમાં ભારે ઘટાડો નોંધાયો હતો. 170 શેરોની કિંમતમાં કોઈ જ ફેરફાર થયો ન હતો.

શેરબજારના કડાકા વચ્ચે અમુક શેરોએ કમાણી કરાવી છે, જ્યારે ઘણા મોટા શેરોએ રોકાણકારોને રડાવ્યા છે.

ટોપ લુઝર્સ

નિફ્ટીમાં આજે ઈન્ટરગ્લોબ એવિએશન, જિયો ફાઈનાન્સિયલ, ઈન્ફોસિસ, SBI અને ડૉ. રેડ્ડીઝ લેબ્સના શેરોમાં સૌથી વધુ ધોવાણ થયું હતું.

ટોપ ગેનર્સ

પડતા બજારમાં પણ બજાજ ઓટો, નેસ્લે, ટાટા કન્ઝ્યુમર, પાવર ગ્રીડ કોર્પ અને ONGC ના શેરો લીલા નિશાનમાં બંધ થઈને રોકાણકારોને કમાણી કરાવી હતી.

સેક્ટોરલ ઈન્ડેક્સની સ્થિતિ: કયા સેક્ટરમાં કેટલો કડાકો?

સેક્ટરોની સ્થિતિ પર નજર કરીએ તો, આજે મોટાભાગના સેક્ટર નિરાશાજનક રહ્યા છે. માત્ર બે જ સેક્ટર એવા હતા જે પ્લસમાં બંધ થયા છે: નિફ્ટી FMCG (0.65% વધારો) અને નિફ્ટી ઓટો (0.18% વધારો). બીજી તરફ, મીડિયા સેક્ટરનું પ્રદર્શન સૌથી ખરાબ રહ્યું હતું, જેમાં 2.68% નો જંગી ઘટાડો નોંધાયો છે.

મિડકેપ અને સ્મોલકેપ શેરોમાં પણ કડાકો

માત્ર મોટા શેરો જ નહીં, પરંતુ બ્રોડર માર્કેટમાં એટલે કે નાના અને મધ્યમ કદના શેરોમાં પણ રોકાણકારોએ મોટું નુકસાન વેઠવાનો વારો આવ્યો હતો. આજે નિફ્ટી મિડકેપ ઈન્ડેક્સ 1 ટકા અને સ્મોલકેપ ઈન્ડેક્સ 1.5 ટકાના મોટા ઘટાડા સાથે બંધ થયા છે.

આ પણ વાંચો-Tata Communications Q1 Results: ટાટા ગ્રુપની આ કંપનીનો નફો 29% ઘટ્યો, પરિણામ આવતા જ શેર 8% તૂટ્યો, રોકાણકારોને મોટો ઝટકો